هنتكلم في المقالة دي دة عن موضوع مهم جدا في تحليل الشارت وبيتكرر يوميا وهو السلوك السعري وازاي تقرا الشارت .. وهنعرف ايه الخدعة الي بيقع فيها معظم المتداولين في السوق ولو مش اخدنا بالنا منها هتخسر في السوق دة لا محالة
لان السلوك السعري زي النبض بتاع السعر … تابع الفيديو للنهاية لانه مهم جدا ولو فهمته كويس هتقدر تمنع نفسك من خسارات كبيرة في تداولاتك
مشاهدة فيديو المقالة
1-ما هو السلوك السعري في الشارت
بيجيلي اسئلة كتير عن الموضوع ده وهو السلوك السعري والبرايس اكشن لغة السعر هي عبارة عن الشموع كانها بتكلمنا وبتقولنا اشارات مهمة ولو احنا مش اخدنا بالنا منها هنخسر في السوق دة – بغض النظر عن الاستراتيجية الي انت شغال فيها . سواء انت شغال تحليل كلاسيكي او رقمي او موجي دة حاجة اما السلوك السعري دة حاجة تانية , فانت لازم تربط الاتنين ببعض فمش معني انك شغال باستراتيجية او طريقة معينه تهمل السولك السعري الي هو الاساس
اذا لازم تعرف اهمية السلوك السعري في السوق وتتعلم ازاي تقرا الشارت – انا هكلمك في جزئية بسيطة عن السلوك السعري لانه بحر كبير وهقولك علي فكرة ممكن تكون مش واخد بالك منها وعاوزك تدرسها كويس علي الشارت وشوف هل فعلا الكلام دة صح ولا غلط
2-عزم السلوك السعري للحركة
في اكثر من استراتيجية بعملهم حاليا وهجمعهم في كورس كامل ولكن هديك فكرة من الطرق الي انا هتكلم فيها , ببساطة الطريقة دي بتقولك عشان السعر يكمل لو الترند صاعد وعشان يكمل الصعود مينفعش يمشي بنفس الكيفية لما يكون الصعود بشكل ضعيف هل له الاستمرارية انه يكمل في الصعود ؟ طب احتمال كام في المية انه هيكمل ؟ تقريبا اقل من 50%
طب ايه الي ممكن يحصل ؟ في الغالب ان السعر بيحصله دروب او هبوط جامد شمعه او اتنين تقولك ان السعر صاعد تصحيحي وهينزل يضرب قاع جديد , ولكن تفاجيء بعد كدة ان السعر يصعد ويكمل في الترند الصاعد بتاعه
لو انت متوقع ان الترند صاعد بتحليلك الي انت شغال بية اليوت – رقمي او كلاسيكي تلاقي الحركه شموع صاعدة وبعدين تصحيح بسيط وبعدين شموع صاعدة في رينج ضيق مع انه صاعد بس في رينج ضعيف .. ايه الي مفروض اعملة المفروض استني شمعه البانك الشمعه العكسية الي هتوهم المتداولين ان فيه هبوط وغالبا الشمعه دي بتيجي قت الاخبار المهمة زي الفيدرالي واخبار الفائدة والحجات دي .. فتلاجي فجاة شمعه نزلت فانت تتوقع انه كسر ترندات وكسر كل حاجة وان الترند هيبقي هابط لكن تفاجي الصعود لاعلي
فانت لو فهمت الفكرة هنا هتشتري اصلا من الشمعه دي لانها بتكون شمعه وهمية وانت عارف ان الترند صاعد فانت تشتري بعد الحركة دي ..في الحالة الاولي مش يضرب القاع السابق … وفي حالة اخري بيضرب القاع زي ما موضح في الصورة
لما تلاقي السعر صاعد بشكل ضعيف فهو مش هيقدر يكمل صعود بالشكل دة لازم ينزل ياخد العزم للصعود او زي ما بنقول عندنا ( ياخد نفسة ) عشان يقدر يكمل صعود … بينزل يضرب استوبات الناس الي شارية ويجمع عقود جديدة للشراء زي الشكل الموضح في الصورة … يكسر القاع السابق
ينزل يضرب قاع جديد وبعدين يطلع ياخد الترند الصاعد زي ما انت كنت متوقعه .. اول حاجة هو ضرب استوبات للناس الي في السوق ودخل ناس بيع كمان بعد كسر القاع السابق .. لكن هو نزل اخد العزم وصاعد
وخلي بالك الحالتين دول امتي لما انت تحليلك الاساسي ان الترند صاعد بس انت مستني حركه الهبوط الوهمي قبل الترند الصاعد تلاقي شمعه او 2 هابطين كدة تحس انهم شمعه ليموزين وممكن يضرب القاع السابق او مش يضربه عادي
يبقي انت الفكرة هنا عرفتها انك هتشتري بعد الشمعه الهابطة او بعد كسر القاع السابق
3- امثلة حية علي الشارت لفكرة السلوك السعري
هنلاحظ في المثال دة ان الترند الحركه صاعد لكن بشكل ضعيف والشموع عاملة ديول بس ضعيفة .. بنسبة كبيرة مش هيقدر يكمل الحركه الصاعدة الي لما ينزل وياخد العزم الهبوط هتلاحظ في الشارت شمعه ليموزين هابطة مقارنه بالشموع الصاعدة الضعيفة فانت لما تقارنها بالشموع الي قبلها
.. هو هنا اوهم الناس انه هابط بقولة عشان يدخلهم في عمليات بيع ولكن الفاجاه ان بعد الشمعه دي تلاقي صعود واستكمال للترند الصاعد زي ما انت كنت محلل
طبعا انا بأكد الحالة دي لما يكون تحليلك صحيح 100% ومتاكد ان الترند صاعد
زي ما انت شايف ان البرايس اكشن السعر كانه بيكلمك وهي دي لغه الشارت الي بنتواصل بها … بيقول انا مش هقدر اكمل لان الترند الصاعد بيكون شموع قوية صاعدة وبيبقي باين من الحركه بتاعته انه ترند صاعد قوي .. اما لما الترند الصاعد يبدا بحركه ضعيفة تعرف انه في حركه عكسية هتحصل ودي بتبقي عبارة عن ( شمعه اخذ العزم ) لاستكمال الصعود .. وطبعا هي بتحصل في كلتا الحالتين سواء الترند الصاعد او الهابط
مثال اخر توضيح فكرة السلوك السعري علي الشارت
هنلاحظ هنا عندك قاع وهتلاحظ انه طالع برينج حركه ضعيف وبعدين نزل يضرب القاع السابق وعمل قاع جديد يعني في ناس ضرب استوبات لان اغلب المتداولين بيضعوا استوب لوز تحت القاع فدة طبيعي … السوق مش بيتحرك علي لما يضرب استوبات للمتداولين ويخرج الناس من السوق ويوهمهم بحركه عكس ما هما متوقعين .
.. فاول ما تعرف علي طول ان هنا في استوبات فالسوق بيميل انه ينزل يضرب استوبات .. فانت لاحظت كتير لنك لما دخلت صفقات وحطيت استوب تحت القاع فحصلت معاك كتير ان السعر نزل بالملي ضرب استوب وبعدين طلع يكمل صعود تاني
هو مش عاوز يخسرك انت .. هو دة اسمه سلوك القطيع لان اغلب المتداولين بيفكرو كدة بالضبط في وضع استوب لوز بتاعهم تحت اخر قاع .. هتلاقي بقي الناس Smart Money عاملين اوردرات شراء من القاع دة ودول الناس الاقلية في السوق والي بيكسبوا باستمرار
