هناخدكم في المقالة دي عن رحلتي مع طريقة الزوايا السعرية الزمنية منذ 2012 . ليه تركتها ؟ وايه هي عيبوب الطريقة دي الي جعلتني اتركها منذ فترة كبيرة وما هي اهم مميزتها وطريقة عملها…
لمشاهدة فيديو المقالة
1-متي بدات طريقة الزوايا السعرية ؟
بدات من حوالي 2012 اول شخص اتكلم عن الزوايا السعرية كان الدكتور حمادة سلام في منتدي المتداول العربي وانا كنت لسة بادي مجال التحليل جديد ولفت انتباهي الموضوع دة لم اكن اعلم اي شيء وقتها علي وليام جان او التحليل الرقمي ولا مربع التسعة
وبعد سنه عملت موضوع في منتدي المتداول العربي عن الزوايا السعرية ودي كانت المدخل الي بدات منه طرق وليام جان بغض النظر عن طريقة الزوايا وهقولك وجهه نظري في الطريقة بالضبط والطريقة كانت شغاله بشكل ممتاز جدا في الفترة دي وعملت بها نتائج جيدة جدا وهتكلم لية انا تركت الطريقة دي
2- ما هي طريقة الزوايا السعرية الزمنية وكيف تعمل ؟
الطريقة ببساطة السعر لو نازل وعمل قاع وبدا يطلع من القاع هنحسب الزوايا وهنشوف اول ارتداد حصل من السعر بعد اول صعود هنشوف الزواية دي كام ونبدا نجرب ممكن تكون زاوية 90 ودة يبقي شكل رباعي يعني هيطلع 90 ومضاعفتها 180 – 270 – 360 عشان يرجع الي نقطة البداية … الطريقة دي مبنيه علي مربع التسعة ولكن اتحول الي شارت علي المنصة يرسم الزوايا واطلقنا عليها اسم الزوايا السعرية الزمنية ودة الجزء الاول الي هو الجزء السعري
جان كان بيعمل كدة وطريقة الزوايا السعرية = مربع التسعة وكان جان بيشتغل بيها وبيحدد مستويات قوية وخطيرة علي الشارت
بس هنا السوال هل ممكن ابني سيناريو محتمل واعمل تحليل كامل بالطريقة دي ولا لا ؟؟ دة السوال الي هجاوبك عليه في النهاية .. فيه فرق كبير لما اقولك الطريقة دي قوية وبتعطيك مستويات قوية ولا طريقة كاملة للتحليل ؟؟
لان في اسئلة كتير بتجيلي من ناس مبتدئين هل طريقة الزوايا السعرية الزمنية يمكن الاعتماد عليها في التداول في الوقت الحالي ؟ فيها جزء جيد وجزء غير جيد وانا هكلمك في الاتنين بالضبط واعملك مراجعه كاملة للطريقة لاني اشتغلت بيها من زمان زي ما شفنا في الصور من 2012 واشتغلت بيها فترة حتي توقفت وتركت الطريقة تماما وهقولك برضة ليه في نهاية المقالة .
شارت الزوايا بدانا من زاوية صفر وارتد من زاوية 180 فيبدا يحسب المستوي المستقبلي القادم الي هو 360
بدا يرسم فترة زمنية 45 شمعة ودي فكرة موضوع الزوايا السعرية الزمنية لان قالك ان زاوية 180 هناخد مقسومات او مضاعفات الرقم دة ممكن نحط زمن من القمة 180 شمعة لقيناها كبيرة هنقسم علي 2 يبقي 90 وقسمنا كمان مرة اصبح 45
قال اذن المسافة الافقية 45 والمسافة الراسية 180 اذن هنقول دة 2*1 او 4*1 ودي كانت محاول ربط الزمن بالسعر علي اساس انها طريقة جان
بالفعل هتلاقي السعر ارتد من 180 وبدا ينزل ولكن حصل انعكاس لاعلي ولما نزل الي 360 ارتد بالملي ودة علي فريم اليومي لعملة اليورو ين
وهكذا بدا يمشي واحدة واحدة السعر في المربعات ولما وصل الي المربع الرابع وقف هنا وبدا ينعكس السعر لاعلي
هنلاحظ هنا ان السعر نزل بعد المربع ما خلص هي دي الفكرة هيقولك هنا المقولة الشهيرة جاء السعر ولم ياتي الوقت فينعكس الاتجاة …تعال نحسبها بالعقل اكيد السعر مش هيمشي في المربعات دي ويمشي عليها زي المسطرة اكيد هيجي وقت ومش هيمشي معاها
طيب هنقول جاء الوقت ولم ياتي السعر المفروض يصعد هتلاقية طلع شوية وبعدين نزل برضة تاني .. طيب هو فية قاعدة في الموضوع دة ولا هو ماشي صدفة ؟؟ كمل معايا
فكرة تانية هنا بدانا من الصفر واول زاوية ردت السعر 90 يبقي هنعتمد الزاوية 90 ومضاعفتها والفواصل الزمنية كل 90 شمعة او 45 الي هي مقسوم الرقم هنستني السعر يمشي في المربع الاول والتاني وهكذا
دة مثال لعملة اليورو ين هنلاحظ هنا في المربع التالت هو السعر وصل قبلة طب لية ؟ وهل هي قاعدة ان السعر لازم يصل في نفس الفترة الزمنية ؟ ولا الموضوع ماشي احتمالات وصدف ؟
فدي احد العيوب الكبيرة علي الطريقة انك تربط السعر والزمن بيها
ودي طريقة انا عملتها لرسم الزوايا يدويا وعملناها في ألة حاسبة تجدها مجانا في كورس مربع التسعه وهي بتحسب كل حاجة بتختار قمة او قاع Low or High وتكتب في خانة Swing السعر والFactor نكتب 1 الي هو زاوية 180 وبيطلعلك النتائج بعد كدة
مثال : لو عندك سهم عمل قاع عند 10 دولاردخلنا الرقم في الالة الحاسبة عشان احسب زاوية 180 الي هي عند 17 دولار اذن السهم دة لما يطلع الي سعر 17 يبقي راح للزاوية 180 عمل نص دورة ومتوقع بعد ما يرتد يخترق ويروح للزاوية الي بعدها الي هي 360 بحسب الطريقة … طيب هل السعر لازم يعمل الحركه دي ؟؟ طبعا لا السيناريو الي بيحصل غالبا ان يروح للزاوية 180 وينزل تاني يضرب القاع !! هل انت معاك ترند في الموضوع ؟ انت كدة يعبر مش رابط الترند ..
