في سلسلسه المقالات دي هنتكلم عن كتاب او ملخص لكورس Trading to win صاحب الكتاب اسمه بريس جيلمور. طبعا الراجل ده كان بيتداول في الفيوتشر بنهاية 1980-1990 في الفترة دي يعني. كان بيشتغل في sp500 ولكن طبعا هو عمل اكتر من كتاب يعني منهم الكتاب دة اللي هو عبارة عن زي كورس كده بيتكلم فيه عن الأدوات بتاعته اللي هو اشتغل فيها في الفيوتشر.
👇لمشاهدة فيديو هذه المقالة اضغط هنا 👇
اهلا بيك في الجزء الرابع هنكمل في سلسلة لكورس بريس جيلمر المضاربة اليومية لو مشوفتش الجزء الثالث دوس هنا
قاعدة ال50% :
وهي عباره عن نسبه تصحيح 50% فيبوناتشي بيعملها علي اخر يومين او 3 ايام عمل وسماها (نقطة اتزان) لانها تعتبر نقطه مهمه وكل المتداولين بيتابعوها.
وبريس جيلمور عندة قاعدة مهمه بيقولك لو السوق بيتداول 2/3 النسبه دي يبقي يعتبر الترند صاعد ولو السعر بيتداول تحت 2/3 دة يعتبر ترند هابط .
هنلاحظ في المثال دة رسم نسبه 50% علي اخر 3 ايام سابقين وهيبدا يتاب الخط دة لما السعر ينزله لانه دة يعتبر اقرب دعم او عملية دخول محتمله بناء علي الطرق بتاعته
هنلاحظ برضه في المثال دة لو الترند هابط رسم من القمة الي القاع علي اخر 3 ايام وبدا يرسم نسبة ال50% فيبو ولو السعر تحت المستوي دة فمازال في ترند هابط ولما وصل السعر اعلي المستوي دا يبقي احنا دخلنا في ترند صاعد فهيبدا يركز في عمليات الشراء فقط
هنا برضه مثال تاني علي نفس الفكرة رسم فيبو علي اخر 3 ايام من القاع الي القمة وحدد نسبه 38.2 و 50 وقال بريس جيلمور طالما السعر فوق نسبه ال50 فهو في صعود وبيركز فقط علي عمليات الشراء . وقال لو حصل اي كسر يبدا انعكاس للاتجاه ويبدا يفكر في فرص البيع
خلاصة بريس جيلمور في الامثلة الي فاتت
نسبه ال50% دي جميع المتداولين المحترفين بيراقبوها فلازم انت تمشي معاهم وتشتغل زيهم سواء كان بريك اوت او ارتداد عشان تمشي بنفس النمط بتاعهم وتحقق ارباح من السوق
Overbalancing Rule:
بيقولك لو عندك ترند هابط وحصل او تصحيح وتبدا تقيس اول مسافة صححها وحصل هبوط تاني فيعتبر نسبه التصحيح التانية بالنسبة له لو كانت بتساوي لنفس المسافة الاولي او اقل فالترند مازال هابط
والعكس صحيح برضه في الترند الصاعد ودي الفكرة بتاعته بكل بساطة وبيطلق عليها نسبه (1:1)
لوالترند هابط في نقطة X وطلع AB تصحيح فيعتبر نقطه CD (التصحيح التاني ) لازم يكون = AB
بعد كدة حصل هبوط تاني التصحيح الي بعده كان اكبر من AB و CD معني كدة الترند ممكن يكمل هبوط لكن بنمط مختلف شوية . وهنلاحظ ان موجه 1 هتساوي مع موجة 3
ومعني ان التصحيح زاد عن النسبه الي انت قايسها يبقي دخلت في درجه اكبر فالتصحيح من 1الي 2 فكله عبارة عن درجة واحدة = التصحيح الي جاي بعد كدة . يعني ال3لما تروح الي 4 هتعرف ان الموجتين بنفس القياس . موجة1الي 2 لو كانت 100 نقطة يبقي هتقيس موجه 3الي 4 هتكون نفس المسافة او اقل
