تعرف علي انواع الموجات التصحيحية في موجات اليوت

Spread the love

هنتكلم في المقالة دي عن انواع الموجات التصحيحية المختلفة في موجات اليوت وخلي بالك ان تقريبا 80% من السوق بيمشي في تصحيح لان معظم الي بنشوفة علي الشارت اغلب الوقت بيبقي موجات تصحيحية عشان كدة لازم تفهم الموجات التصحيحية لانها مهمة جدا

لو مشفتش الجزء الاول من المقالة مهم جدا تشاهدها الاول لاننا اتكلمنا عن مباديء موجات اليوت ومن هو مكتشفها واتكلمنا ايضا عن الموذج الرئيسي والموجات الحافزة وطرحنا امثله بالصور

ويبينار موجات اليوت و اسرار الترقيم: كيف تقرأ الشارت بطريقة احترافية وتتنبأ بحركة الأسعار؟ماذا لو اخبرتك انه يمكنك معرفة الترند و الحركة القادمة للاسعار بمجرد نظرتك الي الشارت في 5 دقائق؟
اضغط هنا لبدأ الدرس المجاني

Corrections – الموجات التصحيحية

يجب ان نضع فى اعتبارنا ان الموجات التى تتحرك فى اتجاه الترند الرئيسى تكون خماسية التكوين حافزة و أن النماذج التصحيحية التى تعترض الترند لايمكن ان تكون خماسية لذلك اذا تكونت موجة خماسية عكس اتجاه الترند فهى بالتأكيد تكون جزء من نموذج تصحيحى و ليست التصحيح بالكامل و قبل ان نخوض فى تفاصيل الموجات الحافزة و نماذج التصحيح و كيفية التعامل معها سنتعرف اولا باختصار على انواع التصحيح الرئيسية

zigzag(5-3-5)

التركيب الداخلى (5-3-5 ) حافزة – اى تصحيح – حافزة

شروط هامة

الموجة B يجب ان تكون اصغر من الموجة A و لا يمكن ان تتعدى بدايتها ابدا
الموجة C يجب ان تتعدى نهاية الويفة A بوضوح

دة شكل الزجزاج علي الشارت وغالبا بيمشي في نموذج قناة .. وبنرسمها ببساطة من قمة موجة A والنقطة التانية B وبنعمل خط موازي عند نقطة A والخط الموازي دة بيستهدف الموجة C
يبقي انت عندك نقطتين علي الشارت بتبدا ترسم التريند منهم و تبدا تعمل موازي عند نقطة A … وبنسبه كبيرة النقطة C هنتنتهي عند الحد السفلي للقناة

مثال حي علي الزجزاج نزلنا 5 موجات والي عملنا موجة A وخلي بالك من الملحوظة دي طالما بدانا التصحيح ب 5 موجات اعرف ان دة زجزاج وبعد كدة طلعنا في موجة ثلاثية B بعد كدة نزلنا في 5 موجات وعملنا الموجة C يبقي كدة (5-3-5)

اذن تصحيح ABC زجزاج واضح وصريح وهنلاحظ ان تصحيح ABC بياخد انه بياخد مساحة سعرية كبيرة ولكن بعد نهاية التصحيح بدا يكمل التريند تاني
يبقي انا عندي ترند صاعد بدا التصحيح يدخل في زجزاج .. طبعا الزجزاج دة قد يكون موجة 2 او موجة اخري لكن احنا هنا بندرس موضوع الزجزاج نفسة
المهم بعد نهاية الترند الصاعد بدا تصحيح زجزاج وخلص وبدا الصعود القوي بعد كدة ….

في برضة ملحوظة تانية هنا النقطة 4 من موجة C لما يتم اختراقها يبقي بنسبة كبيرة النموذج اكتمل ودي بتبقي نقطة الدخول الامن

لو رسمنا القناة بتاعتنا هنرسمها من قمة A الي B وهنعمل موازي ليها عند A هنلاقي C تقريبا بتخلص عند الحد السفلي للقناه زي ما انت شايف في الصورة
وبعد كسر القناه والموجة الرابعه دة بيبقي تاكيد للشراء الامن في الاتجاة التريند الاصلي .. يبقي عندك التريند صعود عمل تصحيح زجزاج وبعدين كمل صعود مرة اخري

