هنتكلم في المقالة دي عن رحلة مع اسرار التحليل الزمني لجان وكيف كان يطبق علم الفلك والدورات الزمنية علي اسواق المال ومثال تطبيقي علي سهم فيسبوك
👇لمشاهدة فيديو هذه المقالة اضغط هنا 👇
التحليل الزمني لجان وعلاقته بالفلك:
دوران الارض حول محورها:24 ساعة
ناس كتير بتيجي تسال سوال محدد وواضح وتقول اية علاقة علم الفلك او الدورات الزمنيه علي اسواق المال وايه الفكره اساسا انك تستخم علم الفلك والتحليل الزمني لجان علي اسواق المال عموما زي العملات او الكريبتو او الاسهم والبورصة ممكن تطبق الاساليب دي برضه .. عشان تفهم يعني ايه التحليل الزمني والدورات الزمنية دة كويس لازم تبدا بحاجة بسيطة ايه رايك انك بتستخدم الدورات الزمنية وعلم الفلك في حياتك اليومية ! ازاي ؟؟
لو بصيت كدة الساعه الي في ايدك هي عبارة عن حركه ودوران الارض حول محورها دة بيعمل ال24 ساعه في اليوم والارض بتعمل دورة كاملة خلال 24 ساعه فدة بعطينا فترات الليل والنهار فمعني كدة ان الساعه الي انت ماسكها في ايدك دي بتديك حركه الارض كل فتره معينه
يعني الساعه دة عبارة عن ساعه كونية خاصة بكوكب الارض كل 24 ساعه الارض بتعمل دورة كاملة وبيكون انتهي يوم ارضي .. اذن انت بتستخدم علم الفلك والدورات الزمنية
دوران الارض حول الشمس :التقويم الميلادي
ندخل بقي علي دوران الارض نفسة حول الشمس الي هي الدورة الكاملة للارض حول الشمس 365 يوم دة التقويم الميلادي والارض بتدور حول الشمس دورة كاملة .. السنه دي بتديك الفصول الاربعه وبتديك التقويم الميلادي يعني بتديك كل الحسابات الي احنا ماشيين فيها خلال العام .. يبقي التقويم الميلادي مبني علي حركه دوران الارض حول الشمس
يعتمد التقويم الهجري على قياس دورة القمر حول الأرض، بحيث يكتمل الشهر الهجري باكتمال دورة القمر. وذلك على عكس التقويم الميلادي/ الشمسي الذي يعتمد على دوران الأرض حول الشمس
وتُقاس نهاية وبداية الشهر الهجري بناء على رؤية هلال الشهر الجديد، ما يجعل أيام الأشهر الهجرية غير محددة، على عكس التقويم الشمسي. وبناء عليه، يتباين عدد أيام الشهر الهجري ما بين 29 وثلاثين يوما.
دوران القمر حول الارض:التقويم الهجري
خلي بالك ان دوران القمر حول الارض مهم جدا لانه بيديك التقويم الهجري لاننا عشان نعرف بداية ونهاية شهر جديد بتبقي بناء علي القمر سواء بناء القمر او اكتمال القمر … فاحنا بنستخدم علم الفلك في التوقيات اليومية بتاعتنا فيعتبر علم الفلك عبارة عن وحدات قياس زمنية زي وحدات القياس الي بنستخدمها المتر والكيلو والجرام وهكذا وبتقيس الفترات الزمنية بالدقيقة والساعه والسنة والشهر وهكذا
… انت عندك برضه فيه قياسات زمنية اخري موجودة بتقيسها باستخدام الكواكب ودوران القمر والمسافة الزمنية الي بيتحركها القمر والي بيتحركها القمر حوالين الشمس او بتدور الارض حوالين محورها فكل دي عباره عن قياسات زمنية ودي من ضمن ادوات التحليل الزمني لجان
ماذا لو استخدمنا باقي الكواكب بنفس الفكرة ؟
ايه رايك بقي انك ممكن تستخدم الكواكب يعني احنا استخدمنا الحجات التقليديو الي احنا عارفنها التقليدية بتاعتنا الشمس والقمر والارض تمام كلنا عارفين الكلام دة .. ايه رايك انك ممكن تستخدم باقي الكواكب الي موجودة في المجموعة الشمسية نفس الفكره اطبقها ان كل كوكب له فتره زمنية معينه او له عامل زمني معين اسمه Time Factor والتحليل الزمني لجان الي اتكلم فيه في الكتب بتاعته طب يعني ايه الكلام دة ؟؟