تحديد المستهدفات بالنسبة لبريس جيلمور في التداول
بيتكلم هنا في تحديد المستهدفات (target) بيمشي نسبه 1:1 لو انت داخل شراء من نقطة C بيبدا يقيس الموجة نفسها AB ويبدا يعمل اسقاط لنفس المقاس دة لاعلي ودة تارجت الشراء بتاعه
يعني لو AB=50 نقطة فهيخرج علي 50 نقطة من CD . ونفس الفكرة برضه في الترند الهابط لان السوق نفسه بيميل انه يمشي في موجات متساوية
بياكد بريس جيلمور علي قاعده 1:1 لان السوق لو وصل لمنطقة الاتزان السعر ممكن يخترقها ويكمل لو الترند صاعد فدة هيعطيك اشاره انك تركز فقط في عمليات الشراء .الشيء التاني انه ممكن يوصل لنطقة الاتزان دي ويتوقف عندها تماما فمعني كدة ان دة تريند ضعيف ومش هيكمل (فدة يعتبر تارجت في كلتا الحالتين لو هيكمل التريند او هيتوقف ويعمل تصحيح)
ربط القاعدتين مع بعض في سيستم بريس جيلمور
هنا هيبدا يربط قاعدة ال50% وقاعدة 1:1 ودة يعتبر احد سيستم التداول
في المثال دة ترند هابط حدد منه ال50% او نصف المسافة يبقي دة خط البيع بتاعك . وهتدمجها مع نسبه 1:1 السعر لما طلع موجه A نزل B وطلع موجة C وهتقيس المسافة اول موجه غالبا عدد النقاط هيساوي نفس الموجة C وعند المنطقه دي هتبقي نطقة البيع المثالي .. والعكس صحيح في عمليه الشراء
1:1 Correction Failure:
السعر هنا مش بيكمل بعد التصحيح 1:1 بيديك عملية عكسية بيع زي محنا شايفين في المثال دة الترند كان صاعد وبدا السعر ينزل في نسبه 1:1 وبدأ يرتد طبعا احنا هنتوقع انه هيطلع يضرب قمة جديدة ولكن هنلاحظ السعر مقدرش يعمل قمة جديدة وبدا يتذبذب ويضرب القاع تاني قا ع 1:1 ودي عليطول بتبقي عملية عكسية بيع تحت قاع 1:1 … ودي يعتبر فكره مهمة جدا من افكار بريس جيلمور في التداول اليومي
مثال اخر
هنا نفس الفكرة برضه بعد عمل التصحيح 1:1 بدا يقيس المسافة الصاعدة وبدا يعمله اسقاط انه يحدد المستهدف ولكن السعر مقدرش يكمل وتوقف في المنتصف فقالك دي اشاره علي ضعف الاتجاة وللتاكيد اكثر لازم يكسر قاع 1:1 وبعد الكسر دة هيديك فرصة بيع بهدف انعكاس في الاتجاة وان الترند الصاعد مش هيكمل وهيبقي فيه هبوط بعد كدة
مؤشرات بريس جيلمور المساعدة في التداول :
بيتكلم بريس جيلمور هنا عن مؤشرين ممكن يستخدمهم بريس جيلمور في التداول
1- الاستوكاستيك (مؤشر تشبع) لو فية over bought او over sold بياخدها كاشارة تاكيدية مع عمليات البيع والشراء
2-ِADX
هنا مثال توضيحي للفكرة كلها.عندك صعود بالشكل ودة وبداخله تصحيحات داخلية قيمتها 3.2 نقطة بعد كدة بدا السعر يصعد وعمل قمة جديدة وبعد كدة بدا النزول وهنا هنلاحظ حاجة غريبة انه بدا التصحيح 4.2 وقولنا اول اما نلاقي التصحيح بيزيد يبدا دي بداية تغيير في اتجاه الترند بس امتا نتاكد؟؟ لما يكسر منطقة Overbalance وبالفعل حصل الكسر ودي كانت اول عملية بيع وكان فيه كمان نموذج راس وكتفين متكون
