هنتكلم في المقالة دي عن تكملة الجزء الاول للمقالة وهندخل علي اساليب جان في التحليل الرقمي والزمني والهندسة المقدسة
1-الهندسة المقدسة والتحليل الرقمي
الفقرة دي من كتاب dynamic price prices of market trends والي عمل الكتاب دة بريس جيلمور وعملنا كورس مخصص لبريس جيلمور هتلاقية هنا وهو كورس مهم جدا … ميزته في الكتاب دة انه شرح الموضوع بشكل بسيط وسهل وتقدر تفهمة بسهولة لو انت مش عندك اي خلفية عن ربط التحليل الرقمي بالزمن
الزمن والسعر في اسواق المال عبارة عن حسابات .. ان في نقط معينه في اسواق المال السعر بيقف عندها بسبب انه فية نسبة هندسية اتكونت …
كمثال هنا السعر صعد وفيه نقطة معينه عمل قمة وبعدين هبط وهو بينزل جاء في نقطة معينه سعريا وزمنيا بدا يعمل قاع ويصعد وهكذا .. فالناس الي شغالين في مدرسة التحليل الرقمي والزمني بيقولك ان كل نقطة علي الشارت سواء قمة او قاع هي نسبة حسابات رياضية ورقمية وزمنية
يعني ان فيه معادلة كونت القمة او القاع بربط الاتنين التحليل الرقمي + الزمني
ومش لازم قمم وقيعان رئيسية بل النقاط الصغيرة كمان .. بس النقاط الصغيرة صعب ان انت تحكمها لان العوامل المتحكمة هتبقي كتير فالناس بتركز اوي علي النقاط الرئيسية لانها سهل انك مع الحسابات الرياضية المعينه انك تقدر تجيب القمم والقيعان دي … بس المبدا ان اي نقطة في اي مكان علي الشارت تكوينها بسس معادلة رقمية او زمنية او حاجة هندسية اتكونت علي الشارت .
واتكلم ان الناس زمان زي فيثاغورس والي عملو علم الرياضيات والهندسة زمان كانو معتدمين بشكل كبير علي الارقام ..وان فيه نماذج هندسية في الكون لو قدرنا نوصل ليها .. ممكن نوصل لاسرار كبيرة جدا في الكون وان ربنا خلق الكون بنسب رياضية محسوبة مثل النسبة الذهبية والرقم دة موجود في حجات كتير جدا في الطبيعة … فالناس دي كانت بتحاول توصل وتتبع عشان توصل الي اسرار الكون مش شرط التداول يعني
زمان مش كان فيه تداول في اسواق المال ولكن دلوقتي بدائنا نربط الموضوع بالتداول لية لان دة شيء في الكون برضة . بدائنا نستخدم علم التحليل الرقمي في اسواق المال
2-النسبة الذهبية وعلاقتها بالتحليل الرقمي
باستخدام الهندسة ممكن نثبت علاقة النسبة الذهبية 1.618 وانها ثابتة وموجودة في اشياء كثيرة جدا في الكون وان ممكن بالنسبة دي نستخرج نسب تانية كمان بالاساليب دي .. لو حسبت طول المستطيل 1.618 والعرض 1 فلو حسبنا نسبة الجذر التربعي للرقم هيطلع 1.9 وهي تعتبر نسبة معينه
وقالك ان نسبة 1.414 نسبة المربع 1.732 نسبة المكعب
في الاخر قال ان فية نسب امتدادية نسب فيبوناتشي والارقام التانية الي اقل من الواحد
3- مثال تطبيقي علي النسب والتحليل الرقمي
دة شارت للاندكس . بيقولك ان القاع علي الموشر كان 1199 سنه 1991 .. ضرب 1199 * 1.4142 طلع الناتج 1696 وطة طلع القمة بالضبط
نفس الكلام لما السعر نزل سنه 1993 القاع كان رقمة 1355 وضربة في 1.732 طلع القمة بالضبط عند 2348
دي الفكرة بمنتها البساطة جبت رقم قاع وضربته في رقم معين جاب القمة
