هل التنبؤ بالمستقبل صدفة ام علم حقيقي ؟

اهلا بكم في مقاله جديدة هنتكلم النهاردة معكم دردشة كده مش هنبص على شارتات ولا اي حاجة. بس هنتكلم على موضوع التنبؤ بالمستقبل. حصل الفترة الاخيرة العالم الهولندي فرانك اللي بدأ يتوقع الزلازل بناء على بعض الحسابات الفلكية ودراسة الماضي

👇لمشاهدة فيديو هذه المقالة اضغط هنا 👇

كيف تنبأ مستر فرانك بزلزال تركيا؟

طبعا الراجل ده بدأ يتكلم وبدأ يتوقع ان في زلازل هتحصل في منطقة  تركيا وسوريا وبالفعل حصل بعد 3 ايام زي ما توقع بالفعل الزلزال دة وهكذا  بدا يتكلم تاني ويقول ايه الفكرة بتاعته في التنبؤ بالزلازل
  تعالى احنا بقى نشوف الكلام بتاعه ده ونطبقه على النظرية بتاعتنا  والراجل ده بيقول كلام جان قاله  قبل كده من100سنه ..جان كان شغال في مجال اسواق المال والتنبؤ بالمستقبل. تمام? الراجل ده شغال في التنبؤ  بالزلازل

. يبقى اذا يعني في تشابه كبير جدا بقيت الحاجتين  ده بيتنبأ المستقبل وده برضو بيتنبأ المستقبل. ده في موضوع الزلازل ده في موضوع اسواق المال.ده استخدم علم الفلك وده برضو استخدم علم الفلك. طب تعال نشوف ايه الموضوع
 مستر فرانك توقع موضوع الزلزال وقال لك ايه طيب في في التويته اللي هو قالها بعد كده? قال لما انا قلت قبل كده ان هيحصل زلزال في المنطقة دي  مية وخمستاشر وخمسمية ستة وعشرين. طب الراجل ده عمل ايه? قال لك ان درس هو المنطقة او المنطقة دي كلها المنطقة الجغرافية دي 

 

ادرس الماضي لتتوقع المستقبل

رجع بالزمن رجع في الماضي للسنين دي115-526في تشابه  فيهم تمام? وقال ان الزلازل دي دائما اللي هي حصلت في السنين دي. دائما بيسبقها نموذج فلكي متكون. وقال النموذج الفلكي ده هيكون امتى? يوم من اربعة لخمسة فبراير. تمام لو انت جديد هتقول لي طب يعني ايه?  

خلي بالك ان الكواكب في المجموعة الشمسية بتاعتنا بتتحرك في دايرة يعني اعتبر دي الدايرة بتاعة المجموعة الشمسية. تمام? وكل كوكب بيتحرك على الدايرة دي  ميريكري فينوس ساترون جوبيتر وهكذا الكواكب الكبيرة. يعتبر كل واحد ماشي في مسار. تمام? وبيتحرك وبيلف في الدايرة دي. تمام? اعتبر دي الشمس مثلا في المركز 

والكواكب بتتحرك. الكواكب دي بتتحرك بتعمل pattern  يعني مثلا لو كوكب في الناحية دي وكوكب في الدرجة دي هتلاقيه عامل زاوية 180 درجة. ممكن يكون كوكب في النقطة دي وكوكب في النقطة دي هيعمل زاوية مثلا 90 . وهكذا دي النماذج الفلكية الهندسية. يعني دي هندسه Gometry. في الموضوع ممكن تلاقي كوكب مثلا بالشكل ده. اقترانات يعني كوكب عند النقطة دي. النقطة دي اعتبرها مثلا 270 درجة هتلاقي كوكب ميركري عطارد معاه جوبيتر معاه ساترن

مثلا مصطفيين على نفس او خط واحد اسمه او اصطفاف كده. فدي كلها عبارة عن  Pattern او نماذج هندسية فلكية. فالراجل عمل ايه? عمل حاجة مهمة او عمل حاجتين بالزبط. الحاجة الاولانية اللي هو كان جان بيعملهم وهنبص على برضو الكلام اللي كتبه جان وهنلاقي ان في تطابق بنسبة 100%. الحاجة الاولى ان هو عاد بالتاريخ الزلزالي في المنطقة. رجعنا بالزمن او يدرس الماضي 

