بريس جيلمور
Spread the love

في سلسلسه المقالات دي هنتكلم عن كتاب او ملخص لكورس Trading to win صاحب الكتاب اسمه بريس جيلمور. طبعا الراجل ده كان بيتداول في الفيوتشر بنهاية 1980-1990 في الفترة دي يعني. كان بيشتغل في sp500 ولكن طبعا هو عمل اكتر من كتاب يعني منهم الكتاب دة اللي هو عبارة عن زي كورس كده بيتكلم فيه عن الأدوات بتاعته اللي هو اشتغل فيها في الفيوتشر.

👇لمشاهدة فيديو هذه المقالة اضغط هنا 👇

اهلا بيك في الجزء الثاني هنكمل في سلسلة لكورس بريس جيلمر المضاربة اليومية  لو مشوفتش الجزء الاول دوس هنا
اول حاجة في المقدمة بتاعته نظرة سريعة كده على الكلام اللي هو بيتبناه في التداول بتاعه الكلام النظري مهم جدا برضه عشان نعرف التفكير بتاع الشخص ده كان ماشي ازاي. في المقدمة بيقول لك إن أهم الاخطاء الموجودة في اغلب كتب التعليم التداول ان هم يعني مش بيهتموا بالسوق ان هو كأنه كائن حي يعني بيقول لك ان السوق اعتبره كأنه كائن حي او زي الانسان يعني وله سلوك معين بتدرسه.

تعامل مع السوق كانه كائن حي

كتاب بريس جيلمور

وبيقول بريس جيلمور ان الماركت اشياء كأنها حية يعني زي الكائن الحي  بمعنى ان انت لازم يكون عندك خلفية اللي بيحصل في الحياة ايه? يعني الاخبار والحاجات اللي بتحصل في العالم بيبقى لها تأثير على السوق فمينفعش  نهملها تمام? فلازم ما تكونش زي الكتب اللي هي بتتكلم عن التحليل الفني تختص فقط بالتحليل الفني وبتهمل الجزء الموجود في العالم يعني الاخبار العالمية والأحداث العالمية بتأثر بشكل طبعا كبير على السوق فلازم تحط في الاعتبار الموضوع ده.

خطة بريس جيلمور للتداول الناجح


وبيكمل بريس جيلمور كلامه وبيقول ان التحليل الفني فقط يعني مش هيعمل منك متداول ناجح. لازم عشان تكون متداول ناجح لازم تربط بين حاجتين اللي هو الاخبار والتكنيكال. طبعا الطريقة بتاعته ان هو بيربط موضوع  التكنيكال مع التحليل الفني يعني مع الاخبار

بيدرس الاخبار برضو او على الاقل انت تفهم في أخبار ايه خلال اليوم اللي انت بتداول فيه? يعني لو في اخبار مهمة تحط في اعتبارك الكلام ده عشان يشوف النموذج اللي بيتكون على الشارت عامل ازاي عشان يعرف يتعامل معه. فهو الفكرة مختصرة اللي هو بيقولها في المقدمة بتاعته ان هو بيحب يربط التحليل الفني مع التحليل الاساسي او الاخبار

ما هي فرص الدخول المناسبة لبريس جيلمور

بريس جيملور

وبيكلم بريس جيلمور وبيقول لو عايز تتداول بشكل ناجح.  اية بقى النقطة المهمة اللي بيتكلم فيها? بيقول لك يعني انت لازم تجيب مناطق الدخول اللي فيها اقل مخاطرة ممكنة في السوق عشان تعرف تكسب السوق ده. يعني الفرصة اللي فيها اقل مخاطرة ممكن يعني بيبقى الاستوب لوز بسيط جدا فيها هي دي الفرص اللي هو بيدخلها باستمرار. ويقول لك ده الفرق بين متداول ناجح ومتداول فاشل ان انت تجيب نقطة اقل مخاطرة او اقل ريسك ممكن. 

وبيكلم كلامه وبيقول في الجزئية دي بيقول لك ان السوق بيتكون من قمم وقيعان بناء على طبعا البائعين والشاريين. يعني لما تلاقي مرة واحدة في هبوط قوي كده على في السعر على فريم الخمس دقايق او ربع ساعة قال لك معنى كده ان بكل بساطة أن البائعين انتصروا على الشاريين . والعكس صحيح لما تلاقي فيه صعود قوي بشموع قوية متتالية اعرف ان المعركة انتهت وان اللي فازوا في المعركة هم الشاريين وعشان كده دي الترجمة بتاعة الشارت قدامنا

طبعا بيقول لك ان انت بعد  دراستك للكورس دة او الكتيب اللي هو عامله هتقدر تطلع الفرص اللي هو بيدخل بها دي ان انت تجيب فرص المخاطرة بتاعتها قليلة واستوب لوز محسوب معروف بنقطة معينة ان انت لو لمس المنطقة دي بتخرج مباشرة من العملية وتخش على عملية جديدة. إذا هو يعني المبدأ بتاعه في التداول ان انت تدخل عمليات مناطق دخول قوية فالريسك بتاعها بيبقى قليل جدا. فمفيش مشكلة تخسر عملية واتنين وتلاتة لكن الهدف بتاعك بيبقى على طول هو يعني ضعف او تلات اضعاف الاستوب  فبيعوضك في العملية الكسبانة.

