نشاهد في هذا الفيديو هذه الرسالة من جان الي دكتور جونج وحديثه عن سر الالة الحاسبة Master calculator شبيهة بالطرق الي شرحناها بالكورس وهي تمكنه من تحديد الترند بسرعة وسهولة لاي سهم .. جان كان يبيع هذه الاداة ب1000$في عام 1953 كما هو مذكور بالرسالة وهي عبارة عن شارت علي مادة بلاستيكية شفافة يتم مطابقتها علي السهم .. ياتري ما سر هذه الاداة؟
وقد شرحنا في فيديو مفصل عن الاله الحاسبة وكيفية التداول بها في الكورس المجاني ايضا
1- ما هي قصة خطاب دكتور جونج
بعت للمشتركين في القائمة البريدية رسالة عن خطاب دكتور جونج وسر الالة الحاسبة وعاوزين نعرف ما يقصد جان بالحاسبة الي هو اتكلم فيها وايه هي المادة البلاستيكية دي ؟
دي رسالة كان استلمها من جان 12 يناير 1953 خلي بالك قبل دي بحوالي شهر جان بدا موضوع المراسلات مع الطلاب بتوعه من جميع انحاء العالم اتكلم جان عن شارت فول الصويا واهم ما يهمنا في الخطاب علي قول جان ” انا بشتغل بقالي سنين علي الالة الحاسبة الزمنية الي بتحسب السعر الزمن والتريند
الي بتختصر 90% من الشغل علي الشارت وبتعطيك دقة في تحديد التريند والازمنه والدعوم والمقاومات وانا انتهيت منها سنه 1952 ودة قبل ما يموت بحاولي سنتين و في شخص استخدم الاداة دي وعمل 78 الف دولار في خلال عدة شهور ودفع لجان 4000 دولار وقال ان دة اهم اختراع وصلت له البشرية ولو انت عايز الاداة دي ممكن اعملك عليها عرض خاص “
خلي بالك ان وليام جان كان مسوق ممتاز جدا وبيعرف يعمل تسويق بدليل ان احنا في 2024 ومازلنا لسه بنتكلم عن جان لان اسلوبة قوي جدا في تسويق واعتقد ان الراجل دة من اوائل الناس الي بدئو يتعلموا الماركيتنج ويطبقو في اسواق المال . جان عندة طريقة معينه كدة بيسوق للطرق بتاعته انا طبعا مقتنع به كمحلل فلكي ممتاز لكن احيانا كلامه في تسويق بيكون مبالغ فية في التسويق بتاعه
2- سر الالة الحاسبة لوليام جان
الالة الحاسبة تجعلك تشوف الترند بسهولة وبسرعه لو انت اتبعت الطريقة دي هيبقي عندك نجاح كبير جدا في السوق ولو فية انعكاس في السوق ممكن تخرج من السوق مباشرة ولو انت عند قمة اخرج وادخل بيع وهكذا . سر الالة الحاسبة دي قيمتها ثورة ضخمة لاي حد هيتبعها هتمنعك من ارتكاب الاخطاء في التداول وتوفر في الوقت وهنعرف دلوقتي ليه قال كدة
تضع ورقه البلاستيك علي الشارت بتاعك وهتحدد بعد كدة الازمنة الانعكاسية في المستقبل و الدعوم والمقاومات والزوايا بدون ان تعمل اي شغل ودي عبارة عن اداة بتطابق دلوقتي البرامج زي العصر الحالي طبعا زمان مش كان فية اجهزة كمبيوتر متطورة مثل الان
وبيكمل كلامه جان وبيقول انا مش ببيع لاي حد حاجة هما مش محتاجينها لكن انا شايف ان الحاجة دي مفيدة جدا ليك . انا بخلي الناس تدفع 1000 دولار عشانها بالاضافة طبعا للكورسات بتاعته اسعارها كبيرة جدا . لو انت عايز الالة الحاسبة هعملك عرض خصم 50% هديهالك ب 500 دولار فقط وهتدفع 250 دولار كاش مقدمها وتدفع 50 دولار كل شهر بالتقسيط … وفي الاخر توقيع WD Gann
3-ما هي الاحتمالات الممكنه التي يمكن رسمها علي ورق بلاستيك والتطابق علي الشارت
1-Gann square
ارجع كدة بالزمن بالماضي سنه 1950 الفترة دي كانت الناس بتشتغل ازاي ؟ كان الرسم البياني علي ورق مطبوع وفيه ناس بترسم بايديها ويبدا يعمل الاسكيل
ومعاك ورقة تانية الي هي البلاستيك الي جان كان بيتكلم عنها والي بيطابق عليها الشارت وورق البلاستيك بيكون مرسوم عليه حجات ثابنة بقدر يحطها علي اكتر من شارت . ممكن تكون الرسمة نجمة جان او مربعات جان ويبدا يطابقها علي الشارت
2-الخطوط الفلكية
بيرسم الخطوط الفلكية للكواكب علي ورق البلاستيك وبيطابقها علي الشارتات الحقيقية نفس فكرة البرامج في وقتنا الحالي مثل اوبتوما
3-Planetry Fan
مروحة جان الي هي الفلكية شارتات ثابته 1*1 2*1 وهكذا
وفية طبعا حجات تانية زي
Moon Phases
Declination
4- تطبيق فكرة الورق البلاستيك علي الشارت كما كان يفعل جان
تعال نشوف ازاي وليام جان كان بيرسم الحجات دي علي ورق بلاستيك وازاي كان بيطابقها باستخدام الاسكيل
طبعا دة مربع 144 دة الشكل بتاعه . المحور الافقي دة الزمن وال144 ممكن تكون اسبوع او شهر او ساعه علي حسب الفريم الي انت شغال بية وجان كان بيعمل مقياس الرسم عند جان