طيب هنا السوال . انا هضرب في انهي رقم بالضبط؟. انا عندي ارقام نسب كتير مهمة ؟ لان انا عندي النسبة والذهبية ومضاعفتها . الموضوع هيبقي صعب شوية ؟ امشي معايا واحدة واحدة وانشاء الله هتفهم السبب وامتي تستخدم الحجات دي . وهل يمكن الاعتماد علي هذة الطريقة لوحدها ام لا .. وايه هي المميزات والعيوب للطريقة دي لان النسب كتيرة جدا .. باذن الله هنوضح كل دة في المقالات
هنلاحظ ان bullmarket التاني كان ضعف الصعود بالنسبة للصعود الاول
4- العلاقة بين التحليل الرقمي والعلاقات الزمنية في اسواق المال
هنا الكاتب سال سوال مهم جدا .. التقسيمات السعرية او الزمنية دي ازاي تكون عشوائية ؟ وازاي نقدر نحسبها حسابات زمنية ولا الموضوع بيمشي نسبي بين الاتنين
قالك ان فيه نسب معينه زمنية وهيقولك ان الزمني دة اسهل شوية لان السعر بيتحرك في مسافات ونسب مثل السهم يصعد بنسبة 20% او 20 دولار ولكن العلاقات الزمنية ابسط من العلاقات السعرية لان الزمن واحد ولان في عوامل زمنية كثيرة جدا
مثال لموضوع الزمن
دة شارت زمني … حسبنا من القاع الي القاع النسبة هنا 1148 يوم وحسبنا المسطرة بتاعتنا كانها رقم 1 وضربنا في 2 ومشينا بضعف المسافة الزمنية فاصبح الرقم 2269 عشان نشوف نفس الاسكيل دة اذا كان هيعمل نسبة بعد كدة ..
5- نظرية جان في التحليل الرقمي والتساوي مع الزمني
تعال ندخل في الجزئية مهمة جدا لوليام جان السعر والزمن بيساوي بعض
في المثال دة هنلاحظ ان المسافة الزمنية من القمة والقاع 1148 درجة فلكية .. هنحول الزمن الي سعر يبقي هتحرك 1148 نقطة هتلاقي القمة اتكونت تقريبا عن 1150 وجبت القمة الي اتكونت بعد كدة .. حولنا TIME=PRICE
الحاجة التانية الهبوط كان سعر يبقي ححول السعر الي زمن الهبوط كان 1113 نقطة وهنحولة الي زمن 1113 يوم من نفس النقطة هيجبلي برضة نفس القمة !!
يبقي النقطة دي جائت عن طريق حاجتين معادلة رقمية مع معادلة زمنية
6- ملخص فكرة التحليل الرقمي والزمني علي الشارت
بمنتهي البساطة بما ان time = price ان الاتنين معادلة زمنية لبعض
الزمن الي هو ايه: دقائق او ساعات او ايام او اسابيع او اشهر وهكذا … او ممكن تكون علاقات فلكية زي حركة الشمس والقمر والكواكب
السعر : الي انت عارفة علي الشارت ممكن يكون بالقيمة زي 10 دولار او 20 دولار او نسبة مئوية ان السهم اتحرك 20% صعود او هبوط
يبقي انا كدة معايا سعر ومعايا زمن هبدا اعمل بيهم معادلات علي الشارت
انا هنا عندي نقطتين علي الشارت .. هجيب المسافة الزمنية بينهم عاوز احسب زمن احولة الي سعر هنشوف الفترة الزمنية بين القمة وبين القاع كام .. يبقي انا كدة جبت اول طرف في المعادلة وعندك برضة السعر .. طلع من قاع الي قمة فدي مسافة سعرية شوف قيمته كام
وابدا بالمعادليت دول ابدأ اتوقع النقط القادمة والقاع المستقبلي او اسقاط معين لو هو طلع قيمة X ممكن يطلع هنا 2X … او ممكن اعمل اسقاط زمني للمستقبل بحيث اجيب نقطة عليها احداثيين X , Y اتوقع نقطة قمة في المستقبل
هي الفكرة بسيطة لكن تطبيقها صعب نوعا ما عشان كدة قليل جدا من المتداولين في اسواق المال بدائوا يربطوا التحليل الرقمي بالزمني
