في سلسلسه المقالات دي هنتكلم عن كتاب او ملخص لكورس Trading to win صاحب الكتاب اسمه بريس جيلمور. طبعا الراجل ده كان بيتداول في الفيوتشر بنهاية 1980-1990 في الفترة دي يعني. كان بيشتغل في sp500 ولكن طبعا هو عمل اكتر من كتاب يعني منهم الكتاب دة اللي هو عبارة عن زي كورس كده بيتكلم فيه عن الأدوات بتاعته اللي هو اشتغل فيها في الفيوتشر.
👇لمشاهدة فيديو هذه المقالة اضغط هنا 👇
مقدمة عن الكاتب بريس جيلمور.
كان بيشتغل مضارب يومي ولكن ما فيش مانع ان احنا نتعلم او نشوف الفكرة بتاعة الادوات بتاعته نلخصها ونشوف ايه اللي يفيدنا في الاسواق بتاعتنا احنا زي الكريبتو او الاسهم او العملات> فانا شايف الكتاب ده كويس جدا يعني انا قراته من فترة كبيرة ولكن مفيش مانع ان ممكن الخصه لو في طلب او في ناس من المتابعين عايزين نكمل في الموضوع ده فدة اول جزء في السلسلة طبعا ده الكاتب اللي هو بريس جيلمور فبيتكلم في بداية الكتاب عن بدأ ازاي والتاريخ اللي هو بدأ فيه
وازاي دخل في التداول بالصدفة مفيش مانع ان طبعا ممكن تقرا الكتاب لو كتبت اسم الكتاب في جوجل هتلاقيه موجود يعني ممكن تحمله وتلقي نظرة عليه
وعندنا المحتوي بتاع الكورس ده في البداية في مقدمة. بعد كده هيخش على المواضيع دي 50% هتكلم فيها الناحية المهمة بتاعته. تمام? وهكذا. ده المحتوى بتاعه هنحاول نلخص اهم الادوات اللي احنا ممكن نشتغل بها في الاسواق بتاعتنا طبعا ده تكملة المحتوى الجزء التاني هو الراجل ده اشتغل بحاجات كتير يعني هتلاقي عندك كتب لجان وعنده لاليوت
الراجل ده يعتبر اشتغل زينا محلل او متداول زيينا فبدأ يدرس للناس دي كلها واشتغل فيبوناتشي وطرق جان وموجات اليوت وهكذا.. فيعني يعتبر زينا يعني واحد متداول زينا وبيحكي ايه قصة حياته بدأ ازاي وازاي هو بقى عندو طريقة معينة يشتغل بها في السوق.
طريقة Lines in The Sand (LIS) لبريس جيلمور
طيب هنتكلم عن اول جزئية من الحالات المهمة اللي هو اتكلم فيها واللي هي حاجة اسمها Lines in the sand او خط في الرملة يعني ده الترجمة الحرفية بتاعتها بس ايه معنى اللي هو بيقوله. هو بيقول بكل بساطة
انت هتخش على فريم ربع ساعة وده الفريم اللي هو بيشتغل به. طبعا بيشتغل على الفريمات الصغيرة. يعني الدقيقة الخمس دقايق والربع ساعة تبدأ تشوف ان السعر بيبدأ يعمل دعم او مقاومة واضحة خلال مدى من يومين لتلات ايام. تبدأ تحدد الخط ده وتسميه او مسميه. يعني مثلا هو بدأ يحدد الخط ده من هنا خلال يومين لتلات ايام سابقين لان .. هو بيشتغل بشكل يومي يعني كل يوم بيفتح فريم الربع ساعة ويبدأ يشتغل عليه. فبيشوف اليومين اللي فاتوا او التلات ايام اللي فاتوا هل في خط ولا لا?
