هنتكلم في المقالة دي الحقيقة الكاملة لوليام جان وهناخدكم في رحلة طويلة في مسيره هذا الرجل الاسطورة وهنتكلم عن قصته وازاي بدا التداول وازاي اكتشف الطرق الرقمية والفلكية وهنفك اسرار صفقاته وخطابانه الشهيرة ..
وهتعرف ازاي كان بيفكر هذا الرجل وهل طرقه الي كان بيستخدمها تصلح لجميع الاسواق في الوقت الحالي ؟ دة الي هنعرفه ان شاء الله في المقالة دي ..تابعها للنهاية حتي تستفيد اقصي استفادةى ممكنه
من هو وليام ديلبرت جان
ولد جان في 6 يوينو 1878 في مزرعه تبعد 7 اميال عن مقاطعة لوفكن ,بولاية تكساس كان هو الابن الاكبر من بين 11 من اخوانه فقد عاش في منزل صغير جدا وكانت عائلته فقيره و يقطع يومياً 7 اميال مشي حتي يصل الي المدرسه في لوفكن والده كان مزارع في مدينه انجولينا يزرع القطن كان والده يريده ان يعمل معه ولكنه رفض لانه كان يريد ان يصبح رجل اعمال وعندما كبر والده كان لابد له من العمل في المزرعه مع والده لانه الابن الاكبر ومسئول مثل والده .
خرج وليام من المدرسه ولم يتحقق حلمه بان يلتحق بالجامعه ثم يري مستقبله وبعمله في المزرعه لمده سنوات بدأ يشعر بجديه العمل والتفكير مره اخري في المستقبل بعد سنوات من العمل في المزرعه ذهب وليام للعمل في مكتب وساطه والتحق مره اخري في مدرسه لتعليم التجاره في الليل , اي يعمل . صباحا ويتعلم ليلا
انتقل وليام الي مدينه نيويورك في عام 1903 وكان عنده 25 عاما قي عام 1908 تزوج وليام جان من ساره هنفاي وانجب بنتين ماكي ونورا وولد اسمه جونو ..بدأ في تجارة الاسهم والعقود حتى كبر في التجاره ثم فتح شركه وساطه خاصه له ثم انتقل الي ميامي واكمل تجارته ومؤلفاته واكتشفاتهحتي توفي في 14 يونيه 1955م عن عمر يناهز 77 عام حيث اصيب بنوبة قلبية بالاضافة الى سرطان المعده.
جان كان له هواية اخري الا وهي الكتابة والشعر وهذه قائمة بكل كتبه :
Truth of The Stock Tape (1923)
Tunnel Thru The Air (1927)
Wall Street Stock Selector (1930)
New Stock Trend Detector (1936)
Face Facts America (1940)
How to Make Profits in Commodities (1941)
45 Years in Wall Street (1949)
The Magic Word (1950)
WD Gann Economic Forecaster (1954)
How to Make Profits Trading In Puts And Calls
يعتبر اخطر هذه الكتب هو كتاب قناة في الهواء The Tunnel Thru The Air
وستجد اختصارها لاغلب الباحثين والمهتمين هو TTTTA
يعتبر هذا اخطر الكتب واهمها علي الاطلاق لان جان قام بعمل مقدمة مثيرة لهذا الكتاب حيرت العقول واضاعت سنوات من حياة الناس لدراسة هذا
الكتاب (المشفر) ليصلوا الي السر
اتركك مع المقدمة المثيرة للرواية
توقعات جان التي حيرت الجميع
سجل وليم جان حافل بالصفقات العظيمة والتوقعات التي حيرت الجميع ومازالت حتي الان يخلدها اسم هذا الرجل
التوقع السنوي
هذا التوقع السنوي للداو جونز لوليم جان الخط الخفيف هو التوقع والخط الثقيل هو الحركة الفعلية وبمقارنة بينهم نجد دقة كبير جدا وكأن الشارتين منطبقين تماما !!
