هنكمل النهاردة شرح التحليل الزمني والتنبؤ بالمستقبل اتكلمنا في الجزء الاول عن بداية الشابتر عن الزمن. اية هو عامل الزمن بالضبط واتكلمنا بالتفصيل عن شرح الجزء الاول. واتكلمنا عن الدورات الزمنية الرئيسية. وعرفنا ان الاساس بتاعها كله بيبقى عبارة عن دورات فلكية للكواكب هو بدأ عمل ربط بين والتحليل الزمني للكواكب كلها وعمل بها التحليل الفلكي بتاعه او التحليل الزمني بناء على الكلام ده
👇لمشاهدة الفيديو اضغط هنا 👇
يبقى اذا انت عندك ارقام فلكية دورة مثلا الكواكب دي ارقام معروفة يعني دورة زحل مثلا 29.5 سنة عشان يعمل دورة كاملة حول الشمس وهكذا. فهو بياخد بقى الارقام دي تلاتين سنة وتسعة وعشرين ونص سنة دي ويبدأ يطابقها بالسوق ويبدأ يجيب التقسيمات الداخلية زي ما اتكلمنا العشر سنين وهكذا.
بعد كده دخلنا في حاجة اسمها قال لكRules for Futures cycles يعني قواعد التحليل الزمني والمستقبل . بيقول لك ان الاسعار بتتحرك في عشر سنين في دورة عشر سنوات. اللي هي بتبقى عبارة عن 5 سنين و 5 يعني دورة خمس سنين صعود وخمس سنين هبوط.
وقال لك يعني بيبدأ من البداية من اقل نقطة يعني ادنى قاع او اعلى قمة. في بداية الحسابات بتاعته. هتلاقي في شوية قواعد مكتوبة هنا. يعني ايه القاعدة الاولى دي? هقول لك الترجمة يعني هترجم لك الكلام اللي هو قايله بالظبط ونشوف ايه يعني الفكر اللي هو بيقولها ايه يعني فكرته كانت ايه بالظبط. يعني بيقول لك ان دورة الخمس سنوات دي عبارة عن ايه?
القاعدة الاولى للتحليل الزمني
اعتبر الترند بيبدأ سنتين صعود لمدة سنتين. بعد كده سنة هبوط. تصحيح وبعد كده سنتين صعود . يبقى انت اثنين صعود يبقى كده هبوط واحد وبعد كده اثنين. اثنين واحد اثنين. دي دورة زمنية. يبقى دي الخمس سنوات. يبقى دي عبارة عن دورة الخمس سنوات. عبارة عن ايه? عبارة عن قال لك سنتين صعود وبعد كده سنة هبوط وبعد كده سنتين صعود تاني
يعني قال لك ان نهاية الدورة دي بتبقى رقم 60رقم الشهر. لو حسبت حسبة بسيطة 60/12=5 يبقى اذا دي دورة الخمس سنوات ان هو بيحسب لك الشهر رقم ستين هيبقى نهاية الدورة بالظبط يبقى هي نهاية الدورة. قال لك من 59 الي 60 ده نهاية الدورة. قال لك نهاية الدورة دي او الانعكاس التريند في هيبدأ في رقم 59 اللي هو نهاية دورة الخمس سنوات. .
القاعدة التانية للتحليل الزمني
نفس الكلام قال ان الدورة الهابطة بتبقى عبارة عن ايه? بتبقى عبارة عن هبوط. برضه نفس الكلام سنتين. سنتين هبوط وبعد كده سنة صعود بعد كده سنتين هبوط تاني. ده التريند الهابط يعني بالنسبة له. اتنين واحد اتنين برضه نفس الفكرة. ونفس الكلام بالظبط اللي فوق هو اللي تحت بيتكرر تاني. بعد كده قال لك او يعني هيجيب لك القمة اللي بعد كده
لو انت عندك قمة هنا هتعمل قياس عشر سنوات بعدها هجيب لك القمة اللي بعد كده. يبقى موضوع الحساب بتاعته بيحسبها بالشكل ده لو عندك قمة رئيسية في السوق بتزود عشر سنوات تجيب القمة الرئيسية اللي بعد كده. نفس الفكرة لو عندك قاع لو انت عندك قاع هتزود عليه عشر سنوات. هيجيب لك القاع اللي بعد كده
هو مبدأ ان التاريخ يعيد نفسه بنفس الفكرة دي. طيب بعد كده يبدأ يتكلم برضه بنفس الفكرة يعني شوية حسابات مش هنتكلم فيها كتير تعالوا نشوف ايه المهم في يعني في الصفحة دي عشان نعرف ايه اللي ممكن نركز عليه شوية في الكلام انت ممكن طبعا تراجع الصفحة دي هنزلها في المقاله تحملها وشوف ايه الكلام الموجود بالظبط .