مثال اخر علي الزجزاج من الموجات التصحيحية

نزول 5 موجات مكونا موجة A واول ما تلاقي 5 موجات هبوط تعرف ان فيه تصحيح ليها وبعد كدة حصل تصحيح ثلاثي موجة B وبعد كدة نزل تاني الزجزاج 5 موجات وعمل موجة C وهتلاقيها موجة دافعة … وبدا الصعود بعد كدة
يبقي انت عندك ترند صاعد هتنتظر تصحيح وتدخل وبنسبة 90% لو التصحيح بدا ب 5 موجات يبقي هو زجزاج لان الترقيم الداخلي للزجزاج بيبدا ب 5 .. يبقي اول ما تلاقي ان فيه حركة عكس التريند بدات ب 5 الموجات التصحيحية يبقي لسه مش خلص ولما يحصل هبوط 5 موجات يبقي لسه فية ABC يجي بعدها 4 موجات تانية …. يبقي اذن الشراء بتاعك بيكون بعد اكتمال النموذج

طبعا انت ممكن ندخل بيع لكن هيكون خطر شوية لانه عكس الترند لكن لو انت متمكن من موجات اليوت هتدخل من موجة B بهدف الوجة C ومن عندها بتشتري بهدف الترند الجديد الصاعد

النوع التاني من الموجات التصحيحية

Double Zigzag (الزجزاج الثنائى)

أحيانا لا يكفى الزجزاج بمفرده لإتمام عمليات جنى الارباح او امتصاص قوة الاخبار و هى اسباب اى عملية تصحيح فينتج عن ذلك ان يتكرر الزجزاج مرة اخرى و يتكون لدينا ما يسمى بالدوبل زجزاج و يفصل بين الزجزاج الاول و الثانى اى نموذج تصحيحى و نرمز له بالرمز (X) اما الزجزاج الاول فنرمز له بالرمز (W) و نرمز للزجزاج الثانى بالرمز (Y) فيكون ترقيم النموذج (WXY)

دة شكل الزجزاج عندي ترند صاعد وبيعمل تصحيح .. نزل 5 موجات A وبعد كدة طلع موجة ثلاثية B وبعد كدة نزل 5 موجات C بعد لما خلصت الموجة دي المفروض اتوقع انه يطلع بقي 5 موجات دافعة عشان يديني مؤشر ان التصحيح انتهي وهيبدا الصعود .

لكن هنا هنلاحظ انه عمل موجة ثلاثية معني كدة ان التصحيح مكمل ولسه هينزل تاني ABC … هنا في ملحوظة مهمة جدا لما تيجي تشتري من C ولقيت السعر طلع بعدها موجة ثلاثية بدل 5 موجات ولقيته نازلك تاني علي نقطة الدخول هنا لازم تخرج … معني كدة انه داخل كمان موجة زجزاج تانية .

يبقي اذن ABC الاولي خلصت عند (W) وطلع تصحيح (X) وبعد كدة نزل ABC وخلص الزجزاج التاني ونتوقع بعد كدة انه هيبدا يطلع في تريند صاعد جديد ويضرب قمة التصحيح ودة مستهدف الشراء

الدوبل زجزاج لو هنرسمة في قناة بيكون بالشكل دة .. نزل 5 طلع 3 ونزل 5 سمناها (W) طلع (X) ونزل تاني 5-3-5 (ABC ) وسمناها (W)
رسم القناة بيبقي من قمة تصحيح البداية ونربط بالنقطة X وبعد كدة نعمل خط موازي ليها عند النقطة W

مثال حي من الموجات التصحيحية دوبل زجزاج

عندي ترند هابط ورقمناه موجة (A) والدوبل زجزاج نفسة موجة (B) تعال ندرس الدوبل زجزاج هنا اتشكل ازاي …
كان طالع في البداية 5 موجات (A) وبعد كدة نزل ثلاثية (B) وطلع (C) المفروض اتوقع انه بعد ما خلص الزجزاج انه ينزل ويضرب قاع A
لكن التصحيح مش خلص علي كدة .. دة بعد ما طلع W نزل موجة خماسية A بعد كدة طلع B ونزل C الي سمناها X