التوقع من 1919 وحتي 1926 ونلاحظ انه بنسبة كبيرة يحدد الترند تمام للسنة بل وصلت الدقة بتحديد القمم والقيعان الفرعية والرئيسية خلال الترند ..
توقع جان لعام 1929
هذا توقع اخر ورسم لعام كامل في المستقبل للداو جونز لعام 1929 حيث كان يبيع هذه التوقعات لعملائه وكانت خدماته تشمل خطاب الدعم والمقاومة اليومية للاسهم والسلع – التوقع السنوي – بالاضافة لخدمات التدريب والكورسات الخاصة به
Gann Wheat Trade 1909-توقع عملية القمح الشهيرة
والان نذهب لاعظم صفقة وتوقع علي الاطلاق وهي توقع القمح واحدة من اهم صفقات وليم جان والتي حيرت الجميع ولم يستطع احد فك لغزها حتي الان
تعود احداث هذه العملية في سنة 1909 عندما تنبأ جان بأن سعر القمح لشهر سبتمبر يجب ان يكون عند 1.20 دولار وهذا يعني انه يجب ان يصل السعر لهذا الرقم قبل نهاية شهر سبتمبر
في تمام الساعة 12 بتوقيت شيكاغو في 30 سبتمبر (اخر يوم تداول) كان السعر يتداول عند ال 1.08 دولار ويبدو انه من المستحيل ان يصل السعر الي الرقم الذي قام جان بحسابه.
قال جان ” اذا لم يلمس السعر 1.20 دولار قبل اغلاق السوق سيثبت ان هناك خطأ بطريقتي الحسابية كلها. انا لا اهتم بالسعر الان . يجب ان يذهب الي 1.20 “
ولأول مرة يبدو ان جان سيسقط !! هناك من ينتظر فشله .. السعر الان 1.08 وباقي ساعات قليلة ويغلق السوق ؟ كيف سيصل الي 1.20 ورينج الحركة محدود يعني اقصي شيء يصل 1.10 ويكون وصل لرينج لم يحدث من قبل !!
يبدو ان جان دجال والامر كله مصادفة بالنسبة له وهاهو يظهر علي حقيقته علي العموم كلها ساعات ويفضح جان علي الملأ !!
وكانت المفاجئة ..
.
وسجل التاريخ هذا اليوم وذلك حيث تفاجئت المدينة باكملها بان السعر 1.20 بالظبط خلال اخر ساعة تداول قبل الاغلاق (شمعة ليموزين مثل تدخلات البنوك في وقتنا هذا )
تخيلوا هذه الشمعة لموزين لم تحدث في سجل القمح من قبل منذ ولادته وفي اخر شمعة تداول ينفجر السعر ليصل لرقم وليم جان 1.20 بالظبط ولا يتعداه بنقطة!
وبعد هذا اليوم تغير التاريخ واتضح ان هناك اسرار في هذا السوق وان حركة الاسهم والسلع ليست عرض وطلب كما يدعي الاغلبية هناك اسرار وهناك من وصلها هو شخص واحد فقط وليم ديلبرت جان …… يتبع
تم شرح طرق جان وكيف كان يحدد هذه النقط بدقة في كورس اسرار وليام جان بالاكاديمية
اساليب جان باستخدام التحليل الزمني والتنبؤ بالمستقبل
طبعا سمعنا كتير عن جمله السعر= الزمن square of price and time ودي معادله جان الشهيره .. وناس كتير جدا مش فاهمين المعادلة دي وايه معني السعر بيساوي الزمن وهي معادله تتكون من طرفين الطرف الاول السعر والطرف التاني الزمن … هوضحلك الفكرة دي بالشارت الي ادامك دة وهي ليها اكتر من اسلوب لكن هوضح باسلوب بسيط جدا
عامل الزمن ده من اهم العوامل اللي انت تحطها في اعتبارك في تحليل السوق طبعا لان اغلب الناس كانت بتحلل بالسعر فقط. ولكن جان قال لك عامل الزمن مهم هو يعني يعتبر من اوائل الناس اللي اشتغلت بموضوع الزمن. كل الناس طبعا قبل جان ما كانش في حتى ولا سعر كمان يعني كان موضوع الشارتات والحاجات دي كان قليلة جدا يعني