وبيقول لك بعد كده ان الحركات الشهرية نفس الفكرة بيقعد يزود ارقام على القمم والقيعان على الفريم الشهري. يعني بيقول لك يعني انت عندك قاع علي الفريم الشهري هتزود عليه تلات شهور. هيجيب لي بعد كده النقطة اللي بعد كده فوق. بعد كده ضيف 4 هيبقى 7 الارقام برضو المهمة رقم السبعة عنده مهم. وهكذا تعالوا نشوف بقى جزئية مهمة جدا
التحليل الزمني وازمنة جان الموسمية
جزء تاني بعنوان الازمنة الموسمية وازمنة جان الموسمية للدورات الزمنية. الناس تعرفها بالاسم ده. طب تعال نشوف ايه هو كاتب ايه بالضبط .يعني هتلاقينا هو مديك شوية ازمنة قال لك راقب انعكاس السوق او التريند في الأزمنة دي. اشمعنى الازمنة دي? ديسمبر واحد وعشرين. خمسة فبراير خمسة مايو واحد وعشرين يونيو . خمسه اغسطس واحد وعشرين سبتمبر ثمانية نوفمبر ايه الازمنة دي
قال دي اسمها الازمنة الموسمية. هو مقسم السنة تقريبا الي 8اجزاء طب تعالوا نشوف كده الشارت بالنسبة لنا عامل ازاي
تطبيقات علي الشارت علي فكره التحليل الزمني
لو احنا بصينا على الشارت ده تقسيمة الدائره الفلكية بتاعة جان مع الدائرة الارقام ده اسمها عجلة ال 24 دي احد الشارتات جان المعروفة زي مربع التسعة
لو بصينا على الأزمنة التقسيمة الخارجية دي بص على الازمنة اللي برة هتلاقي هنا ايه هتلاقينا واحد وعشرين مارس. واحد وعشرين يونيو . تلاتة وعشرين سبتمبر .اتنين وعشرين ديسمبر. دي التقسيمة الرئيسية. شايف التقسيمة الاربعة. اجزاء نشوف بقى التقسيمة الداخلية التانية. هنلاقي هنا
20يناير. وبعد كده 19 فبراير.22 نوفمبر 23 اكتوبر. اغسطس وهكذا. دي التقسيمة الرئيسية بتاعت جان . اذا عندك تقسيمة رئيسية للدورات الزمنية انت قسمت الاربع فصول السنة مقسمهم بالشكل دة والتقسيمة الداخلية بتاعتهم. دي التقسيمة الازمنة دي.
وهكذا سبعة وعشرين ديسمبر خمسة فبراير كل الازمنة دي كلها جون اغسطس كل دي تقسيمة بتاعة الدايرة الخارجية دي. يبقى هو مقسم لك الازمنة دي قال لك راقب انعكاس الاتجاه في الازمنة دي. طبعا خلي بالك مش بالشكل ده برضو يعني انت لو متابعينا هتلاقي ان احنا بنتكلم في الوقت دة هتبدأ تمر بالارقام دي. يعني تشوف الارقام اللي بتمر لو انت النهاردة مثلا 21 مارس. هنبدأ نشوف بقى الارقام اللي بتمر بواحد وعشرين مارس خلال اليوم ده
ده هيديك مناطق انعكاس في السوق مهمة جدا وهكذا في اي يوم انت موجود فيه. دي الفكرة اللي احنا بنضيفها بقى على الكلام ده لان زي ما قلت لك كلام جان مش بيبقى مش بتاخده بشكله زي ما هو كده وتطبقه لا طبعا. هو بيديك الفكرة وانت بنفسك انت اللي بتطبقها.
فهو بيقول لك راقب الازمنة دي مهمة. طبعا اقول لك مش راقب في اي وقت لا انت في الوقت دة و21 مارس مثلا بتبدأ تشوف الارقام اللي بيمر بيها على مربع التسعة او على دائرة ال24 وهكذا يعني مثلا يوم تاني عشرين أبريل شوف الارقام كلها شايف الارقام دي كلها شوف الارقام دي كلها اللي بيمر باليوم ده ده اللي هيديك وقت انعكاس زمني وسعري يبقي 20ابريل وفيه سعر وليكن عند سهم عند ال218 في اليوم دة اذا هنا حصل فيه علاقة سعر مع زمن هيبدأ فيه انعكاس في السوق على السهم المحدد ده.
يبقى انت العلاقات دي مش يعني مش بتأثر على كل الاسهم او كل العملات في وقت واحد لا طبعا. حسب السهم او العملة هيبقى لها ارتباط في وقت معين. يعني في 20 ابريل هيبقى في سهم معين علي اتزان. في يوم تاني هتلاقي في سهم مختلف تماما بيتزن في في الوقت ده تمام دي الفكرة يعني سريعا على موضوع طبعا انت ممكن تقرا الشابتر ده هنزله في اخر المقالة
خلاصة التحليل الزمني لجان
خلي بالك الكلام بتاع جان مش بيطبق بشكله الفعلي لا لازم انت تشغل مخك شوية في التطبيق. هو ممكن يقول لك القواعد دي انت هتقرا القواعد طول القواعد الموضوع بسيط اهو السبع سنين والخمس سنين لكن لا دي كلها اساسها زي ما قلت لك اساسها فلكي . لو انت مش اشتغلت كده يعني بنسبة كبيرة مش هتنجح في الفكرة دي. لازم تفهم الفكرة وتطبقها. بشكل مختلف عن الجانب اللي بيقول لك عليه. يعني هو هيقول لك الفكرة ولكن انت تطبقها بطريقة تانية. هو على طول نظامه كده ان هو بيحط الكلام بتاعه بيبقى مشفر شوية مش اي حد يفهمه ويطبقه. ولكن هو بيديك فكرة بسيطة وانت بنفسك تبدأ تكون على الفكرة دي وتبني عليها زي ما وضحت لك دلوقتي على الشارت.
👇لتحميل PDF اضغط هنا👇