 

القاعدة الذهبية ادرس الماضي

ادرس الماضي راح سنة115-526 للمنطقة دي. ولقي ان فيه زلازل بتحصل في الوقت ده. تمام. طب ايه السبب? قال ان زلزال بيسبق نموذج هندسي فلكي معينومتكرر كمان. هيبقى غالبا الزلزال لما بيحصل يبقى فيهpattern فلكي في السما موجود. قبل الزلزال دة. يبقى الراجل ده عمل حاجتين درس الماضي زي ما كان جان بيقول

 

او تتوقع المستقبل بناء على الحاجتين دول اول معلومة ان انت درست تاريخ الزلزالي. طبعا انت الغي موضوع الزلزالي دي وحط بقى أسواق المال لان دة نفس الفكرة بالضبط  في اي مجال عايز تتنبأ بالمستقبل في اي حاجة في العالم? في اي علم تعمل الخطوتين دول.

تدرس التاريخ بتاع الحاجة اللي انت بتدرسها. لو انت عايز تدرس نفسك انت يعني تدرس المستقبل او الماضي بتاعك انت. هتدرس الماضي بتاعك وتشوف السنين اللي حصل فيها دروبات او اللي حصل فيها نجاحات تدرسها وتشوف سببها. تمام?
ادرس الماضي. بعد كده توقع المستقبل. شوف  طب في الازمنة دي. في حاجة هندسية فلكية معينة حصلت ولا لا? حاجة متكررة في حاجة بتحصل قبل الحدث ده نموذج فلكي معين متكرر بيحصل تمام فانا ممكن اتوقع المستقبل لان النموذج الفلكي ده هيتكرر في المستقبل مرة اخرى زي ما احنا عارفين حركة الكواكب مستمرة الى ما لا نهاية.

هل يتقبل المجتمع العلمي تأثير الكواكب ؟

كل يوم وكل  اسبوع كل شهر بيحصل نفس الحركة والكواكب بترجع لمواضيعها السابقة مرة اخرى وهكذا. الى مالانهاية. تمام? طب المعلومتين دول درست الماضي ودرست النموذج الفلكي اقدر اتوقع المستقبل. وقال لك حاجة مهمة قوي. برضو جان قالها (صدفة غريبة) قال لك المجتمع العلمي لا يتقبل تأثير الكواكب او القمر او النجوم يعني على اي حاجة. قال لك لا يوجد إثبات ينفي تأثيرهم  يعني هم بيقولوا مفيش تأثير للكواكب او للقمر او لاي شيء على الأرض. ولكن بدون اي اثبات يعني هاتوا لي اثبات ينفي او حاجة تنفي الكلام ده. لا ما جابوش هم بيقولوا كلام كده. لكن المجتمع العلمي كده. زي ما جان قال لك ان العالم او عامة الناس لا يتقبلون هذا الكلام عشان كده مش هشرح النظرية بتاعتي لية ? لان الناس اصلا لا يتقبلوا الكلام ده.

قال هنا برضه في التويتة دي المجتمع العلمي نفسه غير متقبل للتأثير الكواكب والقمر على الانسان او على الحاجات اللي بتحصل على الارض. تمام? ولكن مفيش دراسات موسعة تثبت عدم تأثيرها يعني قال لهم هاتوا لي انتم اثبات على كده  هاتوا لي اثبات ده كلها تخمينات قال لك وبالعكس كمان في ورقة بحثية في مجلة Natureعن الامر ده عن موضوع الزلازل. وعلاقتها بمواقع اورانوس او بموقع اورانوس. وده طبعا هو نشر الورقة البحثية دي سنة 1959 وعنوانها الزلازل العظيمة اللي بتحصل وعلاقتها بمواضع كوكب اورانوس البوزيشن يعني الدرجة الفلكية بيكون موجود فيها أورانوس.
طب ممكن تقرا الجريدة دي لو بحثت عنها في جوجل او من على الصفحة هنا تمام? ولكن في فعلا حاجة علمية موجودة بالموضوع ده الناس دي لو درست العلاقات الفلكية والهندسة الفلكية على الأرض هنلاقي حاجات كبيرة جدا. تعال نخش بقى على مستر جان. احنا اتكلمنا دلوقتي على مستر فرانك 

