سوف نتحدث في هذه المقاله عن ملخص بسيط او ميني كورس عن موجات اليوت . حيث بدات فكرة دراسة الحركة الموجية للسعر عام 1938م على يد “رالف نيلسون إليوت” والذي قام بمراقبة وتتبع تحركات أسعار سوق الأسهم لمدة 75 سنة على إطارات زمنية مختلفة، وكتشف أن السوق يتحرك بصورة شبه عشوائية في دورات أو نماذج متكررة تعكس نفسية المتاجرين في السوق وقد سمى إليوت تلك النماذج بالموجات
تحليل الموجي باستخدام موجات اليوت هو مفتاح النجاح في عالم التداول. إذا كنت ترغب في تحليل السوق بدقة وتوقع حركتها القادمة، فإن هذا الكورس هو ما تحتاجه. في هذا الكورس ستتعلم كيفية استخدام موجات اليوت لتحليل الرسم البياني للاسعار، وستشمل تطبيقاتها على سوق الأسهم وسوق العملات الرقمية والفوركس. سواء كنت مبتدئًا أو متداولًا محترفًا، فإن هذا الكورس سيمنحك الأسس والمبادئ اللازمة لتحليل الموجات واتخاذ قرارات تداول ناجحه. لا تفوت هذه الفرصة المدهشة لتطوير مهاراتك في التحليل الموجي باستخدام موجات اليوت.
من هو رالف نيلسون اليوت ؟
- ينسب له الفضل في اكتشاف موجات اليوت
- ولد في امريكا 1871
- كان يعمل كمحاسب ومستشار اداري يعني لم يكن متداول
- بعد مرضة ترك وظيفته بسبب التكاليف الطبية وحصل في الوقت دة انهيار لاسواق المال
- في سنه 1929 قرر البدأ في دراسة اسواق المال وتحركات الاسعار والاسهم
- اكتشف ان الاسواق تتحرك في انماط متكررة اطلق عليها الموجات (Waves )
- بدا يدرس اسواق الاسهم في أمريكا لكدة 100 سنه سابقة طبعا كل دة كان يدوي مكانش فيه أجهزة كمبيوتر في الوقت دة وبدا يدرس كل دة كرسم علي الشارت
- في سنه 1938 نشر اول كتاب له وسماه مبدا الموجة
- سنه 1946 نشر كتابة التاني والاخير قانون الطبيعة اسرار الكون
- طبعا هو كان بينشر مقالات في الصحف وقتها والمحللين كان ليهم اماكن في الجرائد في الصحف الامريكية بينشروا فيها مقالات تحليل للسوق
- 1948 مات اليوت وترك لنا اعماله التي خلدت اسمه حتي وقتنا هذا
—————————————————————————————————————————————————————————————
ودة كان ملخص بسيط لحياة رالف نيلسون اليوت وازاي راح اسواق المال اساسا لانه لم يكن متداول كان محاسب ومستشار اداري ولكن الظروف جعلته يدخل في اسواق المال ويدرسها وبدا يتحللها الي ان توصل الي مباديء الموجة ونشر الكتابين ووضع جميع نظرياته فيهم.