ادي المثال ده مثلا ده خط حدده هنا الخط الاول في ببساطة حصل مقاومة. تمام? مرة هنا ومرة التانية فحط الخط ده. الخط ده هيجي بعد كده السعر يعني ممكن يخترق لاعلى ويصعد. ممكن ينزل له تاني وهكذا يتحرك يعني يتمحور حوالين الخط ده. ولكن هيدي له فرص معينة في مستقبله
طبعا هو بيشتغل بأكثر من اسلوب ولكن يعني هوضح لك ايه فكرة الخط ده لوحده. هو زي خط دعم مقاومة عادي جدا. تمام? ولكن هو بيشتغل على الربع ساعة ممكن تشتغل الفريمات الكبيرة مفيش مشكلة يعني ولكن بالنسبة الموضوع بتاعنا ان هو كمضاربة يومية فهو بيحطه على فريم ربع ساعة ويبدأ يشوف تعامل السعر مع الخط ده عامل ازاي بعد كده في منطقة الدخول بتاعته فده موضوع Lines in the sand
برضو كمثال اللي هو عمله حصل هنا قمة. طبعا الخط كان هنا. بيتكون من هنا من اول مقاومة دي. وبدأ يرسم الخط. تمام? السعر جاء له تاني وعمل ارتداد لاعلى وبعد كده بدأ يكسر الخط ده للاسفل وبدأ النزول. تمام. بدأ السعر بعد كده ايه? وهو طالع هنتكلم على قاعدة بعد كده اسمها 1:1 طبعا هي بتحصل لان هو ينتظر ان السعر يطلع قيمة معينة وليكن مثلا 10 نقاط
فدي النسبة واحد وينزل تصحيح فيطلع 10 نقاط تاني فدي نسبة اتنين 1:1 فهو بيستنى منطقة البيع بتاعته ان هو يبيع عند الخط كان المثال ده يعني بتاعته هنا لما يكون السعر طالع تصحيح 1:1 يعني لو طلع هنا 10 يبقى يطلع هنا 10 بنفس القيمة يعني نفس المقاس ده لو انت قست المقاس من اول موجة صاعدة بعدها تصحيح الموجة الصغرى التانية لازم تكون مساوية للموجة الاولي وفي نفس الوقت لما يوصل للخط يبقى ده منطقة TP بتاعته يعني هو شاري من هنا هيدخل هنا بيع. والعكس لو هو عايز يبيع من هنا يبدأ يخش عملية البيع من هنا. من عند النقطة دي. لان النقطة دي متفق معها موضوع اللي هو الخط القديم ده اللي انت ممكن تهمله مش تركز معه. ولكن هو هيبقى في تأثير مهم جدا في السوق
في نفس الوقت اللي هو طالع بالنسبة 1:1 فدي هتبقى تاكيد بالنسبة له بعد كده. في كمان تأكيد تاني برضه الراجل اشتغل به هو اشتغل بنسب فيبوناتشي . يعني ممكن ترسم فيبوناتشي من القمة اللي حصلت للقاع. شوف لو النسبة هنا متوافقة مع 50%. فدي اشارة تأكيدية اخرى ان المنطقة دي منطقة دخول مهمة جدا في السوق. انت دمجت تلات ادوات lines the sand 50% فيبو وبالنسبة للصعود ان الصعود ده صاعد تساوي للموجة
طبعا لو طبقنا الفكرة بتاعته على السوق عند مثال توضيحي برضو للفكرة على على الذهب فريم ربع ساعة بدأ يعمل هنا ده LITS بدأنا نرسمه من عند النقطة دي ماشي وبدأ السعر يخترق الخط ده ويصعد. طبعا يهمنا بعد كده في النزلة الجاية. يعني بعد الخط ده ممكن الناس تمسحه مش تهتم به على كده. ولكن السوق لسة فعال
عند الخط هنا لما جاله تاني بدأ يعمل ارتدادات كمضاربة طبعا احنا بنتكلم عن ربع ساعة يعني دي كام شمعة دي يعتبر مضاربة جيدة جدا عند الخط ده بس طبعا خلي بالك ان في طرق تانية في الموضوع ان انت زي ما قلت لك بترسم فيبو من القاع للقمة لو جت عند 50% مطابقة للخط ده فتبقى منطقة دخول كويسة بالنسبة لبريس جيلمور كان بيشتغل بالاسلوب ده اكثر من اسلوب احنا بنتكلم بس النهاردة هنركز على موضوع ده