الزجزاج هنا اتكرر مرتين نفس الفكرة طلع 5 موجات A ونزل B وطلع C اول ما خلص الدوبل زجزاج حصل هبوط عنيف بعد كدة وضرب بداية التصحيح موجة (A)
وشرط مهم جدا انت لو بايع من موجة C هدفك انه يضرب قاع موجة A عشان يكون ترقيمك صحيح لازم نضرب قاع الموجة A ويتم كسرها

الموجات التصحيحية-Trible Zigzag

الزجزاج الثلاثي

و واضح من الاسم انه تكرار الزجزاج مرة ثالثة و لكنها تكون الاخيرة وينتهى النموذج التصحيحى تماما بعدها لأن التكرار لا يزيد عن 3 مرات و فى هذه الحالة نرمز للزجزاج الثالث بالرمز (Z) و يكون ترقيم النموذج W X Y X Z

و عادة ما يأتى الزجزاج او عائلته فى موضع الموجة الثانية من الموجة الدافعة و نادرا ما يأتى فى الرابعة

طبعا بيبقي حركة عنيفة في السوق نموذج التريبل زجزاج وهو من النماذج النادرة الحدوث وبيلخبط ناس كتير في الترقيم واقصي حاجة في الزجزاج هو الثلاثي فقط

FLat (3-3-5) نموذج

جميع انواع الفلات تكون الموجة A ثلاثية و الموجة B بالطبع ثلاثية و الموجة C خماسية

و تذكر دائما ان الموجة C فى اى نموذج تصحيحى يجب ان تكون خماسية و لا يمكن ان تكون اى شئ اخر اغلب السوق يتحرك في فلاتات! وهو اكثر نموذج مخادع وبه مصايد وكسر كاذب للكلاسيكي

أنواعه

فلاتة عادية – Regular flat
فلاتة ممتدة – Expanded flat
فلاتة متسلقة – Running flat

فلات عادي

الفلاتة العادية أو المنتظمة -Regular flat

و هذا النموذج يأخذ شكل افقى حيث ان الموجة B تساوى تقريبا الموجة A

اما الموجة C فتتعدى نهاية الموجة A بمسافة بسيطة جدا و لكنها يجب ان تتعداها

مثال علي الفلاته المنتظمه : السعر كان في ترند صاعد وبعد كدة نزل تصحيح ثلاثي اول ما تشوف التصحيح دة اعرف انه نموذج فلاته مش زجزاج (ِA) بعد كدة طلع (B) جت زجزاج ثلاثية وهتلاحظ ان الموجة B قرب القمة .. بعد كدة نزلنا موجة (C) حادة وسريعة وهتلاحظ انها عملت قاع جديد تحت الموجة (A) وخلص التصحيح

النوع التاني من الموجات التصحيحة

الفلاتة الممتدة -Expanded flat

الفلاتة الغير منتظمة ( Irregular flat) كما اطلق عليها اليوت يتميز هذا النموذج بأن الموجة B تتعدى بداية الموجة A بوضوح و أن الموجة C تأتى عنيفة و سريعة و تمتد بقوة خلف نهاية الموجة A

هنلاحظ هنا انه نزل ثلاثي A طلع ثلاثي B وعمل قمه جديدة تعرف هنا انك داخل في نموذج فلات ممتدة ونزل في موجة C خماسية وتبدا تشتري من هنا ودي نهاية التصحيح ويبدا في ترند صاعد بعد كدة
ومستهدف الشراء زي ما قولنا انه يعدي قمة B علي الاقل

مثال علي الفلات الممتدة

النوع الثالث من الموجات التصحيحية

(Running flat)الفلاته المتسلقة

يتشابه هذا النموذج مع الفلاتة الممتدة فى ان الموجة B تتعدى بداية الموجة A و لكن نظرا لأن هذا النموذج عادة ما يأتى داخل ترند قوى جدا فإن الموجة C تقابل مقاومة قوية تمنعها من القدرة على تجاوز نهاية الموجة A و تنتهى قبلها

في المثال دة هنلاحظ انه نزل موجة ثلاثية A وطلع في موجة B ثلاثية ايضا وعمل قمة جديدة يبقي احنا هنتوقع بعدها فيه هبوط سواء متسلقة او ممتدة .. هتلاحظ هنا نزل 5 موجات C ومش قدرت تتكسر قاع A اذن دي ببساطة نموذج فلاته متسلقة
وبعدها طلع ترند عنيف