ما هي المبادئ التي قامت علي اساسها موجات اليوت ؟
حركة الاسواق نتيجة العوامل المزاجية للمتداولين تحدث في انماط ونماذج متكررة يمكن التنبؤ بها وهو راية زي ويليام جان برضة ان العامل المزاجي للمتداولين هو الي بيعمل النماذج علي الشارت
لو بصينا علي الصورة هنلاحظ ان لما بيحصل قمم وقيعان بيكون فيه تفائل وتشائم والخوف , طبعا هو بدا يدرس الكلام دة كلة موضوع الترقيم والموجات هي أساسها الحالة النفسية للمتداولين هي الي بتنعكس علي الشارت وهو بدا يدرسها واستخرج النماذج بتاعته الي هي 13 نموذج سواء (الحافزة او التصحيحية) وهنتكلم فيها دلوقتي , وقال ان هي دي النماذج الي بتترجم علي الشارت نتيجة العوامل المزاجية للمتداولين وبتحدث فيها انماط ونماذج متكررة يمكن التنبؤ بيها …
ودي الفكرة الي أحنا عايزنها , ان الناس بتقول ان السوق بيتحرك حركة عشوائية لا احنا ممكن نحولة لنماذج وانماط متكررة نقدر نتنبأ بالحركة المستقبلية
هل موجات اليوت صعبة الفهم ؟
هي المدرسة الي يمكن فهمها بسهولة ولكن التطبيق والتمرس بها يحتاج مجهود ووقت ومتابعة شارتات كثيرة جدا .. اي شارت قدامك تفتحه ادامك لازم تشوفة وترقمه عشان تتقن الموضوع ويكون عندك خبره.. عشان كدة التطبيق والتمرس مهم جدا عشان تتقن المدرسة دي .. لانك هتتعلم بالتطبيق وليس بالمعرفة النظرية فقط لان النظري سهل ولكن الفكرة انك تعود عينك علي الشارت وتعود نفسك علي الترقيم ودة حاجة تانية خالص
ما هو النموذج الرئيسي لموجات اليوت ؟
اليوت قالك ان اي حركة في السوق بتتكون من النموذج دة الي هو (النموذج الرئيسي) 5 موجات صاعدة اطلق عليها اسم (motive Wave) يعني الموجة الحافزة لانها بتحفز الحركة في الاتجاة الرئيسي للترند يعني لو الترند الي انا بحللة صاعد فهو بيتحرك بالشكل دة بعد لما تخلص ال5 موجات بينزل تصحيح في 3 موجات A B C واطلق عليها اسم (corrective Wave) موجة تصحيحية
خلي بالك ان الترقيم في الاتجاة الرئيسي او التريند بيبقي ارقام يعين لو برقم ترند صاعد بيقي 5 ارقام اما لو تصحيح بيبقي حروف A B C او W X Y وهنبقي نتكلم في انواع التصحيح بعد كدة .. اذن ببساطة دة النموذج الرئيسي لموجات اليوت وبيتكرر معانا باستمرار
طيب وماذا بعد اكتمال النموذج؟ ايه الي هيحصل بعد ال5 موجات الصعود وتصحيح ABC هل هيتكرر تاني ؟
الاجابة ببساطة: علي حسب الحركه الموجية الكبري او الترس الكبير خلي بالك ان الموجات دي كلها عبارة عن تروس بتسلم بعض يعني النموذج دة كله ال5 موجات دي ممكن تكون عبارة عن موجة 1 و ABC دي موجة 2
يعني لو عملنا زوم وكبرنا موجة واحد ممكن تكون كدة
يبقي الباترن دة جزء من نموذج كبير او ترس اكبر ولكن خلي بالك ان اي تكون لاي نموذج بيتكون بالشكل دة 5 موجات صعود وبعد كدة تصحيح ABC
ازاي المحلل الموجي بيفكر وبيدخل الصفقات ؟
انا كمحلل موجي ازاي ادخل صفقات بناء علي النموذج دة ؟
عاوز تدخل شراء مع اتجاه الترند .. انا عندي ترند صاعد بالشكل دة عاوز ادخل شراء في اتجاه الترند يبقي هستني تصحيح عشان ادخل مع الموجة الجديدة
