اهلا بكم ان شاء الله هتكلم في المقاله دي ده عن شابتر مهم جدا في كورس جان . اللي هو اسمه التنبؤ بالمستقبل عن طريق استخدام التحليل الزمني. يمكن اتكلمنا عنه قبل كده
👇لمشاهدة الفيديو اضغط هنا 👇
التحليل الزمني والمستقبل
في الجزء ده من الكتاب جان اختص الجزء دة بعنوان التوقع او التنبؤ بالمستقبل بالدورات الزمنية عشان كده ده شابتر مهم وكان طبعا الجزء ده جزء من الكورسات كان بيبيعها جان زمان. في ناس جمعوها هو طبعا يعني مقالش ده الكورس بتاعي لا طبعا لان الكورس ده او الكورسات بتاعته كانت عبارة عن اوراق وشارتات ففي ناس جمعت بعض الحاجات منها وحطوها في كتاب كبير اللي هو اوراق جان او التجميعة بتاعة كتب جان المنتشرة
الشابتر ده بيقول لك ان عامل الزمن ده من اهم العوامل اللي انت تحطها في اعتبارك في تحليل السوق طبعا لان اغلب الناس كانت بتحلل بالسعر فقط. ولكن جان قال لك عامل الزمن مهم هو يعني يعتبر من اوائل الناس اللي اشتغلت بموضوع الزمن. كل الناس طبعا قبل جان ما كانش في حتى ولا سعر كمان يعني كان موضوع الشارتات والحاجات دي كان قليلة جدا يعني
صعب ان انت تحلل طبعا مكانش فيه ادوات وكمبيوتر ولا الكلام ده. ولا فيه رسم بياني. فاللي عايز يرسم رسم بياني بيرسم بايده بيجيب الاسعار يجمع ورقة الاسعار ويبدأ يرسم الشارت. كانت شغلانة صعبة كده زمان فساعتها عشان تعرف ان التحليل الفني زمان كان صعب اصلا يعني قليل جدا اللي بيشتغل به. فده دخل كمان في امور صعبة شوية اللي هو التحليل الزمني والتحليل الفلكي والتحليل الرقمي فده كان بالنسبة له في الوقت ده كان عمل حاجات كبيرة جدا يعني للراجل ده
ما هي قاعدة الصيادين القدامي؟
الشابتر ده بيتكلم عن الزمن بيقوللك ركز على عامل الزمن مهم جدا. بالنسبة لتحليل الاسهم. وبيقول لك يعني ان الصيادين القدامى قاعدة كده عاملها ايه هي يعني لما يكونو عايزين يجيبوا او يصطادوا حاجة حيوان او حاجة. قال لك بيمشوا وراء الآثار بتاعته. يعني بالعكس تمشي بالعكس شوف الآثار بتاعته راح فين عشان توصل للنيست او العش بتاع اللي انت عاوز تصطاده ده الفريسة دي يعني. فبيقول لك دة اقصر طريق عشان توصل الي العش يعني بتاع الفريسة اللي انت عايز تصطادها دي. فهو بيتكلم ان اسواق المال نفس الفكرة
يعني اسهل طريقة واسرع طريقة ان انت تتوقع او تتنبأ بحركة السوق ان انت تعمل ايه ؟Study the past انت تدرس الماضي . الماضي هو اللي هيقرر الي هيحصل في المستقبل
جان طبعا جاب الجزئية دي من الانجيل. اللي حصل في الماضي هو هيحصل في المستقبل. مفيش اي حاجة جديدة تحت الشمس دي بيجيب هو على طول كلام بتاعه من الانجيل. بيحطه في الكتب بتاعته. تمام
طبعا بيقول لك ان الدرس اللي قبل كده اتكلمت عن العلاقة بين السعر والزمن
اتكلم عن التحليل الزمني طب تعالوا نشوف كده دورات التحليل الزمني برضه اتكلمنا فيها قبل كده ولكن يعني اختصارا هو بيقول لك ان كل حاجة في السوق بتمشي في سيكل .يعني كنتيجة لقانون الطبيعة. اول ما تلاقي جان يقول لكnature law في الكتب بتاعته دي قوانين الطبيعة يقصد بها علم الفلك يعني. باختصار بس هو مش بيقول لك علم الفلك. فهو بيعمل ان الكلام
