كيف تدرس وليام جان والتحليل الزمني

نتكلم في المقالة دي ازاي تدرس طرق وليام جان ومبادي التحليل الفلكي والرقمي وازاي تعرف علوم جان الحقيقية لان معظم من يتكلم عن اساليب وطرق جان المنتشرة هي غير طرق مغلوطة وغير صحيحة…

وهنتكلم عن اهم المصادر الحقيقية الي تقدر تتعلم منها طرق جان

 

1-شخصية وليام جان في اسواق المال

لو هنتكلم عن شخصية جان في اسواق المال فالراجل دة شخصيته غامضة … الكلام الي كتبه والي نشرة في الكتب اغلبها ان لم يكن كلها تقريبا 90% من الكلام الي هو مكتوب هتلاقية غامض ملوش علاقة باسواق المال وبالتدوال اساسا .. الكتب  والروايات والقصص الي هو كتبها اغلبها بيتكلم عن حاجات عادية .. بسيطة ومش فيها اي اسرار … طب اية اللغز ورا وليام جان وليه في كلام كتير عن جان وابحاث كتيرة جدا وناس عاوزة تعرف اسرار جان وكتب وكورسات لفك اسرار وليام جان والكلام دة كلة ؟؟

طب ايه سبب الهالة القوية دي حول وليام جان ؟؟

بسبب انه هو راجل ماركيتنج ومسوق شاطر الراجل قدر يسوق للعمليات بتاعته والصفقات الي دخلها وعمل كذا لقاء صحفي وكتب كتير .. مع ان في ناس اشهر منه مش اخدت نفس القدر بتاعه من الشهره .. في ناس عملت نجاحات كبيرة في اسواق المال بس مش خدو نفس الشهرة الي وليام جان عملها

جان يعتبر اقل من ناس كتير برضه.. طب ايه السبب الي خلي جان ياخد الهالة الي حوالية دي ؟ بسبب الغموض وبسبب طريقة الكتابة بتاعته في الكتب وفي الروايات وفي الناس الي بتعمل معاه لقائات صحفية والعمليات التداول الي دخلها .. توقعت النهاردة قمة كذا وقاع كذا في وقت معين بيحددة مسبقا وبدقة كبيرة جدا

طب ايه الموضوع؟ وانت لما تدرس جان يعني هتوصل للكلام دة كله ولا لا؟ طيب احنا بنتكلم عن جان في علم جان يتقسم الي جزئين :

1- علم لا يمكن تطبيقة علي اسواق المال

يعني كلام وشوية معلومات هتشوفها هتلاقيها حلوة بس مش هتعرف تطبقها علي اسواق المال وتكسب منها

2-علم يمكن تطبيقة

عشان توصل للمرحله دي صحب هتاخد وقت كبير جدا للبحث والدراسة عشان تاخد طرق وليام جان القديمة دي وتحولها الي حجات قابلة للتداول في العصر الي احنا فية سواء عملات او اسهم او كريبتو … فلازم تاخد العلم الذي يمكن تطبيقة وتطبقة علي اسواق المال , لان خلي بالك اغلب الناس بتعمل ايه ؟ كلها بتجري وراء اوهام لجان يلاقي كتب جان كلمة معينه في صفحة كذا  يمشي ورا الكلمه دي ويبدا يعمل يتخيل انه وصل لاستراتيجية معينه ويعمل تجارب علي اسواق المال وممكن تصدف معاه في كذا صفقة علي الطريقة الي هو لسة مخترعها

ولكن مع الوقت بتنهار كل هذة الطرق .. طب ليه ؟ لان لسه مفيش اساس علمي انتي باني عليه الاستراتيجية.. انت بتبنية علي اوهام . مش أي كلمة مكتوبة تأخذها وتطبقها على طريقة  وطبعا في ناس كتير جدا من الناس ويأتي لأسئلة منها يقول ماشي بالطريقة الفلانية لوليام جان طب مين قالك ان دي لجان ؟ لفيتها في كتاب في صفحة كذا وشفت مدرب كذا بيشرحها او مربع جان والكلام دة كله … هتمشي ورا واهام يعني الوقت الي انت خصصت فية وقت ورا مدرسة واضحة مثلا زي مدرسة اليوت  .. هتكون حاجة كويسة لية ؟ لان الوقت الي انت هتضيعة في دراسة اوهام جان شهور طويلة.

مش معني كدة بقولك ان مدرسة جان مش كويسة . لا هي طريقها طويل جدا وصعب ان انت توصل فيها لشيء يمكن تطبيقة علي اسواق المال مش سهلة … لانه مش مدرسة واضحة

3-ما الفرق بين مدرسة جان ومدرسة اليوت

مثلا اليوت كتبلك قوانين وعمل الكتاب بتاعة وجميع القواعد والقوانين والارشادات وعمل النماذج واتكلم عن نسب فيبوناتشي .. يعبتر مدرسة متكاملة الادوات

اما جان مش مدرسة مش قالك اعمل خطوات كذا وكذا لا مفيش الكلام دة كلة في اسلوب جان .