طبعا هنا برضه مثال تاني على سهم تسلا في السوق الامريكي. نفس الفكرة LISبدأ يتكون هنا. بدأ يخترقه يهمنا ان هو بعد ما السعر بعد عنه واتنسي خالص لا بينزل تاني. بيبقى في احترام في الخط ده بعد كده. وتلاحظ ان الهبوط ده متوافق مع الموضوع 1:1 او التشابه بين الموجة يعني الموجة الهابطة دي لو نازل مثلا عشر نقط فلازم النزول ده يكون برضو عشر نقط فمعنى كده ان في 1:1 نسبة تساوي بين الاتنين ولو رسمت طبعا نسب فيبو في من القاع الى القمة فممكن يكون في تصحيح 50 %عند المنطقة دي فالمنطقة اللي هتبقى منطقة كلاستر كويسة كمضاربة علي فريم الربع ساعة برضو فدي الفكرة اللي اتكلم فيها في بريس جيلمور الموضوع ده.
استراتيجية الكسر الكاذب False Breakout لبريس جيلمور
طبعا هنتكلم في برضه مثال تاني شارت تاني هنا. حاجة اسمها الكسر الكاذب احد الطرق المضاربة المهمة لبريس جيلمور انه بدا يرسم هنا LISهو الاختصار بتاعه. هل في هبوط في السوق? بعد كده بدأ يعمل قمه وبعد كده ينزل. بدأ يرسم الخط بتاعه هنا. وبدأ يشوف تعامل السعر في المنطقة دي عامل ازاي.
قال لك ان لو انت اشتريت من هنا انه عمل كسر الكاذب اللي هو عمل قمة وبعد كده حصل هنا False break out لو انت اشتريت من هنا وعمل لك الكسر الكاذب وبدأ النزول تمام? فالمنطقة دي برضو يعتبر منطقة شراء لانه LIS اللي احنا اتكلمنا فيه. تمام? فقال لك انت لو كسر خط LIS وعمل النموذج دا النموزج اللي هو مسميه False break out يبقى إذا هتدخل منطقة بيع لان هيكون فيه ترند قوي بعد كده خلال اليوم
ولو كسر موضوع LIS ده فمعنى كده ان حصل كسر كاذب. النموذج ده كله على بعضه مسميه كده False breakout ويبدأ يخش بيع بيخرج من الشراء ويبدأ يعكس العملية للبيع لان هيبقى في تريند خلال اليوم هابط بعد كده.
ودي احد الافكار بتاعته طبعا في اساليب تانية لسة هنتكلم فيها ان شاء الله. فده الاسلوب بالذات اللي هو بيتبعه ان هو في المضاربة يشتغل بالخط اللي هو الدعم والمقاومة ده. بالإضافة لشوية نماذج تانية
طبعا دي الفكرة في الموضوع بيقول لك ان خلي بالك ان الخط ده ممكن يبقى واضح جدا للجميع بعد فترة من الزمن يعني مثلا انت رسمت الخط من هنا بدأ السعر يتحرك حواليه بشكل كبير جدا فاعرف ان هو كده اصبح الموضوع واضح وبيعمل نكسات متتالية زي ما هو بيقول لك. وطبعا الموضوع لما بيوضع فيبدأ الخط يقل قيمته. يعني خلي بالك ان كل شيء يكون واضح للجميع المتداولين. فتبدأ قوته تقل بعكس اول مرة لما يكون يحصل زي ما اتكلمنا في المثال اللي قبل كده
قاعدة overbalancing Rule :
لو هنتكلم عن موضوع overbalancing Rule اللي اتكلم فيها برضو في الكتاب. فالموضوع او القاعدة دي ببساطة هو بيتكلم عن ايه. لوعندك تريند هابط بالشكل ده وحصل اول تصحيح لاعلي التصحيح اللي هيحصل بعد كده. تاني تصحيح هيحصل لازم يكون بيساوي للتصحيح السابق.