عندي موجة واحد صاعدة هستني تصحيح لما السعر ينزل ويكون موجة 2 يبقي انا هشوف موجة 2 هتنتهي فين عشان اشتري وادخل في الموجة 3 ودة الدخول الاول
الدخول التاني هيبقي عند نهاية الموجة 4 دخول شراء والهدف بتاعي هيبقي عند نهاية الموجة 5
مناطق الدخول الرئيسية لموجات اليوت ؟
يبقي انا عارف ان الترند صاعد مش هشتري من اي مكان عشوائي , عندي موجة 1هشتري من نهاية موجة 2 بعد كدة صعود 3 وتصحيح 3 هو موجة 4 الي هشتري من عندها بهدف الموجة 5
منطقه الدخول شراء بعد كدة هتبقي بعد تصحيح A B C ومع نهاية موجة C هيبدا أشتري عشان هيبقي في ترند صاعد بعد كدة
تقسيم موجات اليوت
ال5 موجات الصاعدة اسمها موجة حافزة لانها بتحفز الاتجاة الرئيسي لو الاتجاة الرئيسي صاعد طبعا نفس الكلام دة في الهبوط نفس الفكرة هيبكون 5 موجات هابطه
اذن انا هنا عندي موجة حافزة بنديها ارقام 1 2 3 4 5 وموجة تصحيحية بتكون ثلاثية ABC
خلي بالك هنا لو كبرنا الموجة 1 نفسها هتلاقيها عبارة عن 5 موجات صاعدة والموجة 2 التصحيحية هتلاقيها عباره عن 3 موجات A B C والموجة رقم 3 هتلاقي الترقيم الداخلي بتاعها 5 موجات ايضا والموجة الرابعه A B C وهكذا
اذن نستنتج ان كل موجة حافزة في الاتجاة الرئيسي هي عبارة عن 5 موجات , والموجة التصحيحية الي هي عكس لاتجاة الرئيسي بتكون ثلاثية ABC زي موجة (2 و 4 )
خلي بالك برضة ان موجة 1 نفسها عبارة عن 5 موجات لو دخلت علي الفريم الاقل من الديلي و4 ساعات حتي فريم الدقيقة هتلاقي نفس الكلام برضة … اذن دة عباره عن باترن وتروس بتسلم بعضها والمهم عندي ان اي حركه في اتجاة الرئيسي بتكون بالشكل دة
قوانين الموجة الحافزة:
القوانين دي لازم تمشي عليها 100% لانها لو مش توفرت يبقي فيه خطا في الترقيم :
1-الموجة الثانية لا تتعدى حدود الموجة الاولى : يعني موجة 2 مش ينفع تلمس قاع موجة 1 لانها لو لمست القاع لو حتي تقطه واحدة كدة الترقيم بتاعي اتلغي
2-الموجة الثالثة يجب ان تتعدى حدود الموجة الاولى: يعني لازم الموجه 3 تخترق وتعدي بوضوح موجة رقم 1
3- الموجة الثالثة لا يمكن ان تكون الاقصر بين الموجات المكونة للاتجاه – الاولى و الثالثة و الخامسة : يعني لازم موجة 3 تكون اكبر من 1 او 5 لكن لو لقيت الموجة 3 اقصر من الاولي او الخامسة يبقي كدة الترقيم دة غلط وهو ليس 5 موجات يبقي شيء اخر
انواع موجات اليوت- الموجة الحافزة
- دافعة
- قطرية امامية
- قطرية خلفية
هم 3 انواع تعال نشوف كل نوع منهم فين مكانهم بالضبط عشان نعرف نميزهم بعد كدة
الموجة الدافعة
تختص الموجة الدافعة بشرطين بالاضافة الى الشروط الثلاثة السابقة و هما:
- الموجة الرابعة لا يمكن ان تتداخل مع الموجة الاولى: يعني لا تلمس قمة موجة 1
- الموجة الثالثة الداخلية يجب ان تكون دافعة ايضا : يعني لازم تكون 5 موجات لان الموجة 3 عموما في موجات اليوت بتكون اقوي الموجات وبتكون واخدة شكل اندفاعي رهيب
و يكون التركيب الداخلى لها 5- 3- 5- 3- 5 : يعني كل موجة ليها ترقيم موجة 1 عباره عن 5 موجات – موجة 2 عباره عن 3 موجات ثلاثيه زي ما قولنا ان اي تصحيح بيكون ثلاثي -موجة 3 عباره عن 5 موجات – موجة 4 ثلاثية – موجة 5 عباره عن 5 موجات .