ماذا قال جان من 100 عام  عن التنبؤ بالمستقبل

الراجل ده بيتكلم عن التنبؤ بالزلازل عن طريق العلاقات الفلكية او الهندسة الفلكية. تمام? طب تعالوا نشوف جان قال ايه من 100 سنه تقريبا
جان قال ان الزمن اهم عامل عشان تتنبأ بمستقبل الحركة في اسواق المال وقال لك لو انت درست الماضي بتاع الاسواق بتاع العملة او السهم او المؤشر اي شيء يعني في الماضي هتقدر تتوقع المستقبل. لان يعني الماضي يتكرر باستمرار. يعني لو انت عرفت الماضي تتنبأ بالمستقبل نفس كلام عم فرانك اما بيقول انا درست

الفترة الزمنية السابقة راجع بقى 100 سنة او 1000 سنة يرجع زي ما ترجع. شوف الدورة الزمنية ايه بالضبط. وشوف ايه سببها او الايفكت بتاعها او التأثير بتاعها ايه هتتوقع المستقبل ده نفس اللي بيقوله جان بالضبط
وجان اتكلم برضو في مقولة كدو طبعا الكلام دة كله موجود فيه كورس Forecasting By Time Cycles ه تمام? قال ان الصيادين القدامى يعني عندهم قاعدة لو هما بيبحثوا عن الفريسة بتاعتهم بيصطادوا حاجة معينة فريسة معينة حيوان معين. بيعملوا ايه? عشان يوصلوا للعش بتاعه او المخبأ بتاعه. بيبحثوا على الاثار بتاعته يعني انت بترجع للخلف. يبقى عايز توصل له شوف الآثار بتاعته فين عشان توصل للعش او المركز بتاعه

 

وقال ان دة اقصر طريق عشان توصل للمصدر او العش بتاع الحيوان اللي انت عايز تصطاده ده ودي اسرع طريقة… عشان كده قال اسهل او اسرع طريقة عشان تتنبأ بالمستقبل و حركة أسواق المال تعمل ايه? تدرس الماضي .عندك ماضي الشارتات كلها وعندك الهيستوري موجود يعني ممتد لعشرات السنين ومئات السنين كمان ممكن. سواء اسهم او عملات او غيره
ادرس الماضي بتاع الحاجة اللي انت بتحللها عشان تتنبأ بالمستقبل 

العلاقة بين السعر والزمن

وقال ان في علاقة قوية وواضحة بين الزمن والسعر. وهيكمل طبعا في الكلام بتاعه. خلينا بس نركز في الجزئية اللي احنا عايزينها طيب تعال نخش بقى على جان برضه أتكلم في حتة تانية سنه 1909 اللي هو اللقاء الصحفي الشهير بينه وبين وايكوف الراجل ده استثمر سنين او شهور في الدراسة بتاعته
ازاي ؟ مكتبة في نيويورك و في لندن برضه مكتبة اللي هي مكاتب كده فيها الهيستوري بتاع اسواق المال تمام? في بريطانيا وفي امريكا قعد حوالي تسع شهور.. كل يوم بيدرس الماضي عشان طبعا يأكد الفكرة بتاعته وكفاءتها. راح للسجلات القديمة رجع لغاية سنة 1820.

 

وبعد كده قال لك انا درست بقى الناس الكبار في الاسواق المال والمتلاعبين في اسواق المال زي (جولد دانيال درو كومودور فيندر بيلد) دول ناس يعني سبقوه في الموضوع ده والناس التانية المهمة يعني بعد كده قال ان مستر هاريمان ده بقى برضه هو ركز عليه قوي قال لك ده اهم واحد فيهم. ده استخدم الدورات الزمنية. واستخدم العلاقات ممكن يكون استخدم العلاقات الفلكية. فقال لك هو الراجل ده سواء بعلمه او بدون علمه هو استخدم فعلا الدورات الزمنية دي بالضبط وسماها  قوانين الطبيعة
ممكن تبحث عن مستر هاريمن ده برضو علي جوجل ركز عليه جان  قال لك الراجل ده فعلا استخدم الطرق بتاعتي بالضبط  سواء بقى عن علم او جت معاه صدفة بس هو قال لك هو الراجل ده اكتر واحد فيهم كان ماستر في الكلام ده.

