في سلسلسه المقالات دي هنتكلم عن كتاب او ملخص لكورس Trading to win صاحب الكتاب اسمه بريس جيلمور. طبعا الراجل ده كان بيتداول في الفيوتشر بنهاية 1980-1990 في الفترة دي يعني. كان بيشتغل في sp500 ولكن طبعا هو عمل اكتر من كتاب يعني منهم الكتاب دة اللي هو عبارة عن زي كورس كده بيتكلم فيه عن الأدوات بتاعته اللي هو اشتغل فيها في الفيوتشر.
👇لمشاهدة فيديو هذه المقالة اضغط هنا 👇
اهلا بيك في الجزء التالت هنكمل في سلسلة لكورس بريس جيلمر المضاربة اليومية لو مشوفتش الجزء التاني دوس هنا
ازاي احدد الاستوب لوز؟
اول حاجة بريس جيلمور بيقول اهم حاجة عشان تبقي متداول محترف وناجح لازم اولا تعرف تتحكم في الخساره بتاعتك ولو دي الحاجة الوحيدة الي انت هتتعلمها من الكورس كله فعندك احتمال 50% انك تربح . عشان كدة موضوع ازاي تخرج من الصفقه وتعمل استوب لوز صحيح دي اهم حاجة ممكن تتعلمها من الكورس دة . اني اعطي فرصة للسوق انه هو الي يقرر الحركه بتاعته دة مش عندي . يعني بيقول لو انا دخل الصفقة وليكن مثلا شراء والسوق مش اتحرك فورا في اتجاه الشراء بتاعي (صعود) بخرج فورا من العملية . معني كدة ان في حاجة في التحليل غلط لان العمليات الي بيدخلها لازم السوق هيمشي في اتجاهه
والسوق عموما بيتحرك بين دعوم ومقاومات فهناك احتمالين لما بدخل الصفقة السوق يمشي معاك او يمشي عكس صفقتك ملهاش حل تالت . عشان كدة المتداولين المحترفين سواء اكسبريت او تداول ألي نفس الفكره عندهم المستويات الي بيدخلوها سواء شراء ام بيع . وبيقول بريس جيلمور انا لما براقب مستوي الدخول بتاعي وبكون مجهز للبيع او الشراء واستني السوق يديني برايس اكشن عند المستويات دي وحسب طبعا الفريم
سيكولوجيه بريس جيملور هي لو اشتريت عند مستوي معين ولقيت السعر عكس عليك شوية فبتخرج مباشرة حتي لو بعد انعكاس السعر رجع صعد للمستوي بيرجع يشتري تاني . لانه لو اشتري اول مره والسعر عكس علية وبدا ينزل فهو بيخرج علي طول بدل ما السعر يعكس اكتر فالخساره بتاعتك هتبقي كبيرة . بيقول لو دخلت خسارات صغيرة عند نفس المستوي لحد ما ادخل في مره ويحقق الهدف بتاعي . خساره صغيره افضل من اني استني السعر يعكس عليا جامد وتبقي الخسارة كبيرة وضخمه
التداول عن طريق الكسر او الاختراق
لو انت بتشتري علي مناطق الكسر او الاختراق لازم يكون المستوي واضح والكسر يكون قوي . لو منطقة المقاومة السابقه عند سعر 1100 E-mini منطقة الاختراق هتبقي مثلا 1100.4 قالك ان المستوي دة بيضرب استوب البائعين . وفي ناس برضه بيحطوا اوردرات كتير عند المنطقة دي . يعني تلاقي عند منقطة مقاومة تلاقي السعر عمل بريك اوت قوي جدا ببساطة عشان هنا في ناس بايعه وحاطة الاستوب لوز فوق المقاومة دي عمليات كتير كدة . فالي عامل اوردر بيع (short selling ) وقت البريك اوت بيخرج من البيع يعني بيشتري وفي نفس الوقت اصلا ناس بتدخل شراء السوق مع البريك اوت فدة بيخلي فيه صعود قوي جدا في موضوع البريك اوت .
نفس الفكرة برضه في الكسر الكاذب لو عندي مقاومة والسعر طلع وعمل قمة جديدة ولكن مقدرش يكمل لو انت اشتريت قالك لو السعر نزل تحت المقاومة تاني 1100 تخرج من العملية مباشرة فمعني كدة ان دي اشارة لكسر كاذب لان السعر هيعكس لاسفل .وبياكد بريس جيلور ان لو عملية الدخول في البريك اوت لو هي صحيحة السعر هيكمل معاك علي طول في دقائق قليلة او حتي ثواني غير كدة بتخرج مباشرة.