واتكلمنا بالتفصيل عن الدورات الزمنية في المقالة دي
التحليل الزمني وازمنة جان الموسمية
جزء تاني بعنوان الازمنة الموسمية وازمنة جان الموسمية للدورات الزمنية. الناس تعرفها بالاسم ده. طب تعال نشوف ايه هو كاتب ايه بالضبط .يعني هتلاقينا هو مديك شوية ازمنة قال لك راقب انعكاس السوق او التريند في الأزمنة دي. اشمعنى الازمنة دي? ديسمبر واحد وعشرين. خمسة فبراير خمسة مايو واحد وعشرين يونيو . خمسه اغسطس واحد وعشرين سبتمبر ثمانية نوفمبر ايه الازمنة دي
قال دي اسمها الازمنة الموسمية. هو مقسم السنة تقريبا الي 8 اجزاء طب تعالوا نشوف كده الشارت بالنسبة لنا عامل ازاي
لو احنا بصينا على الشارت ده تقسيمة الدائره الفلكية بتاعة جان مع الدائرة الارقام ده اسمها عجلة ال 24 دي احد الشارتات جان المعروفة زي مربع التسعة
لو بصينا على الأزمنة التقسيمة الخارجية دي بص على الازمنة اللي برة هتلاقي هنا ايه هتلاقينا واحد وعشرين مارس. واحد وعشرين يونيو . تلاتة وعشرين سبتمبر .اتنين وعشرين ديسمبر. دي التقسيمة الرئيسية. شايف التقسيمة الاربعة. اجزاء نشوف بقى التقسيمة الداخلية التانية. هنلاقي هنا
20يناير. وبعد كده 19 فبراير.22 نوفمبر 23 اكتوبر. اغسطس وهكذا. دي التقسيمة الرئيسية بتاعت جان . اذا عندك تقسيمة رئيسية للدورات الزمنية انت قسمت الاربع فصول السنة مقسمهم بالشكل دة والتقسيمة الداخلية بتاعتهم. دي التقسيمة الازمنة دي.
وهكذا سبعة وعشرين ديسمبر خمسة فبراير كل الازمنة دي كلها جون اغسطس كل دي تقسيمة بتاعة الدايرة الخارجية دي. يبقى هو مقسم لك الازمنة دي قال لك راقب انعكاس الاتجاه في الازمنة دي. طبعا خلي بالك مش بالشكل ده برضو يعني انت لو متابعينا هتلاقي ان احنا بنتكلم في الوقت دة هتبدأ تمر بالارقام دي. يعني تشوف الارقام اللي بتمر لو انت النهاردة مثلا 21 مارس. هنبدأ نشوف بقى الارقام اللي بتمر بواحد وعشرين مارس خلال اليوم ده
ده هيديك مناطق انعكاس في السوق مهمة جدا وهكذا في اي يوم انت موجود فيه. دي الفكرة اللي احنا بنضيفها بقى على الكلام ده لان زي ما قلت لك كلام جان مش بيبقى بتاخده بشكله زي ما هو كده وتطبقه لا طبعا. هو بيديك الفكرة وانت بنفسك انت اللي بتطبقها.
فهو بيقول لك راقب الازمنة دي مهمة. طبعا اقول لك مش راقب في اي وقت لا انت في الوقت دة و21 مارس مثلا بتبدأ تشوف الارقام اللي بيمر بيها على مربع التسعة او على دائرة ال24 وهكذا يعني مثلا يوم تاني عشرين أبريل شوف الارقام كلها شايف الارقام دي كلها شوف الارقام دي كلها اللي بيمر باليوم ده ده اللي هيديك وقت انعكاس زمني وسعري يبقي 20ابريل وفيه سعر وليكن عند سهم عند ال218 في اليوم دة اذا هنا حصل فيه علاقة سعر مع زمن هيبدأ فيه انعكاس في السوق على السهم المحدد ده.
