هنتكلم في المقالة دي دة عن شارتات جان والي اتكلم عليها كثير جان في الكتب بتاعته زي المربع التسعة Square 9 و Hexagon ودائرة ال 24
1-رسومات جان تشارت Master Chart
دي الي جان اتكلم عليها في الكتب بتاعته والرسومات الي انت هتلاقيها في الكتب بتاعت جان زي مربع التسعه او الهيكساجون ودائرة ال24 .. .. ودي دائرة ال24 كان بيستخدمها لتحليل شارتات الحبوب وخلي بالك زي ما قلنا ان جان كان بيشتغل في الفترة بتاعته في الاسهم والغلة والحبوب مثل القمح والقطن والقهوة وهذة الاشياء مش كان فيه طبعا عملات والكلام دة كله زي دلوقتي , لكن نفس المباديء واحدة بتنطبق علي كل شيء في الوقت الحالي مثل الكريبتو والفوركس والاسهم الي موجودة حاليا
لكن في فترة جان لازم يكون عندك خلفية عن طريقة تفكير ه ان اغلب الشغل كان علي السلع والمحاصيل الزراعية . جان كان بيحاول يرسم شارتات مناسبة لكل حاجة . يعني مثلا القطن عشاوز يعمل شارت يديله مناطق الدعم والمقاومة للقطن فيبدا يرسم دائرة ال24 ويبدا يحط الارقام وبيمشي بتسلسل معني علي اساس ان السوق هيمشي مع الاتجاه اليومي في السلسلة الي هو عاملها من الارقام دي لان في اعتقادة ان السوق يسير في دورات مستمرة علي شكل دائرة ( سواء مربع التسعه او دائرة ال24 ) اي شكل هندسي هنلاحظ انه بيرسمة داخل دائرة.
لانه جان كان دائما يتوقع ان السوق بيسير بشكل دائري مثل السنن الكونية نقطة بداية ونقطة نهاية ويبدا الموضوع يتكرر… هنلاحظ في الحدود الخارجية للدائرة مرقم الدرجات زي المنقلة .. بدا من الصفر لحد ما عمل دورة كاملة ورجع الي 360 …
شكل اخر لدائرة ال 24 .. احيانا بيغير فيها حجات زي ان الرسمة دي تخلص خلال اليوم حسب الفريم الي شغال علية
هنلاحظ انه عمل التوقيت الخارجي للدائرة بالساعات وليس زوايا .. ويبدا يعمل الدعوم المقاومات فانت تقدر تطوع الرسومات دي زي ما انت عاوز تخليها علي سنه او من خلال فريمات الصغيره زي اليوم وال4 ساعات مثلا
شكل لمربع التسعه المتعارف عليه
2-شارتات من برنامج Optuma
انت ممكن تشتغل بالمربع فقط بدون الدائرة الخارجية .. وممكن حد يسال ايه علاقة الكواكب بمربع التسعه ؟ الاجابة ببساطة ان الفلك بالنسبة لجان وان السماء والارض مرأه لبعض فلو ربطت الاسعار الي هي مربع التسعه والسماء الي هي الكواكب فانت يعتبر عملت الالة الحاسبة المتكاملة للسوق .. يعني السما الي هي الكواكب وطابقتها علي الارض الي هي مربع التسعه ..