الشمعة الانعكاسية ومستوي الاختراق
لو لقيت بعد شمعة الاختراق أتكونت شمعة انعكاسية فدي اشارة انك تعكس العملية بتاعتك لبيع لان دة هيكون كسر كاذب الاسلوب دة بيطلع عليه (الاسكالبينج السريع) لما تدخل بيع في الوقت دة بعد البريك اوت الاستوب لوز هيبقي ربع نقطة اعلي الشمعه الانعكاسية
أهمية سرعة الخروج من الصفقات
وبقول هنا لما تدخل في مضاربات عن طريق البريك اوت السعر لازم يمشي معاك مباشرة في الاتجاة بتاعك لو الاختراق حقيقي يعني لو الاختراق لاعلي لازم السعر يكمل في الاتجاه الصاعد .بيقول ان مفيش معني انك تقعد وتنتظر السعر وهو بيعكس عليك علي امل ان السعر يكمل معاك تاني . مفيش اي ربح بيجي بسبب الامل او انك تتمني ان السعر يرجع للاتجاه بتاعك . مفيش الكلام دة في التداول واي متداول محترف مش بيفكر في الكلام دة خالص .
انت هتبقي متداول ناجح بشكل مستمر لما تتحكم في الخسائر بتاعتك . وبيحذر بريس جيلمور انك مينفعش تتمسك بعملية خسرانة تحت اي ظرف تخرج مباشرة قبل السعر يعكس عليك اكتر وتكون الخساره ضخمة في النهاية .فدي اول حاجة انت تهتم بيها وبيقول ان خسائر صغيره افضل من خسارة كبيرة ودة المبدا بتاعه باختصار . لان العمليات بتاعتك الي انت بتاخدها بتبقي عند مستويات قوية فالعملية هتمشي في الاتجاة بتاعك او انت اخطات في التحليل فانت هتخرج مباشرة في العملية بعد اول أشارة واضحة فدي اخطاء كلنا بنقع فيها لما بندخل في عملية وبنتمسك بيها حتي لو الشروط اتلغت
. زي مقولنا في موضوع البريك اوت انت لو دخلت شراء مع الكسر ونزل عمل اعادة اختبار ولقيت السعر بينزل وانت مستني السعر يوصلك عند نقطه الدخول عشان تخرج فالسعر ينزل اكتر طب استني لما ينزل عند التصحيح 50% فينزل أكتر . فبدل العملية لما تبقي خساره بسيطة تبقي في الاخر خساره ضخمه لان كل الخساره لما تكبر انت بتخاف تقفل العملية نقول ياريتني كنت قفلتها عند خسارة بسيطة ويبدا موضوع النفسية يلعب الدور بتاعه ..
عشان كدة بريس جيلمور هتلاقية ديما بياكد علي موضوع التحكم في الخساره وبيعتبره استراتيجية لوحده لو انت اتعلمت فقط مهارة انك تخرج بخساره بسيطة دة هيخليك انك تكون متداول ناجح ومستمر في السوق
تقنيات الدخول من القمم والقيعان
في الشارت دة علي فريم ال5 دقائق بيقولك لو انت داخل بيع في منطقة دي عند مقاومة سابقة فلازم تراقب الشموع الهابطة بعد الدخول في العملية لازم تكون هابطة بالشكل دة . ولو دخلت الصفقة ولقيت الشموع ماشية بالعرض اغلبنا طبعا بينتظر لكن بريس جيلمور بيخرج مباشرة ومعني كدة ان فيه حاجة غلط عشان كدة لازم تشوف الشكل دة علي طول
SAR
sar (stop and reverse )يعني ايه الكلام دة . قالك لو السعر بعد ما نزل ضربلك استوب علي الدخول وعمل كسر للمقاومة الي انت كنت داخل منها . فقالك في منطقة دي بتدخل عملية عكسية شراء بهدف انك تعوض الخسارة البسيطة الي جاتلك سواء استوب لوز علي الدخول او خساره بسيطة لان في اغلب الاحيان السوق هيديك نفس المسافة الي هو خسرك فيها 
بياكد هنا علي اهمية المستوي الي تدخل منه لانه هو الي هيتحكم في مستوي الخساره بتاعتك . لان في ناس لما بتلاقي السوق صاعد وعمل بريك اوت فدخلت من مستوي مش قوي لانك خايف ان السوق يفضل طالع وانت مش تلحقة وانت اشتريت من نص الطريق , ففي احتمال كبير ان السعر ينزل يعمل تيست عند مستوي سفلي ساعتها هتكون انت خسران خساره ضخمه لانك داخل من نص الطريق . عشان كدة المنطقة المثالية بتاعتك بتديك تحكم في الاستوب لوز لما تكون داخل من مكان مميز.