يبقى انت العلاقات دي مش يعني مش بتأثر على كل الاسهم او كل العملات في وقت واحد لا طبعا. حسب السهم او العملة هيبقى لها ارتباط في وقت معين. يعني في 20 ابريل هيبقى في سهم معين علي اتزان. في يوم تاني هتلاقي في سهم مختلف تماما بيتزن في في الوقت ده تمام دي الفكرة يعني سريعا على موضوع طبعا انت ممكن تقرا الشابتر ده هنزله في اخر المقالة
خلاصة التحليل الزمني لجان
خلي بالك الكلام بتاع جان مش بيطبق بشكله الفعلي لا لازم انت تشغل مخك شوية في التطبيق. هو ممكن يقول لك القواعد دي انت هتقرا القواعد طول القواعد الموضوع بسيط اهو السبع سنين والخمس سنين لكن لا دي كلها اساسها زي ما قلت لك اساسها فلكي . لو انت مش اشتغلت كده يعني بنسبة كبيرة مش هتنجح في الفكرة دي. لازم تفهم الفكرة وتطبقها. بشكل مختلف عن الجانب اللي بيقول لك عليه. يعني هو هيقول لك الفكرة ولكن انت تطبقها بطريقة تانية. هو على طول نظامه كده ان هو بيحط الكلام بتاعه بيبقى مشفر شوية مش اي حد يفهمه ويطبقه. ولكن هو بيديك فكرة بسيطة وانت بنفسك تبدأ تكون على الفكرة دي وتبني عليها زي ما وضحت لك دلوقتي على الشارت.
👇لتحميل PDF اضغط هنا👇
تفسير رسالة وليام جان – وسر الالة الحاسبة لتحديد الاتجاه
نشاهد في هذا الفيديو هذه الرسالة من جان الي دكتور جونج وحديثه عن سر الالة الحاسبة Master calculator شبيهة بالطرق الي شرحناها بالكورس وهي تمكنه من تحديد الترند بسرعة وسهولة لاي سهم .. جان كان يبيع هذه الاداة ب1000$في عام 1953 كما هو مذكور بالرسالة وهي عبارة عن شارت علي مادة بلاستيكية شفافة يتم مطابقتها علي السهم .. ياتري ما سر هذه الاداة؟
وقد شرحنا في فيديو مفصل عن الاله الحاسبة وكيفية التداول بها في الكورس المجاني ايضا
اسرار التحليل الزمني ومربع 52 لجان
لو فتحنا احد كتب جان master stock market course ودة عباره عن تجميعه اوراق المتعلقه بجان الناس جمعتها كلها ووضعتها في هذة الكتاب هو حوالي 400 صفحة ودة مش جان الي عمله . الناس هي الي جمعت اوراق جان بعد لما مات
تعال نشوف جزئيه مربع ال52 هقولك الكلام الي قاله بالضبط ايه وازاي نطبقه علي الشارت .. جان بيقول ان السنه فيها 52 اسبوع يعني ممكن نعمل مربع سعر وزمن زي مربعات جان الي احنا عارفينها فيه مربع اسمه ال52 والي هي ابعادة 52* 52 لانه بالطريقة دي تقدر تتوقع حركه السهم لمدة سنه في المستقبل باستخدام المربع دة وتحدد الدعوم والمقاومات المهمه في السنه دي
.. فانت هتمشي 52 اسبوع والمسافة الراسية 52 سعر سواء 52 ريال او دولار حسب السوق الي انت شغال فيه فانت هتطلع مسافه راسية 52 وهتمشي زمنيا 52 اسبوع وانت تقدر تعمل الكلام دة كله علي المنصة الي بتتداول عليها ..