وقال ان في قوانين معينة بتحكم حركة الاسهم وقيمة الاسهم والتحرك بتاع الاسهم وقيمتها بالضبط يعني في حاجات زي قوانين دورية او زي ما بيقول قوانين دورية بتتكرر باستمرار هي سبب هذه الحركةتمام?

وقال لك ان بالدراسة بيحصل في الأسواق  يعني في أزمنة لنشاط الاسهم او الحركة بتلاقي ان الحركة فيها نشاط  وسيولة عالية جدا وفي اوقات تانية بتلاقي ان الاسهم متوقفة تماما وما فيهاش اي نشاط. يعني واقفة خالص فقال لك ان هو ده اكتشفها عن طريق برضه تطبيق قوانين الطبيعة بتاعته.

التنبؤ بالمستقبل ورواية جان TTTA

طيب تعال نختم برضه من مصدر مختلف الرواية الشهيرة بتاعة جان The Tunnel Throw The Air  اللي قال لك ان هي فيها السر بتاعه قال لك ايه طيب في الرواية دي ؟ تعال ندخل على الشابتر اللي هو  التوقع اوالتنبؤ بالمستقبل.
في الشابتر ده جان بيقول ازاي انا بتوقع المستقبل؟ ممكن تسألني؟. تمام يقول لك عشان اتوقع المستقبل لازم تبدأ صح يعني لو احنا عندنا البداية الصحيحة هتوصل للنهاية الصحيحة فخلي بالك بيقول لك عشان تدرس المستقبل لازم تبدأ صح. تبدأ صح يعني ايه? تبدأ في الماضي صح  نقطة البداية بتاعتك مهمة. تمام

لو احنا عارفين المسبب بتاع الحركة أو بمعنى ان التأثير اللي قدامنا لحركة الشموع قدامنا دي عبارة عن النتيجة مش هي المسبب لما تلاقي مرة واحدة كده في مثل هبوط وبعد كده صعود .. الصعود ده كله مثلا ده عبارة عن ده الايفكت تمام

طيب ايه الكوز? الكوز حاجة تاني المسبب للحركة دي لا ادرسه عشان توصل  لو انت عرفت الكوزده هتعرف تتوقع الحركة القادمة اللي هتحصل كل مرة هتعرفها. كل ما يحصل الصعود ده هتعرفه قبلها ان هيحصل هنا صعود او هبوط والكلام ده متكرر باستمرار تمام? ف
الرابط الفلكي بمعنى اصح يعني زي مامستر فرانك كان بيقول لك ان هنا هيحصل زلزال بسبب ان هو شاهد فوق في الدائرة الفلكية موجودة فيه حاجة معينة وبص على الارض برضو شاف ان فيه تاريخ سابق للزلازل هنا فقال لك هنا هيحصل زلزال وهنا هيحصل زلزال وفي المستقبل بعد عشر سنين هيحصل ايه وهكذا. معك البداية الصحيحة هتتوقع المستقبل

 

 يعني بيدور غالبا عن الأسباب للحركة  لو انا وجدت سبب معين. انا ممكن اتوقع على طول المستقبل واكون متأكد جدا ان ده هيحصل هيبقى لو انا وصلت للماضي يعني درس الماضي لقى ان في مسبب لحركة معينة دورة معينة فاكتور معين في السوق. يبقي انا متأكد ان ده هيحصل في المستقبل وهيبقى في تكرار للحركة دي. وبعد كده قال لك بالبنط العريض كده انا مش هدفي او مش غرضي ان انا اشرح سبب السيكل دي 

 

وعمال يقول لنا cause ايه هو اللي انت بتتكلم عليه ده? هو ما قالش.