الكلام بتاعه بيبقى مخفي يعني فبيحط لك كلمة تانية شبيهة. في كتب بتاعته كلها كده هتلاقي انه يقول لك زمن طبيعي او زمن اي حاجة كده هي عبارة عن اختصار لكلمة فلكي. لكن طبعا هو ما بيتكلمش فلكي فهو بيعمل كود هو ده الكود بتاعه ان هو بيكتب الحاجات مشفر. تمام فقصده كده يعني دورات النحليل الزمني فخلي بالك اربط الدورات الزمنية الفلكي انا هقول لك دلوقتي طبعا يعني هل ده صحيح ولا لا? هقول لك دلوقتي في الكلام بتاعه ان هو فعلا يقصد كده بالدورات الزمنية بتاعته
ادرس الماضي لمعرفة المستقبل عن طريق التحليل الزمني
هو بيقول لك يعني ادرس الماضي. ويقول لك او انا عرفت ايه الدورات الزمنية اللي بتتكرر باستمرار في المستقبل.و ان في على طول يعني في دورات رئيسية وفي دورات ثانوية. يعني السوق بيتحرك في دورات زمنية حتى لما تلاقي سوق الصعود او هبوط صعود مثلا ه وهبوط. اعتبر دي دورة رئيسية دورة الصعود دي. ودورة الهبوط دي دورة برضه رئيسية. هتلاقي داخل الدورة دي كلها في دورات صغرى
القمم والقيعان الفرعية هتلاقي دورات صغرى. تمام? فبيقول لك في دورات ماينور يعني اعتبر ان دي دورة الصغيرة اهي ماشية بالشكل ده. وفيه كبيرة. ماشية بالشكل ده وهكذا . ده فكرته في موضوع السيكل يقول لك عشان تكون دقيق في توقع المستقبل الكلام طبعا تعرف الدورات الرئيسية. لان اي سوق بيتحرك حركة رئيسية صعود او هبوط لازم تعرف الحركة الرئيسية وبعد كده تبدأ تخش الحركة الفرعية. بيقول لك يعني يعني اكبر نسبة ارباح بتحصل لما يكون الحركة السريعة الفوليوم العالي ده اللي احنا عايزينه طبعا. انت اي متداول اللي عاوز يدخل في عملية
يخرج فيها باسرع وقت ممكن مع أكبر ربح. مش عايز تدخل في عملية تقعد فيها ايام او اسابيع. السوق لو ماشي بحركة تذبذب بقى مفيش سيولة فطبيعي ان الربح الكبير بيحصل في الحركات السريعة او في خلال التذبذب العالي اللي بيحصل في السوق طبعا قال لك ده بيحصل امتى? يعني في نهاية الدورات الكبرى. نبص على الشارت هتلاقي ان فعلا في نهاية الدورات الكبرى او نهاية بتلاقي ان الشمعة شموع ليموزين كده بتحصل في الاخر
في اخر الحركة يعني حتى اخر مثال حصل على الليرة التركية نفس الفكرة وبرضو الجنيه المصري لو لاحظت من كم يوم نفس الفكرة الدورات الزمنية نهايتها بيبقى في شموع قوية بيبقى في نهاية الدورة طبعا ده فكرة جان برضه اللي بيتكلم فيها دلوقتي
جان كان بيبدا يقارن الاسواق السابقة عشان يحدد الدورات الكبرى اللي هي الدورات الرئيسية دي والدورات الصغرى الداخلية جوة الدورة الكبرى وعرفت يعني ان هو يحدد ايه الدورات اللي بتتكرر? قال لك لان الدورات دي يعني نفس الدورة دي بتتكرر في المستقبل. يعني مش هتنتهي. كل الدورات دي بتحصل لها تكرار كل فترة. حتى لو فتحت انت الشارتات هتلاقي ان في دورات بتتكرر بنفس الشكل وبنفس الحركة بالظبط.