مثال علي البريك اوت في عملية البيع
هنا مثال فكره البيع . محدد مناطق الدعم السابقة علي الشارت. الاستوب لوز بيحددة بعد شمعه الكسر اعلي الهاي بتاع الشمعه . ونلاحظ ان البريك اوت القوي حصل عند منقطه القاع المزدوج السابق لان المناطق دي بتبقي منطقه استوب لوز لكثير من المتداولين لان المنطقه دي بيراقبها الكثير من المتداولين ومجهزين اوامر شراء من عندها ولكن المتداولين المحترفين عارفين ان هيحصل هنا بريك وات ويدخلوا بيع عشان كدة انت لازم تدخل مع الجهه الكسبانه
مثال توضحي اخر
هنا هنلاحظ قمة سابقة (old high) بعد كدة السوق عمل دعم وبعد كدة عمله صعود تصحيحي وعمل دعم تاني وكون دبل بوتوم فدي يعتبر منطقة دعوم هتلاقي ان السعر طلع وعمل قمة وتصحيح وبعد كدة اخترق القمة ودة يعتبر اول بريك اوت يحصل . بعد كدة بدا السعر يصعد تاني قرب المقاومة السابقة وقالك ان مفيش شراء هنا لانه مش ينفع اشتري عند مقاومة سابقة . بعد كدة بدأ السعر ينزل يصحح 50% ودخل هنا شراء وكمان قريبة من منطقة البريك اوت السابق وبدا الصعود .
أشياء يجب ان تتعلمها حتي تكون متداول ناجح:
1-وقف الخساره بيكون بسيط جدا يدوبك تحت شمعه ال5 دقائق بنقاط بسيطة وان عمليات خساره صغيره متتالية افضل من انك تنتظر السوق يعكس عليك بشكل كبير وتبقي خساره كبيرة
2-ادخل من المناطق اقل مخاطره ممكنه لان منطقه الدخول اهم حاجة تركز عليها في الصفقات
3-ادرس أنماط السوق والبرايس اكشن كويس جدا لانه يعتبر جزء كبير جدا من سيكولوجية المتداولين لانه عبارة عن ترجمة لحركه المتداولين البائعين والشاريين والdumb money . ودة طبيعا بيجي مع الممارسة وقرائه الشارتات.
4-اتعلم العادات من المتداولين المحترفين وحاول تفكر زيهم وشوف هل هما هيعملو الي انت هتعمله في نفس الموقف او لا .
5- جهز الخطة بتاعتك قبل ما تتداول يعني مش تدخل عشوائي كدة تفتح شارت ال5 دقائق تلاقي شمعه صاعدة تدخل تعكس عليك تخسر وهكذا .لكن انت الاول تفتح الشارتات وتشوف الفريمات المختلفة ال5 دقائق وال15 دقيقة والساعه وتشوف وضع السوق ايه وتربط حركة الفريمات مع بعض . وهل فية اخبار او لا
وبيكمل بريس جيلمور وبيقول انك لازم تفهم ان السوق مش بيتحرك بالاهواء الشخصية ولكن بيتحرك حسب البائعين والشاريين وفي وقت معين بينتصر احد الطرفين عشان كدة بتحصل حركات الصعود والهبوط في الاسعار فلازم تكون انت مع الجهه الرابحه في السوق. وابعد أرائك الشخصية عن التداول.
امتي ادخل في الصفقة ؟
قالك بريس جيلمور انك تدخل السوق او الصفقة لما تلاقي أشاره واضحة ادامك وقال ان الاشارات دي بتظهر من 5 الي 10 مرات خلال اليوم لانه طبعا متداول يومي فانت مش تدخل غير لما يظهر اشاره واضحة ادامك بالشروط الي انت طبعا عارفها زي ما شرحناها . وقال طبعا المتداولين الجداد ان السوق سهل وانهم بيدخلوا مندفعين في السوق بدون دراسة ولاشيء وفيه ناس كتير منهم بيستمعوا لتوصيات البروكرز او الناس الي بتعمل توصيات فبيدخل وخلاص من غير ما يفهم السوق ماشي ازاي ! او من غير ما يفتح الشارت اصلا .عشان كدة لازم يكون عندك الاداوت الي موجودة عند اي متداول محترف عشان تكون واحد منهم
وقالك ان الخطا الشائع بين الخاسرين انه بياخد عملية ومش بيخرج منها وبيستمر في الصفقة الي دخلها والسعر عمال يعكس عليه وهو بينتظر علي امل ان السعر يرجع تاني الي نقطة الدخول بتاعته.
تجنب المحللين لانهم هيخسروك اكتر لانك هتعتمد علي فكره الامل ان السوق يرجع لنقطه الدخول بتاعتك . اعتمد علي نفسك انت ولا تعتمد علي محللين لانهم يعتبر بره السوق اصلا ومش متداولين مثلك. والسوق عمره ما هينقذك . انت لازم تنقذ نفسك
لحد هنا ينتهي الجزء الثالث من المقاله ونستكمل الجزء الرابع باذن الله