 

بيتكلم طبعا ان العمليات الناجحة بتاعتك بتمشي ازاي? ان انت بتخش العملية اللي هي Low risk دي تدخل تخرج بسرعة يعني الهدف بيبقى معك مثلا خلال العشر دقايق بتكون خرجت من العملية. وفي نفس الوقت لو السعر عكس عليك طبعا هو نبه على الجزئية دي كتير قال لك لو لقيت اني دخلت العملية والسوق يعني مش استجاب للحركة بتاعتك اللي انت متوقعها تخرج مباشرة من العملية لا تنتظر يعني
انت دخلت الصفقة مثلا علي فريم 5 دقائق شراء والسوق ما تحركش معك في الاتجاه اللي انت عايزه بدأ يمشي بالعرض حتى بتخرج مباشرة من العملية. هو بالنسبة له ده مبدأ مهم جدا ممكن برضو نستفيد منه من الجزئية دي 

 يعني لو انت محلل صح وكل حاجة تمام فلازم لو انت دخلت العملية السوق يمشي مباشرة مع اتجاه الصفقة لقيت حاجة غير كده يمشي بالعرض أو يبدأ يعكس عليك بسيط مبيستناش وبيخرج مباشرة من العملية ودي اهم النقط اللي هوا اتكلم فيها

التحكم في المخاطرة (Control Risk)

بريس جيلمور بيقول بريس جيلمو هنا ان الحاجات اللي انت ممكن تتكلم فيها في الموضوع ده Control Risk ان انت تتحكم في المخاطرة بتاعتك ده اول جزئية مهمة يجب ان تتعلمها. بعد كده قال لك تبدأ تتعلم تختار الصفقات بتاعتك بقى يبقى انت اهم حاجة عنده 

التحكم في المخاطرة بتاعتك وبعد كده تختار العمليات الناجحة اللي هي هنتكلم فيها بعد كده.وبعد ان تتقن الجزئيتين دول هتبدأ بعد كده تدرس عنده ماتريال تانية طبعا هنتكلم عن  Time and price في حاجات لجان واتكلم عن اليوت دي برضه الادوات الفنيه هو يعتبر متداول زينا يعني فدرس كل الكلام ده درس لجان ودرس اليوت وبرايس اكشن طبعا قال لك هتبدأ تربط الطرق دي مع بعضها بعد كده

الكسر الكاذب (False Break)


بعد كده عن حاجة من المفاهيم اللي هيشتغل بها False Breaks او الكسر الكاذب. طبعا ده مهم جدا هو بيستخدمه يعني ببساطة موضوع ده? يعني لو انت عندك دعم سعري باي طريقة كانت وبعد كده السعر جه وعمل كسر كاذب 

قفل بشمعة مثلا خمس دقايق وبعد كده هتلاقي الشمعة اللي بعد كده قفل اعلى الدعم وبعد كده بدأ يصعد تاني ده اسمه كسر كاذب يعني السعر كسر لك دعم ففي ناس كتير يعني مراقبين الدعم ده مش انت بس يعني في ناس كتير شايفة الدعم ده انه دعم قوي. السعر كسره علي خمس دقايق. ففي ناس هتخش بيع اللي هو مسميها Dumb Moneyاو يعني المتداولين اللي هم غير محترفين. تمام? يدخلو بيع في العملية دي. فتبدأ تخش العملية المعاكسة واللي هي الشراء. يبقى الكسر الكاذب ده مهم جدا في الطرق بتاعته والادوات بتاعته. على الخمس دقايق وطبعا الفكرة يعني ان هو لو قفل بشمعة خمس دقايق بس تحت الدعم. الشمعة اللي بعدها تبقى على طول الانعكاسية ولازم مباشرة يبدأ الصعود بعد كده

طبعا لو قفل اكتر من شمعة يبقى كده ده كسر حقيقي مش كسر كاذب احنا بنتكلم عن الكسر الكذب اللي هو شمعة واحدة خمس دقايق مثلا وبعد كده الشمعة التانية بيبدأ ينعكس لاعلى ده اسمه كسر كاذب طبعا عند المقاومات نفس الفكرة .لو عندك مقاومة بدأ السعر يطلعلها عمل بس  اختراق وهمي بشمعة بعد كده نزل تاني ده اسمه False break ودي بتبقي عمليات انتري برضة مع الطرق التانية في الكورس فدي يتعتبر جزئية الFalse Break

طبعا الفكرة ان كل الناس مراقبة الدعم ده مش انت بس يعني  الناس شايفة ان هنا في دعم بأكثر من طريقة والناس شايفة ان هنا في مقاومة فدي منطقة مراقبة لكل الناس المتداولين اليوميين يعني فعشان كده هو حطها في الاعتبار بتاعه.