التحليل الزمني للكواكب للتنبؤ بالحركة المستقبلية
نخش بعد كده هيبدأ يقول لك بقى الدورات اللي هي المهمة دورة العشر سنين طبعا مش هنركز بقى في الحاجات دي قوي. دورة ال7 سنوات مهمه ليه ؟ عشان اقول لك ان هو قصده لما يتكلم على القوانين الطبيعية دي وهي الحركات الفلكية. طب ليه? ايه 84 شهر وايه 7 سنين? دورة كوكب اورانوس بيعمل دورة كاملة حول الشمس خلال 84سنة
يعني الكوكب نفسه بيدور بيعمل دورة كاملة حول الشمس خلال 84سنة. تمام واحنا عارفين طبعا ان في 12 برج موجودين يعني هو بيمشي في البرج قد ايه? بيمشي في البرج سبع سنين. 7*12=84
دي دورة رئيسية دورة اورانوس 84 سنة ولكن الدورة الصغرى بتاعتها السبع سنين دي ايه? دي يعتبر يعني دورة برضو لاورانوس لانه بيعمل خلال البرج بيتحرك خلال البرج سبع سنين.
طبعا احنا عارفين ان هنا في 12 برج مش عايزين نتكلم فيها كتير برضو الموضوع ده فيه اتناشر برج يعني المهم بيمشي في البرج سبع سنين. تمام? يبقى 84 شهر هي دورة السبع سنوات طبعا دي هتلاقيها بسبب دورة اورانوس هيقول لك ربع الدورة ونص الدورة وتلات ارباع الدورة لو كملت في الكلام دة
يبقى اذا كل الدورات دي كلها هتلاقيها عبارة عن تقسيمات للكواكب دورة رئيسية او يعني الكوكب بيتحرك في البرج. كل كوكب طبعا له معدل مختلف فبيعمل لك دورة معينة. اوكوكب يعمل دورة كاملة يعني. دلوقتي اورانوس دورة كبيرة بتاعة 84 سنة. لكن الدورة الاصغر منه السنين 7 لان كل سبع سنوات بيبدأ يخش برج جديد وطبعا كوكب اورانوس ده معروف ان هو بيعمل الثورات بيبقى فيه بداية ونهاية حاجة يعني زي السبع سنين العجاف اللي حصلت بردو في مصر دورة السبع سنين دي متكررة بتحصل كده يعني نهاية حاجة وبداية حاجة
التحليل الزمني للدورات الكبري والصغري للكواكب
وهكذا فتلاقي ان اغلب كلامه الخمس سنين دي طبعا كل دي الدورات الرئيسية وهتلاقي في التلاتين سنة قبل كده لو شفت في ورقة تانية التلاتين سنة زحل وهكذا دخل بعد كده على المينور وهي الدورات الصغرى شوية والكلام ده كله دي عبارة برضو عن تقسيمات للدورات الكبرى الدورة الكبرى انت بتقسمها يعني انت عندك الدورة الكبرى مثلا بالشكل ده من الصفر مثلا الي 360
الدورة كاملة هتلاقي ان الدورة الكبرى دي داخلها مثلا دورتين حركة الاهتزاز او زي السلم الموسيقي بالزبط كده دورتين لكوكب معين او تلاقي فيه 3دورات لكوكب اخر سوبر بوزيشن وهكذا كل دي هتلاقي ان تقسيماتها الداخلية في دورات اصغر في اصغر في اصغر وهكذا. يبقى الدورة الكبرى بتحتوي كل الدورات دي كلها. وهتلاقي ان الكواكب فعلا بتتحرك بالشكل ده. يعني ارقام الكواكب دي مش حركة عشوائية يعني
دورة كوكب معين الارض مثلا 365 يوم اورانوس وساترن وجوبيتر وكل الكواكب كل واحد له رقم الرقم ده مش عشوائي الرقم ده هتلاقي لي نسبة معينة بين كوكب والثاني وهتلاقي فيه النسبة الذهبية والكلام ده كله الكلام ده مش عشوائي
تمام بعد كده دخل على الرولز فور فيوتشر سيكلز او ايه هي القواعد اللي هو بيمشي عليها عشان يتوقع الدورات الزمنية هنتكلم في الكلام ده ان شاء الله خلال الجزء الثاني من المقاله والسلام عليكم ورحمة الله