يبقى لازم يكون مساوي او اقل كمان. ما ينفعش يكون اعلى. يبقى عشان التريند يستمر في الهبوط بالنسبة لبريس جيلمور بيقول ان لو الترند ده ما زال هابط وفعال فلازم التصحيح رقم اتنين ده يساوي التصحيح رقم واحد او اقل يعني لو التصحيح الصعود ده مثلا 10نقط يبقى الصعود ده 10 نقط لو عشرة دولار يبقى ده عشرة دولار وهكذا او اقل ممكن ده 9 او 8
نفس الموضوع لو الترند صاعد لو اول تصحيح مثلا حصل فيه هبوط X فلازم التصحيح اللي بعد كده يبقى بنفس القيمة او اقل اكس او اقل منها بشوية. ليه? طبعا هيوضح الموضوع بعد كده قصده ايه من الموضوع ولكن هو قصده ان التريند ما زال فعال لو التصحيح ده ما زال فعال بيساوي الموجة السابقة او اقل منها فمعنى كده ما زال التريند قوي ممكن يكمل بعد كده لو حصل اكتر من كده التصحيح خد شكل اكبر شوية ففكرة بريس جيلمور بيقولك لأ ممكن يحصل انعكاس التريند مش هيكمل بعد كده
وطبعا هنا بيوضح الفكرة بتاعته لو انت عندك تريند هابط من القمة بدأ نزول النقطة A تمام? وبعد كده بدأ التصحيح AB فقال لك لو انت بايع من عند النقطة B دي فهدفك هيبقى مساوي XA. يعني المقاس بتاع XA اول موجة هابطة. بيقيسها ويبدأ يعمل لها اسقاط عند النقطة B دي يبقى الهبوط ده هيساوي الهبوط ده. نقطة الTP بتاعته بالنسبة له اللي 1:1 . دي على طول هدف دائم بالنسبة له
ان لو سعر نزل هبوط بمقدار معين وصحح فالهبوط التاني بيعمل الهدف بتاعه بنفس الهبوط الاول. نفس القياس بيقيس النسبة دي كلها وبيعمل لها اسقاط للامام يكون هو ده هدف البيع بتاعه تمام. نفس الفكرة لو انت بصيت على التصحيح تصحيح ايه بي ده? ماشي? ده اول تصحيح حصل في الموجة
فالتصحيح التاني هو برضو بيعتمد ان التصحيح التاني لازم يكون مساوي للتصحيح اللي فات او اقل عشان يأكد ان الترند ما زال هابط. تمام? هنا يبقى اذا Ab=CDبدأ الهبوط بعد كده حصل التصحيح التالت طبعا نفس الفكرة لازم يكون مساوي ما حصلش التساوي هنا بقى حصل حاجة اسمها Over balance يعني شايف الخط الاحمر دوت كل ده متساوي هنا بدأ السعر يبقى يصحح بشكل اكبر شوية فهنا قال لك ان التصحيح ده اصبح من الدرجة الاكبر فسماه واحد. طبعا اللي فاهم موجات اليوت برضه ممكن ياخد فكرة عن الموضوع. فالتصحيح ما عدش تصحيح صغير داخلي. لا اصبح تصحيح درجة اكبر. الموجات الداخلية الصغيرة دي متساوية. لأ هنا الموجة دي مش متساوية اكبر. فمعنى كده ان احنا دخلنا بدرجة اكبر من التصحيح.
لحد هنا انتهي الجزء الاول من المقاله ونستكمل الجزء الثاني باذن الله