ببساطة كل كوكب له عامل زمني مختلف يعني عطارة له دورة مختلفه عن الزهره والارض والمريخ والمشتري يعني الكواكب كلها كل كوكب وله العامل الزمني الخاص به .. اعتبر نفسك موجود علي كوكب معين وليكن مثلا كوكب المريخ تمام هتعمل ساعه في ايدك كدة ساعه للمريخ زي ما انت موجود علي الارض دلوقتي والساعه الي في ايدك دي
عبارة عن ساعه توقيت كوكب الارض فبنفس الفكرة اعتبر نفسك موجود علي كوكب اخر زي المريخ ومعاك الساعه الي بتحدد توقيت المريخ ..هظبط الساعه حسب المعدل الي بيتحركه الكوكب حوالين نفسة وحول الشمس .. بس يبقي انا كدة يعتبر عملت قياس زمني لكوكب المريخ اسمه معامل زمني …ودي الفكرة باختصار وكل بساطة عن ايه التحليل الزمني لجان وعلم الفلك
وثائق مهمة للتحليل الزمني لجان والتقويم الفلكي:
تعال نشوف كدة احد كتب جان الي هو التقويم الفلكي W.D GANN PRIVATE EPHEMERIS دة احد التقويمات الفلكية كان بيستخدمها التحليل الزمني لجان عشان نفهم الراجل دة كان شغال وبيفكر ازاي … تعالو نشوف علي شوية صفحات من كتاب جان
مثلا هنا هتلاقي يناير 1941 عباره عن تقويم الفلكي للكواكب كلها زي ما انت شايف هتلاقي كوكب Venus وتحت منه Declination ودي احد الاساليب الي بنستخدمها في تحليلات الكواكب وهي يعني باختصار حركه الكوكب اثناء الدوران بيبقي فيه صعود وهبوط للكوكب اثناء دورانه الكوكب بيطلع فوق وبينزل تحت يعني في نفس الوقت الي الكوكب بيدور فيه حوالين الشمس بيطلع وببينزل وبيعمل ال Declination وهكذا هتلاقي باقي الكواكب وهتلاقي الارقام كلها طبعا الارقام دي كلها دقيقة
واحنا دلوقتي مش هنحتاج التقويمات الفلكية دي في حاجة بفضل البرامج الحديثه الي عندنا وفيه منها المجانية زي astrolog بيكتبلك درجات الكواكب كلها ووضع الكوكب بالضبط في اي وقت انت عايزة .. هتلاقي برضه في نصف الصفحة رموز الكواكب كلها موجودة
هنلاحظ هنا برضه كاتب جان ملوحظات بخط ايدة هنلاقي فوق الكواكب وكل الارقام الفلكية بتاعه كل يوم من اول يوم 1 الي يوم 30 او 28 حسب الشهر
ما هي الطريقة الصحيحة لدراسة ويليام جان؟
دي نبذة عن التقويم الفلكي واساس التحليل الزمني لجان عشان تعرف الراجل الي انت عايز تدرسه دة شغال ازاي عشان كدة انا ديما بقولك لو عاوز تدرس ويليام جان لازم يكون عندك خلفية للتحليل الفلكي او التقويم الفلكي ويكون عندك الاساسيات دي لانك لو مش عند كالاساسيات دي للاسف مش هتوصل لشيء .. ودي الحقيقة الي انت لازم تعرفها قبل ما تضيع وقت كبير في دراسة ويليام جان لاني انا نفسي بدات الموضوع غلط بدات ادرس كتب جان من غيرما ادرس فلك ولا حاجة ..
ممكن تقعد سنين تدرس الكتب دي وللاسف بتضيع وقتك . ليه بتضيع وقتك ؟؟ لانك انت مش فاهم جان قصدة ايه بالكلام الي هو بيقولو زي ما قولتلك جان بيتكلم في المعلومات الي بيقولهالك دي لازم يكون عندك خلفية فلكية عشان تعرف قصدة بالضبط ايه وتفهم اصول واساسيات التحليل الزمني لجان .. والا انت هتوة وهتدخل في متاهه وهتضيع سنين من عمرك بدون اي استفادة ممكنه.
فدة الي انا بعمله في المواد التعليمية سواء المقالات واليوتيوب اني بحاول اوصلك للمفاهيم الصحيحة الي من وجهه نظري انا طبعا وحسب ما درست وادلك علي الطريق الصحيح عشان تعرف تدرس الراجل دة
لحد هنا انتهي الجزء الاول من المقاله ونستكمل الجزء الثاني باذن الله