كيفية رسم مربع ال52 ؟
بداية المربع بتكون عند قمه او قاع .. تعال نكمل الكلام بتاع جان قالك باستخدام الطريقة دي انا ممكن اعمل مربع 52 عرض و52 ارتفاع ونقطة البداية بالنسبه له 0 وعلي القمم والقيعان ترسم المربع وبتدا تشتغل بيه واداك مثال لو عندك قاع سهم عند سعر 50 والسهم طلع وانا عاوز ارسم المربع فانت هتطلع مسافة راسية 52 ..
لما نجمع 52+50=102 يبقي انت هتروح عند سعر102 وتحط خط افقي وبالنسبة للتحليل الزمني فانت هتمشي مسافة افقية 52 اسبوع وتحط خط راسي يبقي هو دة المربع بتاعك … وبيكمل كلامه لو عندك قمة عند اي سعر حتطرح منه 52 عشان تجيب الخط المربع وهتزود عليه فتره زمنيه 52 اسبوع
تطبيق عملي لمربع 52 علي الشارت :
تعالو نشوف تطبيق للكلام دة علي الشارت دة سهم سابك للسوق السعودي .. عندنا هنا قاع علي الفريم الاسبوعي سعر القاع 62 ريال قاع مارس 2020 ايام فتره كورونا .. هتمشي مسافة زمنية من القاع دة 52 اسبوع بالنسبة لارتفاع المربع هنشوف رقم القاع كام الي هو 62 ختضيف عليه 52 يبقي 62+52= 114 اذن حنحط خط راسي علي 114 وكدة جبت ابعاد المربع يبقي كدة اصبح عندك مربع 52*52 .
. يعني 52 اسبوع و52 ريال ودي طريقه الي كان جان بيستخدمها في التحليل الزمني في توقعاته .. هنبدا بعد كدة نرسم الزوايا والخطوط العكسية
تقسيمات الداخلية لمربع ال52 واستخدامه في التحليل الزمني
كدة احنا قسمنا المربع 4 اجزاء التحليل الزمني و4 اجزاء سعرية زي مهو واضح في الصورة تمام؟ جان قالك ايه تاني في الجزئية دي
ممكن تشوف الحركه السابقة لاي سهم وتحط مربع ال52*52 خلي بالك ان الفتره الي كان جان شغال فيها كانت في التسعينات 1920 -1927 الفتره دي كان شغال بورق شارتات كله طباعه مكانش فية برامج فكام بيعمل التحليلات بتاعته علي ورق بلاستيكي وبيكون راسم عليه المربع دة وبيحط الورقه دي علي الشارتات السعريه بتاعته فممكن في ثانية واحدة يبدا يحط الاداة دي علي الشارت ويشوف وضع السوق فين بالنسبة للدعوم والمقاومات علي مربع ال 52 ..
بيقولك انت ممكن تدرس السهم بتاعك باستخدام الطريقة دي تحط مربع ال52*52 علي اي قمه وقاع وهنشوف ازاي نجيبها علي البرنامج بكل سهولة ..
