هنتكلم في المقالة دي عن أسرار النظام الهرمي وليام جان (pyramiding) عشان نعرف ازاي عمل الارباح الضخمة الي عملها طوال حياته من التداول من 100 سنه تقريبا في سوق الاسهم ونفهم اكتر سيكولوجية وليام جان في التداول وهنتكلم في المقالة دي عن افكار وليام جان في تحديد القمم والقيعان والازمنه والاسعار وطريقه عملهم.
👇لمشاهدة فيديو هذه المقالة اضغط هنا 👇
مبدا التداول الهرمي لوليام جان:
لو بصينا علي الكتاب بتاعه (maser stock course) هنلاقية جزئية الهرم واتكلم فيها وليام جان في اكثر من مكان وقالك ببساطة امتي تزود العقود بتاعتك في اتجاه التريند بتاعك وقالك انك لازم تعملها في الاسواق النشطة فقط الي فيها سيوله وحركة قوية مش اي سوق تشتغل فيه ..وزي محنا عارفين السوق بيمشي في مراحل تجميع وتذبذب وبعد كدة مرحله التريند وبعد كدة تجميع وبعد كدة تريند هابط وهكذا .. فمرحله التجميع دي مش ينفع بيها طريقه التداول الهرمي لانك انت كدة هتخسر في الموضوع دة لان السوق بيطلع فانت هتتوقع انه هيعمل تريند صاعد وتبدا تشتري هتلاقي نفسك دخلت في قمة ونزل تاني وهكذا ويبدا يمشي في حركه جانبية
والهبوط نفس الفكرة بيحصل تجميع وبعدين تريند وانت متوقع انه ترند هابط لفاصل انعكاسي قادم فانت في الفتره الزمنيه الي متوقع فيها الهبوط هتبدا تدخل عمليات البيع فقط مع اقرب تصحيح ومع اي فرصه للتصحيح تدخل عمليات بيع لان انت متاكد ان التريند هابط في الفتره الزمنيه دي كلها وطبعا الفتره الزمنيه دي بتختلف ممكن تكون علي فريم اليومي او فريم ال5 دقائق فالتداول الهرمي ملوش فريم محدد عشان تشتغل علية وتقدر تعمل بالطريقه دي علي مختلف الفريمات
مثال علي الشارت للتداول الهرمي لوليام جان:
لو انا متوقع ان الزمن الجاي دة هيبقي فيه تريند هابط بعد كدة .. اول حاجة هدخل في عملية البيع ممكن تكون في نفس الزمن بالضبط ولكن احنا ديما بنقول ان مع طرق ويليام جان لازم تدمج اكتر من طريقه وتربط السعر بالزمن وليكن المنطقه دي كانت في مستوي فلكي مثلا ترانزت كوكب المريخ ومتوافقه مع علاقة زمنيه بين القمر والشمس مثلا وانت هنا تاكدت ان فيه ترند هابط
الي هعمله اني هبدا ادخل عملية بيع والمثال دة علي فريم الساعه وهدخل مع اول تصحيح رئيسي في بيع تاني لاني متاكدة ان السعر دة هيفضل هابط لغايه الزمن الانعكاسي القادم هنلاقي هنا بدا يعمل تصحيح وهدخل بيع فقط مش هعمل اي عمليات شراء ابدا
هنلاحظ هنا السعر بدا ينزل هبدا ادخل بيع مره اخري وطبعا التصحيح بيبقي بمقدار معين طبعا جان اتكلم عنها range كل سهم وكل عمله مختلفه في المدي التصحيحي بتاعها ..لو عندك اي تريند هابط بيحصل لازم بيبقي فيه تصحيحات داخلية والتصحيحات دي بتبقي ليها قيمة معينه لو فيه هبوط السعر بيصحح في قيمه معينه السعر لا يتعداها ونفس الفكرة في الترند الصاعد لان السعر دائما يسير في موجات وتصحيحات داخلية . فالفكرة ان السعر حتي لو عكس عليك فانت متاكد ان التريند هابط وهيكمل هبوط مره اخري
اسلوب وليام جان في التداول الهرمي:
في حاله التريند الصاعد انت بتدخل مع اي تصحيح داخلي بتبدا تدخل بلوتات اضافية عشان تعمل بالنظام الهرمي وبتحط استوب لوز علي الدخول مع كل دخول جديد وتامن كل عقودك القديمة وجان كان بيعمل بالاسلوب دة ولكن هذا الاسلوب محتاج درجه معينه من الاحترافية عشان تقدر تربح منه لان ممكن تصحيحة كبيره تخسرك حسابك فانت اشتغل علي التصحيحات الواضحة وليست التصحيحات الداخلية الصغيره وتحسب الرينج بتاع الحركه وانا اتكلمت عن الفكرة دي في كورس بريس جيلمور هتلاقية مقالات بتكلم عنه في الموقع لانه مهم جدا لان كل تصحيح بيكون له قيمة معينه السعر مش بيتعداها.
قياس نسبه التصحيحات:
هنلاقي اول تصحيح عمل 38 دولار والتصحيح التاني 44 دولار فانت لو دخلت بيع من 38 في المره التانية هتلاقي السعر نزل ولكن طلع تاني وتعداها بحاجة بسيطة حوالي 5 دولار وبدا النزول تاني , هنلاقي التصحيح الرئيسي التالت راح ل50 دولار هتلاقي ان النسبه بتزيد فانت هتلاحظ ان كل مره التصحيح بيزيد بنسبه معينه هتتوقع التصحيح الي بعد كدة هيوصل لفين وهكذا بتمشي كدة لغايه ماتوصل للزمن الانعكاسي القادم بالحسبة الزمنيه بتاعتك تبدا تخرج من عمليات البيع بتاعتك وتبدا رحله جديدة لعمليات الشراء علي التريند القادم
متي اخرج من عمليات البيع ؟
بتبدا تخرج من البيع وتبني عمليات الشراء مع الزمن الانعكاسي الي انت محدده بناء علي تحليلك الزمني وتبني عليه نفس الافكار بتاعتك انك تدخل مع التصحيح وتشتري مع الترند وهكذا .. طبعا الموضوع مش بالبساطة دي بس دي الفكرة العامة للتداول الهرمي لوليام جان وازاي كان بيعمل الارباح الكبيرة في الفتره بتاعته بدون الاداوت الي عندنا دلوقتي لان السوق زمان مكانش بالسيولة دي ولكن الراجل كان بيعمل ارباح رهيبه بالاسلوب الهرمي
متي تتوقف عن استخدام التداول الهرمي؟
في جزئية مهمه هنا اتكلم عنها وليام جان ..اول حاجة في التداول هو الامان انك تامن نفسك الاول يعني مش تدخل في مكان فيه تجميع وتذبذت تستني لما السعر يخلص التذبذب وياخد التريند بتاعه تبدا تتداول بطريقه الهرم , خلي بالك ان نسبة حدوث التريند في السوق حوالي 20% وال80% بيكون السوق في حالة تذبذب ويمشي في نطاق عرضي فاغلب اوقات السوق بتشتغل مضاربات في البيع والشراء حسب طريقه شغلك .
تاني حاجة بيقولك مش تعمل بطريقه التداول دي في الدبل توب والدبل بوتوم لانهم بنسبه كبيره باترن بيتكرر في السوق .. فدي افكار سريعه عن احد اساليب ويليام جان في التداول والي هنا تنتهي المقالة ونلقاكم باذن الله في المقالة القادمة