. قال لك انا مش هدفي ان انا اشرح لك الكلام ده يعني ايه هو مسبب للدورات الزمنية دي? طب ليه يا عم الحاج? قال عشان العامة الناس غير مستعدين لتقبل هذا الكلام او فهمه او يعتقدوا فيه. يعني زي ما فرانك قال لك بالظبط هتلاقي تشابه بالظبط قال فرانك : ان المجتمع العلمي لا يتقبل الكلام ده وجان قالها قبله من 100 سنة او اكتر ان الناس العامة نفس الكلام غير مستعدين لفهم الكلام ده او يعني مش مستعدين ان هم يصدقوا فيه اصلا ..زي ما انا حتى بنزل في القناة او  الموقع حاجات زي كده بلاقي تعليقات غريبة يعني كالعادة بشوف تعليقات سخيفة

الناس بتقلل من الموضوع ..الموضوع ملوش علاقة اللي انت بتقوله ده بطل دجل وكهانة 😄!! والكلام ده كله تعليقات ظريفة قوي يعني. تمام? عشان كده بقول لك لو انت مهتم يا ريت تعليق ولايك واشتراك في القناه

دي كده خلاصة او ملخص سريع للموضوع وطبعا انت لك حرية الاختيار ايه رأيك في الكلام ده? هل في فعلا علاقة حقيقية بين وضع حركة الكواكب والنجوم اللي هي في السما? وبين ما يحدث من ظواهر على الارض؟  طبعا مش بقول لك ان سبب الزلزال هو الفلك لا طبعا انت كده هتبقى فهمت غلط
الفلك وحركة الكواكب والأجرام السماوية بتبقى دليل ان في حاجة هتحصل في المستقبل لو هي اتربطت بحسابات معينة زي ما احنا بنقول توقع المستقبل في اسواق المال

هل العلاقات الفلكية هي الي بتحرك السعر؟

مش معنى ان فيه حصل علاقة فلكية ان العلاقة دي هي اللي بتحرك السعر? لا طبعا كل شيء بإذن ربنا طبعا. ولكن دي بتديك زي دليل.  لو حصل حاجتين معينين في الوقت ده هيحصل فيه حاجة في المستقبل. لو في اليوم دة انا درست السوق الماركت درسته ان في مثل دعم حصل في الماضي. الدعم ده كان فيه علاقة فلكية حصلت مع الوقت ده. يبقى انا عندي درست الماضي بتاع العملة وحصل قاع درست القاع لقيت فيه حصل حدث فلكي معين. تمام? لو انا في المستقبل بقى جالي نفس النمط الفلكي ونفس الحركة السعرية. يبقى انا ايه المشكلة ان انا اتوقع نفس اللي هيحصل هنا هو اللي هيحصل هنا.

دي الفكرة الماضي والمستقبل. ده ينطبق على كل شيء. الزلازل لو في زلزال ماضي. زي ما مستر فرانك طبعا هو خبير بقى في الموضوع ده اكيد درس الموضوع ده و درس الزلازل وبدأ يشوف مثلا 1910   حصل زلزال وبص على الدائرة الفلكية لقى فيه حدث فلكي معين و سنة 1920 حصل زلزال بنفس الزلزال ونفس الفكرة .

التنبؤ بالمستقبل لجان للظواهر الطبيعية

في دورة معينة في كوز وصل الراجل ده للدورة الزمنية عشان كده بدأ يبقى فيه توقعات صائبة. تمام? الزلازل اي حاجة اي ظاهرة كونية
على فكرة جان كان بيتوقع برضو الفيضانات. فيه فيضانات بتحصل فيه نهر المسيسبي بالطريقة دي كان بيتوقع يشتري او يبيع المحاصيل الزراعية يحصل فيه او فيضان فهياثر طبعا على المحاصيل الزراعية في المنطقة فهيبدا يبني توقعاته في شراء او بيع المحاصيل الزراعية او الحبوب او الكلام ده كله كان منتشر ساعتها في التداول مع الاسهم

فكان فيه فيضانات وكان جان بيتوقعها بسبب برضو نفس الفكرة بالضبط اللي الراجل فرانك بيعمل بها الزلازل. الفيضانات برضه نفس الكلا … يبقى اذا الكلام ده بيطبق على اي شيء في العالم. اي شيء موجود ممكن نعمل فيه نفس الفكرة دي ادرس الماضي واعرف ايه السبب وايه  الدورة الزمنية المتكررة هتتوقع بالمستقبل.
حط الكومنت بتاعك ايه رأيك في الكلام ده كله? هل فعلا الكلام ده حقيقي ولا كل ده صدفة شكرا لكم. والسلام عليكم ورحمة الله وبركاته