التحليل الزمني والدورات المهمة:
وبيكمل كلامه وبيقول خلي بالك من ربع الدورة ونص الدورة و3/4 الدورة ..ال13 اسبوع الي هو ربع الدورة 52/4 بيكون في تغير في الاتجاة في الفتره دي يبقي تركز علي الفترات دي ال 13 اسبوع ربع الدورة ال26 اسبوع نصف الدورة ال39 اسبوع 3/4 الدورة .. خلي بالك السهم لما يوصل للمناطق في التحليل الزمني ممكن يحصل انعكاس للاتجاة سعريا وزمنيا In time and price
تعال نشوف هنا تقسيمات جان الي قال عليها الربع دورة والنصف الدورة وال3/4 الدورة علي الشارت دة هنلاحظ ان اول ربع حصل فيه فعلا انعاكس للاتجاة السعر كان صاعد وبدا يمشي بشكل جانبي لحد ما وصل للربع التاني بدا الترند ينعكس لاعلي صعود والربع التالت بدا يعمل قاع بعد كدة صعد لاعلي مره تانية .. خلي بالك طبعا ان احنا بنشتغل علي فريم الاسبوعي دلوقتي والربع الاخير حصل برضه بعدها صعود قوي علي السهم وخرج بره المربع …
يبقي بداية المربع عندنا 20 مارس 2020 نهاية المربع هتلاقيها مارس 2021 يعني سنه كاملة عشان كدة جان سماه مربع ال52 مربع بيجبلك مناطق الدعم والمقاومة علي السهم لمدة سنه كاملة … كل الي انت عاوزة رقم قمه او رقم قاع وتبدا ترسم المربع زي ما اتعلمنا
ملحوظة مهمة للفواصل للتحليل الزمني للسهم:
الفواصل التحليل الزمني كل ربع دورة الي هما اول 13 اسبوع وبعد كدة نص الدورة و3/4 الدورة وبعد كدة الدورة الكاملة بيبقي فيها انعكاس للاتجاة زي محنا شايفين انه حصل انعكاس في الاتجاة في الفترات دي كلها … والملاحظة التانية الزوائل المائلة Angles النجمه الي انت عارفها واتكلمنا فيه في فيديو قبل كدة
كدة هيبقي عندك صورة كاملة لمربع جان والخطوط دي بكل بساطة انت بتوصل اركان المربع كلها يعني يعني توصل الاقطار بتاعت المربع بعد كدة هتعمل علامه علي Reverse angles . forward Angles . Grid lines يعني كل التقاطعات مرسومه بخطوط .. طيب واحد يسال الخطوط دي فائدتها ايه ؟؟ هي بتكون برضه دعوم ومقاومات علي الاسبوعي .
يبقي احنا قولنا ملحوظة مهمة مناطق الربع الدورة الزمنيه الي احنا اتكلمنا فيها دي بالاضافة المناطقة السعرية للترندات المائلة دي بتعطيك مناطق دخول للسوق ومضاربات علي اساس انها مناطق دعوم ومقاومات علي مربع ال52 وخلي بالك ان دة خاص بالفريم الاسبوعي طبعا انت تقدر تطبقها علي اي فريم نفس المبدا يعني ممكن تعمل مربع 52 دقيقة مفيش اي مشكله
يبقي اذن المربع دة بيستخدم فترات زمنيه انعكاسية كل ربع دورة والخطوط الافقية والراسية والمائلة كل دي ترندات بتعطيك مناطق ارتدادات لو لاحظنا علي الشارت مناطق ارتداد علي الاسبوعي .. كل الي انت بتعمله انك بترسم المربع من بداية قمة او قاع كل الي انت عايزة فقط رقم قمه او رقم قاع وكل المربع دة بيترسم بعد كدة … يعني انت لو لقيت قاع وحصل بعدها بكام اسبوع صعود والقاع لسه ثابت هتقدر ترسم المربع كامل لانك انت مش معتمد علي حركه السعر لان المربع دة مبني علي رقم القاع فقط
طبعا دة جزء بسيط من ادوات الي كان بيستخدمها جان ولو عاوز تتعمق اكتر في كورس اسرار التحليل الزمني والفلكي كامل من البداية حتي الاحتراف باذن الله
وثائق مهمة كتبها جان باستخدام التحليل الزمني
دي طبعا حسابات فلكية معنيه والناس الي درست معانا عارفة هي ايه دة . باختصار الحسابات دي زي الحسابات الي بسيطه الي احنا بنعملها علي البرنامج بسهوله ولكن عشان جان يعمل حسبه واحدة بيكتب ورقه كاملة هتلاقي رموز الكواكب موجودة زي ما انت شايف . هتلاقي هيليو ورمز المريخ 1932 june طبعا هنلاحظ ان جان كان خطه وحش شوية 😅 لكن مش مشكله هنعديهاله موضوع الخط دة ..