الخلاصة: لو انت راجل عاوز تكسب في اسواق المال ومش عاوز تضيع شهور وسنين انصحك انك تبدا بمدرسة اليوت لانها مدرسة واضحة واسهل من جان وبلاش تدخل في دوامة البحث بتاعت جان لانه انت هتعتمد علي نفسك وتقرا كتب وتطبق و90% من المتداولين عاوزين الطريق السهل مش هيبدا من اول خالص يبحث عن طرق جان ويستخرج الطريقة الخاصة به .. اغلب الناس عاوز السهل لدرجة ان في بعض الناس بتقولي عاوز ادرس جان اعمل ايه ؟

اقولة اقرا كتاب كذا .. فلاقية بيقولي طب ابعتلي اللينك او الرابط . دة الراجل مكسل انه يبحث عن الكتاب في جوجل ! عاوزة يقرا كتب جان ويبحث  شهور وسنين ويدور ويطلع الاسرار. مستحيل . لان فيه عقليات ناس كتير مستحيل انها تشتغل بالطريقة دي. ودي صعوبة جان في كدة . وانا درست الاتنين طريقة جان واليوت ومدارس تانية . مش معني كدة ان طرق جان مش كويسة لا بالعكس . لو انت فهمتها صح وطبقتها صح وفاهم علم جان الحقيقي ودول بيمثلوا 5% فقط من الناس الي دارسة جان

95% من الناس التانية مش فاهمين يعني ايه جان وشغالين اي كلام ليس له علاقة بجان اساسا

طيب نرجع تاني ايه العلم الي يمكن تطبيقة؟

اغلب الكلام الي كتبة جان في ظاهرة حاجة وباطنة حاجة تانية خالص. لان اللغة بتاعته صعبة يكتبلك رقم مثلا 69 في الرواية بتاعته والرقم دة يشير الي رمز او برج السرطان تدخل علي برج السرطان وتشوف الكواكب الي موجودة فيه عشان تفهم هو قصدة ايه في الرواية الي هو قال فيها السر بتاعه والكلام دة كلة . طب لو واحد مش فاهم فلكي ولا كواكب ولا ابراج مش هيفهمنم اي حاجة خالص . يعني كان بقول لواحد اول مرة ينزل البحر اقولة روح عوم ! اكيد هيغرق

هي لغة جان كلها كدة . مش هتفهمها غير لما تكون دارس ارقام وفلك عشان تفهم هو يقصد ايه بكل دة ..

انا واحد جديد عاوز ابدا ادرس جان اعمل اية

لو انت مصصم ان انت عاوز تتعلم الاسرار دي . بصراحة انا مش شفت اي حد في الوطن العربي بيشرح طرق وعلم جان الحقيقي .. هقولك المصادر الي تقدر تبدا فيها

1- قناتنا علي اليوتيوب فيها محتوي كبير جدا عن علم وطرق وليام جان

هتلاقي في سلسلة كبيرة جدا من روايات واستراتيجات جان مربع التسعة وطرق الفلكية هتلاقيها شرح مبسط بقدر الامكان تعمقت في الموضوع دة وطبعا اول ما بتكلم في المواضيع دي علي العام بلاقي هجوم ضخم جدا عليا وبتكلم فيه بشكل اعمق واكثر اريحية في الكورسات المدفوعه .. لان الشخص الي جاي الكورس هو عارف هو عاوز يدرس اية .. لكن لما بدات ادرس الحجات دي علي العام بدا ناس كتير تهاجمني ودة دجل والكلام دة كلة فريحت دماغي

بس هتلاقي علي القناة اليوتيوب بتاعتنا عن طرق جان الحقيقية والاصلية لاني درس طرق جان كلها ودرس الكتب الي اتكلمت عن جان وهقولك برضة دة افضل ليه .. لان افضل مدخل تبدا بية انك تدرس لناس اجانب درسوا جان  .. بس اول خطوة افتح قناة اليوتيوب بتاعتنا مصدر عربي مفهوم وبسيط لان الي بعد كدة هيبقي مصادر انجليزي

2-  ادخل علي موقع الاكاديمية هتلاقي فيه مقالات جميلة جدا في قسم المقالات فيها شرح لجان وقصص + صور وشارتات وليام جان

3-ادرس الناس الي درست وليام جان وابحث عنهم في جوجل :

walker myles

bradley cowan

patrick mikula

michael jenkins