مثلا اليوت بيقولك لو الصعود دافع من القاع المفروض ان التصحيح لا يكسر هذا القاع لكن في الطريقة دي مفيش قاعدة كدة بيقولك طالما السعر ارتد من 180 هستني انه يخترق الزاوية 180 وتشتري من اعادة الاختبار بهدفك ال360 .. دة كلام حلو وتمام لكن هل في قاعدة في الموضوع ؟ لا مفيش قاعدة ممكن يخترقها وينزل ودة الي انا شفته كتير بيحصل في الطريقة الزوايا السعرية .. يعني الطريقة دي مش سيستم اقدر ابني عليه نظام تداول .. تمام كمل معايا
اذن مربع التسعة ممكن نحولة الي ارقام علي الشارت باستخدام الالة الحاسبة وكان اشتغل بمربع التسعة معروفة ولكن هل اشتغل بطريقة انه يضع فواصل زمنية 45 و 90 ؟ دي الفكرة تعالي نتكلم فيها
دي صور لملخص كنت عاملة لطريقة الزوايا السعرية الزمنية
خلي بالك هنا ان ارتداد السعر من الزاوية نفسها لا يبني عن الحجات الي هتحصل بعد كدة مش شرط انه ارتد من 120 انه هيروح عند 240 لانها مضاعفات ال120 عشان ابدا ارسم الفواصل الزمنية بناء علي زاوية الارتداد وابدا ارسم الخطوط المستقبلية مضاعقات ال120 والسوق مش بيمشي كدة زي المسطرة ودي احد العيوب الفادحة في طريقة الزوايا السعرية الزمنية . .؟… فاي معادلة ماشية بشكل ثابت لا تصلح في اسواق المال لان السوق غير ثابت ومتغيراته لا نهائية ولكن يوجد احتمالات وعملنا فيديو عن الموضوع دة
الموشر كان اسمة SQ9 Hourly price levels ونشكر الناس الي عملت هذا الموشر ساعتها كانت المنتديات فيها مواضيع قليلة جدا عن التحليل الرقمي وله الفضل فية برمجة هذا الموشر الدكتور حمادة سلام والاخ عمرو هما الي بنو الاساس وانا دخلت طرق جان من خلال طريقة دي الزوايا السعرية والموشر دة لم اكن اعلم اي شيء عن التحليل الرقمي ولا الفلكي والحجات دي
ونبدا نضع الفواصل الزمنية وهنا المعضلة الكبيرة في طريقة الزوايا السعرية انك عشان لقيت ان الزاوية 90 ردت السعر رسمت الزمن 90 شمعه تداول فبعض المحاولات والامثلة الكتيرة الموضوع مش بيمشي كدة مش بالسهولة دي والدليل ان الطريقة بتضرب في احيان كثيرة
طريقة رسم تقاطع الترند والمربعات وخط التمحور ان السعر بيتمحور علية بكن احيانا كثيرة مش بيتمحور .. هنا الاحتمالات بتشتغل وطبعا موضوع الرسم علي منصة MT4 انتهي بالنسبي لي لان مفيش scale ملهاش اي اساس علي الشارت هتقولي مهو بيحترم الترند اهو هقولك ببساطة انت لو رسمت اي ترند علي الشارت عشوائي وانت مغمض عينك حتلاقي في اراتداد فعلا .. جرب دلوقتي افتح المنصة واختار الترند وارمي اي خط هتلاقي انا السعر بيصادف انه بيحترم الترند دة !!
عشان كدة فية فرق بين العلم وبين الاحتمالات والصدف .. الصدف ممكن تمشي معاك مرة واتنين وتلاتة بس مش هتمشي للابد
كنت انت اخدت فكرة عن الموضوع لو انت لسه مش كنت فاهم مبادي الطريقة… تعال نكمل
3-عيوب طريقة الزوايا السعرية وتحفظاتي عليها والاستنتاج النهائي
شاهد هذا التسجيل جيدا للنهاية مهم جدا