المهم هتلاقي هنا كاتب هيليو 31 درجة وهتلاقي جمبها رمز برج الثور يعني جان بيقولك الدرجة الفلكية بتاعت الكوكب في اليوم دة ببساطة جايبلك حساباته العادية طبعا حاليا في الزمن الي احنا فيه الموضوع بقي اسهل بكتير بفضل البرامج الحديثه الي بتحسب كل دة في ثواني يعني ممكن في اقل من دقيقه اجيب كل الحسابات دي الي كان جان كان بيعملها في ساعه
وهو بيحسب الحسابات الفلكية بتاعته الي بيستخدمها في التحليل الزمني من القمم الي القيعان ويبدا يزود الكوكب زي ما احنا قولنا الفراكتلز … طبعا لو حد اول مره يشوف الموضوع دة هيستغرب و في بعض الناس بتقول دة دجل وشعوذة !! والكلام الي احنا بنسمع عنه كتير دة
اذن الحسابات دي كلها اعتقد ان الناس فهمت جزء كبير جدا منها وان جان كان بيعمل حسابات بناء علي الكواكب وبيحرك الكواكب زي ما انت شايف وطبعا الحجات دي كلها مهمه في التحليل الزمني
هنلاحظ في السطر دة جان حرك كوكب المريخ زود عليها 3600 . لو كوكب المريخ عند 90 زود 3600 يبقي دة علي حسب المعدل ..في معدل ارقام في ال3000 ودة هنبقي نتكلم عليه فيه بوضوح موضوع الترانسليشن وترجمه الارقام دي .. ولكن انت بتطوع الارقام زي ما انتا عايز زي مانتا شايف جان بيحسب الارقام ممكن يزود دوره كامله 360 او ممكن يزود 3600 حسب السهم الي هو شغال بية يعني لو السهم قيمته بالاف فهو بيزود الرقم دة عشان يعرف يشتغل علي السهم مضاربات
وثيقة جديدة لأحد خطابات وليم جان لاحد عملائه واسرار خطيرة جديدة
في اول الخطاب توصيات من جان للعميل علي ال soy bean فول الصويا وتوقعات جان للترند خلال الفترة القريبة
تكلم ايضا عن ان المرحلة الاخيرة من التربيع سيحصل هبوط حاد (طريقة مربعات جان )ايضا توقع عدم حدوث حرب عالمية ثالثة وقتها وانه سيحل السلام وستم الوصول لاتفاق مع كوريا وروسيا
و بيقول في اخر الخطاب انه وصل لاختراع
invention خطير يعتبر الاخطر بعد اختراع العجلة وهي الة حسابةmaster calculator بتحسب الترند لأي فريم وواحد استخدمها وعمل 78 الف دولار خلال عدة شهور وثمنها فوق ال4000 دولار (طبعا مبلغ كبير ايامها) بالاضافة للكورسات الي كان بيقدمها له
لمن لا يعرف :
= جان كان يبيع كورسات وتوصيات وتوقعات لعملاء كبار وكان يتم استشارته من قبل كبار القوم في امريكا في الاحداث للاسواق والانتخابات فهو كان يتوقع بعلم الارقام اسم الشخص الذي قد يفوز في هذه الدورة والحرف الذي سيبدا بها اسمه وعلي ذلك كانو يبحثون عن شخص يبدا بهذا الحرف (لعبة الماسونية)
للتذكير ايضا
وليم جان كان في الدرجة 33 من الماسونية وهي اعلي درجة علي الاطلاق وتضم النخبة علي مدار التاريخ
وهذه احد الاوراق من التقويم – ماذا تري ؟ نعم الفلك حسابات ودرجات ابراج وكواكب ..
مما لا يعطي اي مجال للشك وليم ديلبرت جان كان متداول فلكي !! ولكن هل مات جان وماتت معه اسراره ؟!
ان أدوات واكتشافات وليم جان والدليل علي عمله بالتحليل الفلكي كثيرة كما تري ولكن يجب ان تبحث بشكل جيد ويكون لديك خلفية باساليب كتابة جان وطلاسمه حتي تتمكن من الوصول لبعض اسراره شاهد كورس مصغر عن ادوات وليم جان
شهادة وفاة جان . عن عمر يناهز ال77 عام