هنعمل علامة علي 31 اغسطس تاريخ اليوم – معني كدة ان الارقام الي بتمر علي المربع مهمة جدا ومنوقع يحصل عندها قمة او قاع في السوق بغض النظر عن السهم الي شغال فية
يعني الارقام الي بتسير في هذا المحور مهمة جدا علي مربع التسعة
طبعا الارقام الي علي المحور هي الارقام الرئيسية او المستهدفات للسهم دة بالنسبة لفكرة مربع التسعة- طبعا الموضوع مش بالبساطة دي او السهولة دي . في معادلات كتيرة جدا وربط الدورات الفلكية بمربع التسعة
3- مثال علي نفس الفكرة
لانه كان بيحول الدرجة الفلكية للكواكب الي مربع التسعه .. كمثال الزمن 3/3/2024 .. هتلاقي ميركوري درجته 347 بكرة ممكن يروح 348 وهكذا بيتحرك كل يوم بعدد معين من الدرجات .. الشمس 343 درجة فانت لو عندك اي تقويم فلكي علي الانترنت لو عاوز تشوف درجة اي كوكب هتلاقيها موجودة لان الحجات دي زي ما قلنا معادلات ثابته ومتكررة
هل دي فيها سر ؟ لا عادي دي اي حد يعرفها . لكن السر ان جان ربط الموضوع دة علي المربع جان ربط الفلك بالهندسة لان الارقام دي عبارة عن حسابات رقمية ووصلت خط بين درجة الشمس الي هي 343 بين السنتر وعملي خط افقي واحلل سهم معين ولو لمس سعر في نفس اليوم هيبقي رقم مهم .. قد يكون 31 .. 57 .. 91 وهكذا …
جان كان بيحول الدرجات الفلكية الي اسعار علي مربع التسعة او علي الشكل السداسي او اي شارت هو عاملة … اذا الكواكب ممكن تضع علي الدرجات بتاعتها داخل مربع التسعة … ممكن تبتكر طرق كتير بالاسلوب دة وجان ابدع كثيرا في هذا الاسلوب .. قدر يطلع استراتيجيات قابلة للعمل علي السوق .. جزء التداول مختلف عن التحليل واغلب الي موجود ناس جايبه طرق نظرية عن جان لكن المشكلة انها غير قادرين علي التطبيق علي الشارت
4-فكرة جان في ربط السعر بالزمن
كان ربط السعر بالزمن ودة السر بتاع شارتات وليام وحاول ربط المحور الزمني مع المحور السعري عشان يبتكر ويطلع فرص من السوق ويتوقع بالمستقبل في مناطق معينه هيحصل عندها أنعكاس .. لان مربع ال9 مش مجرد ارقام علي الشارت وانت انت تجرب فقط بالارقام بس مش هي الطريقة السليمة لان في ناس بتشتغل بالارقام بس والاله الحاسبة .. هي كويسة ولكن مش هي دي الطريقة الكاملة .. الطريقة الكاملة له هي حاجتين ( السعر والزمن ) ..
انت لو استخدمت فقط السعر انت كدة في عامل مهم انت مش اخدته في الاعتبار الي هو الزمن وفي ناس كتير بتخسر بطرق جان لانها مش رابطة طرقه بالشكل الصحيح … جان نفسة اشتغل بالاتنين مع بعض فاكيد مش هتتوقع نفس النتائج طبعا .. اي نعم مربع التسعه طريقة قوية
طبعا عاملين كورس كامل مجاني وشارح كل شيء بالتفصيل والالة الحاسبة
كل دي معادلة عملناها في داخل البرنامج او الاله الحاسبة البسيطة دي .. نضع فاكتور زاوية 360 = 2 ونقول احسب هيجيلك الرقم الي بعدة 25 و 49 و 81 .. يعني معادلة معروفة وليست عشوائية . معادلة جان في تحرك مربع التسعه ان كل رقم بيزيد للدورة الي بعدة بمعامل الزاوية , زاوية 360 المعامل بتاعها 2 ..
طب انا عاوز اجيب الزاوية 180 يبقي اضع فاكتور 1 يبقي 16 طب عاوز اتحرك 180 درجة كمان هتبقي 25 وهكذا …
اذا مربع التسعه وجميع شارتات جان بعد كدة هي هي نفس الفكرة ولكن لان جان بيحاول يوصل لان كل سهم فيه فكرة معينه فجان كان بيجرب علي كل شيء مربع التسعه والهيكساجون ..
هيكساجون شارت
وانت ممكن تتحكم في الزمن قد يكون الزمن خلال الكواكب او الايام وتبدا تحط ال24 ساعه علي الشارت لو انت عاوز تحلل اليوم لان الاشكال دي كلها دائرية فهتنفع مع كل حاجة لان المربع دة مرسوم بداخل دائرة فانت بتتحكم في الزمن او كواكب وتحسب بالدرجات الفلكية وهكذا …
5-الخلاصة
جميع شارتات جان غرضها ربط السعر بالزمن بطريقة هندسية ورقمية وفلكية كونك انك انت تستخدم حاجة واحدة عن التانية دي حاجة ترجعلك انت .. انك تستخدم مربع التسعه فقط .. شايفها شغالة معاك تمام خلاص اكمل بها … واحد تاني يقول لا انا عاوز اشتغل بالسعر والزمن واربط الاتنين ببعض زي ما كان بيعمل.. جميل , وفي حد تاني ممكن يشتغل بالزمن فقط ويترك السعر ودة غلط .. لازم تشتغل الاتنين مع بعض لان الزمن مهم والسعر كمان مهم والقوة كلها تكمن في ربط الزمن بالسعر زي ما كان جان بيعمل طبعا