اين تتواجد الموجة الدافعة؟
تتواجد فى الموجات الاولى و الثالثة و الخامسة من موجة دافعة من درجة اكبر
و تتواجد فى الاولى و الثالثة و الخامسة من موجة قطرية امامية من درجة اكبر
تتواجد فى الموجة C من موجة تصحيحية ABC
الموجة القطرية الأمامية (leading diagonal)
التركيب الداخلى مثل الدافعة تماما 5- 3- 5- 3- 5
و لكنها تشترط شرطين مهمين جدا
- يجب ان تكون على شكل مثلث قطرى متقارب او متباعد
- يجب ان يحدث تداخل بين الاولى و الرابعة – بعكس الدافعة
أين تتواجد القطرية الامامية ؟
خلي بالك ان مكانها معروف بتيجي في مكانين فقط تأتي في بداية الترند
1- في الموجة الاولي فقط من موجة دافعة او قطرية امامية
2- تتواجد في موجة A من تصحيح ABC
الموجة القطرية الخلفية (Ending diagonal)
تركيبها( 3- 3- 3- 3- 3 ) لانها تاتي في نهاية الترند لذلك عزم القوة بيقل
و لكنها تطبق الشروط الثلاثة الرئيسيية للموجات الحافزة بالاضافة للشروط الأتية
- ان تكون على شكل مثلث قطرى متقارب او متباعد
- ان يحدث تداخل بين الموجتين الاولى و الرابعة
أين تتواجد القطرية الخلفية؟
تأتى فقط فى نهاية الترند
تأتى فى الخامسة من موجة دافعة او الخامسة من موجة قطرية امامية
كما تاتى فى الويفة C من تصحيح AB
انقطاع الموجة(Truncation)
و تحدث فى الموجة الخامسة فقط حيت لا تستطيع ان تتعدى حدود الثالثة , و عادة ما تحدث بعد موجة ممتدة قوية وتاتي في حالات نادرة وتحدث في اوقات الاخبار القوية بحيث تكون الموجة 3 عنيفة وقوية جدا
امتداد الموجة(Extension)
معظم الموجات الدافعة يحدث بها ما يسمى بامتداد الموجةو هو عبارة عن ان احد الموجات الاولى او الثالثة او الخامسة تكون تفاصيلها الداخلية واضحة جدا ويكون حجمها تقريبا مساوى لباقى حجم الموجة الكلى
و تذكر جيدا ان الامتداد يحدث فى موجة واحدة فقط و عادة هذه الخاصية تكون دليل لنا لما ستكون عليها لموجة التالية
بمعنى انه اذا تساوت الموجتان الاولى و الثالثة فنتوقع امتداد الخامسة , و اذا جاءت الثالثة ممتدة نتوقع ان تأتى الخامسة غالبا مساوية للاولى
أمثلة حية من السوق علي موجات اليوت
تعال نشوف كدة شوية ترقيمات عشان تتعود علي موضوع الترقيم .. هتبدا ترقم الموجة الدافعة لانها تعتبر اسهل حاجة …أدرس هذة الصور جيدا
مثال علي البيتكوين قاع 2019 الي 2022 ..هتلاقي ان الموضوع واضح وصريح انه صاعد 5 موجات
مثال اخرالمؤشر العام للسوق السعودي
مثال علي سهم الاسمنت العربية للسوق السعودي
تطبيق علي عملة رقمية Harmony
ويبينار موجات اليوت و اسرار الترقيم: ماذا لو اخبرتك انه يمكنك معرفة الترند و الحركة القادمة للاسعار بمجرد نظرتك الي الشارت في 5 دقائق؟