اهم مستويات الفيبوناتشي

طيب الجزئية اللي بعد كده نسب الفيبوناتشي  38.2-50-61.8 

طبعا النسب دي برضو مهمة جدا عند بريس جيلمور في الاعتبار بيبدأ يشوف التصحيحات السابقة الحركة السابقة لو عندك حركة خلال اليوم اللي قبله صعود فانت عايز تحط مناطق الدعم فين فيبدأ يرسم مناطق 38 يرسم فيبو من القاع للقمة ويحط باقي المستويات ويشوف الارتدادات دي هتبقى عاملة ازاي طبعا كالعادة لو السعر كسر38  فبيروح المستهدف اللي بعده 50 كسر ال 50 بيروح لل61 وهكذا اذا دي مناطق الفيبو اللي احنا عارفينها كلنا

قاعدة The Two Day Correction

بريس جيلمورفي حاجة تانية اتكلم فيها الي  هو التصحيح يومين. قال لك لو انت عندك ترند قوي صاعد فانت بتقابل ان في يومين شمعتين هبوط تصحيحية بعد كده يبدأ التريند يكمل فمبدأه ان لو الترند الصاعد خلال اليومين دول يعني بعد يومين تصحيح هبوط بتبدأ تشتري طبعا بناء على  التحليل بتاعه بيبدأ يدخل عمليات الشراء ولكن لو استمر اكثر من يومين الهبوط ده يبقى التريند هيبدا يتغير فهو بالنسبة له طالما التريند صاعد فلازم التصحيح بيبقى يومين فقط خلال يومين بيبقى فيه عمليات تصحيحية يبدأ يشوف التصحيح ده هينتهي فين ويبدأ يخش عملية شراء في اليوم التالت دي قاعدة The Two Day Correction rule

قاعدة 3Day Balance Points

بريس جيلمور

وفيه قاعدة اسمها اللي هي نقطة 50% من اخر 3 ايام. يعني بيشوف اخر تلات ايام اخر تلات شموع اليومي مثلا لو صاعده كده فيبدأ يقيس ال50% في ال3 ايام دول  الخط ده خط مهم او منطقة النص يبقى دي نص الرينج بتاع التلات شموع التلات ايام الاخيرة يبقى ا اخر 3 ايام تداول بيبدأ يشوف الخمسين في المية بتاعت التلات ايام دول ويحدد ده يعتبر منطقة دعم بالنسبة له

وبياكد بريس جيلمور وبيقول اوعى تنسى القاعدة دي يعني ما تسيبش عملية مفتوحة لنهاية اليوم. طالما اليوم انتهى طبعا احنا قلنا ان هو بيتكلم يعني بيشتغل فيوتشزر بس زي ما قولنا يعني الافكار بتاعته ممكن تمشي على اي سوق. فبيقول لك خلي بالك ان ما تسيبش اي عملية مفتوحة خسرانه لو انت عندك عملية خسرانة اخرج من العملية مباشرة زي ما قلنا المبدأ بتاعه مهم جدا اي عملية تمشي معك عكس توقعك بتخرج منها مباشرة مش بتستنى ان السعر هيجي معك في اتجاه الصفقة

لا بيخرج مباشرة معنى كده ان في حاجات غلط في التحليل ويبدأ يحلل مرة اخرى في السوق. والقاعدة التانية بيقول لك ان انت ما تسيبش اي عملية خسرانة خلال اخر اليوم اوقبل  اغلاق اليوم بتخرج مباشرة من اي عملية مفتوحة.
وبياكد بريس جيلمور ان اسهل حاجة من عمل الأموال هي خسارتها دي قاعدة برضه مهمة. يعني لما يكون عندك قواعد والتزام بها ان انت عشان تبقى متداول ناجح. يعني اسهل حاجة ان انت ممكن فعلا تعملها بعد عمل الفلوس ان انت تخسرها بسهولة فالمحافظه علي الاموال بتاعتك يعني كحسابك او كعملية كسبتها. المحافظة عليها ده يعتبر مكسب في حد ذاته

لحد هنا ينتهي الجزء  الثاني من المقاله ونستكمل الجزء الثالث باذن الله

 

كورس مجاني تعلم مربع التسعة

سأعلمك كيف تتداول باستخدام مربع التسعة + تحميل الالة الحاسبة مجانا لاستخراج الدعوم والمقاومات علي الشارت

Similar Posts